قاسي بالإكراه

الفصل الرابع

سافر كل من حسن ومراد علي حدود البلاد وذلك لتسلم

الشحنه المتفق عليها واثناء ذلك وجد من يطلقون النار عليهم..

حسن بغضب:مين دول..

مراد وهو يحتمي من الرصاص:مش عارف

ياحسن.. مين بلغهم بالميعاد..

حسن بعصبية:اكيد حد مدسوس بينا.. حاسب يا مراد..

مراد وهو يتفادي الرصاص:كده هنموت ياحسن.. لازم نعمل حاجة..

احد رجالهم:ياباشا دول جماعة المصيري..

جايين علشان يخلصوا علينا وياخدوا الشحنه..

حسن بعصبية وغضب:مستحيل.. الشحنه مهمة..

مراد بحدة:تغور الشحنه يا حسن.. المهم نخلص

من اللي احنا فيه دلوقتي.. سبها ويلا بينا..

حسن:مش ممكن.. انا هقتله.. ويتبادل اطلاق

الرصاص.. ولمراد.. بسرعة يامراد خد العربيه وامشي..

مراد:وانت مش هسيبك..

حسن بحزم:قولت يلا وانا هحصلك..

مش هيبقي موت وخراب ديار..يلا..

ليتجه معه احد الرجال الي السيارة.. ولكن يفاجئ مراد

بصادق المصيري عند السيارة ويطلق الرصاص علي مراد ومن معه..

ليلتفت حسن الي اخيه ليجده ملقي علي الارض مخضبا بالدماء

وصادق يضحك له ضحكة خبيثة ويكمل بصوت عالي:

البقية في حياتك ياحسن.. مب**ك عليك الشحنة

وربنا يرحم اخوك..سلام.. ويرحل هو ورجاله..

لتجحظ عينا حسن ويركض في اتجاه مراد ويمسك

بجسده المتهاوي وبخوف:مراد.. مراد رد عليا ..

مراد بأنفاس لاهثة ونبرة متقطعة:ح..

حسن.. ريم.. خلي بالك منها..

حسن بدموع وتوسل:لا يامراد.. انت اللي هتخلي

بالك منها.. مش هتموت.. مش ممكن..

مراد بإبتسامة حزينه:كنت حاسس ياحسن.. كنت عارف

اني بودعها.. علشان خاطري خلي بالك منها.. بنتي الوحيدة..

حسن بصوت متحشرج :هتعيش يامراد.. مش ممكن..

ده انت سندي.. انت حبيبي اكتر من كمال.. هتسبني.. لا..

مراد: حسن.. ريم.. ابعدها عن شغلنا.. احميها..

وبإبتسامة شاحبة.. فهد هيحميها.. سامحيني ياريم.. ربنا يغفرلي..

اشهد ان لا اله الا الله.. وان محمد رسول الله..

حسن بعدم تصديق:مراد.. لا مش ممكن.. رد عليا.. مراد..

لتفيض روح مراد الي بارئها وسط ذراعي حسن الذي يبكي لاول مره

علي اخيه.. ويسبل عينا مراد ويحمله الي السيارة وينطلق هو ورجاله

عائدين.. وسط توعد حسن بالانتقام من عائله المصيري ورد الصاع لهم..

>>>>>>>>>>>>>>>>>>>>>>>>>>>>>>>>>

يصل حسن مع جثمان مراد الي المنزل

ويفزع من فيه بنبأ موت اخيهم الاصغر

كمال بحزن:ايه اللي حصل ياحسن.. معقوله مراد مات..

ساميه ببكاء:ازاي ياحسن.. مين عمل كدة..

حسن بجمود وغضب:عيله المصيري.. ولكمال.. مش عايز

حد يعرف باللي حصل..علشان البوليس.. هنقول مات في حادثة..

ساميه ببكاء:ياعيني علي شبابك

يامراد.. ياعيني عليكي ياريم.. اهئ اهئ..

حسن بغضب:انتي هتنوحي.. اخرسي..

كريمة التي كانت تبكي في **ت..

حسن بنظرات شرسة:طبعا اللي حصل

ميطلعش يا كريمة.. والا انتي عارفة..

كريمة بخوف باكي: اكيد ياحسن بيه.. عن اذنك..

حسن:اتفضلي.. ولكمال.. يلا روح حضر العزا

عايزين نخلص علشان نشوف اللي ورانا..

كمال:طب و عيله المصيري..

حسن بتوعد ونظرات قاتمة: ورب العزة.. ورحمة مراد لاندمهم

ع اللي عملوه.. وادفعهم التمن غالي.. مراد بعيله المصيري كلها..

لينصرف كمال لمباشرة اجراءات العزاء..

ساميه ببكاء وتساؤل:رايح فين ياحسن..

حسن بغضب: رايح مشوار وراجع.. متقوليش لهبابه

لمياء علي حاجة.. كل اللي تقوليه انه مات في حادثة عربيه..

ساميه:حاضر..

وينصرف من امامها..

لمياء:فيه ايه ياساميه.. ايه اللي حصل..

ساميه ببكاء:مراد مات في حادثة عربيه..

لمياء بصدمة:ايه.. مش ممكن.. طب ازاي..

ساميه بحدة:ازاي يعني ايه.. حادثة.. بقولك ايه

سبيني في همي.. مش نقصاكي.. وترحل..

لمياء بتعوج:الله.. مالها هتتعصب عليا.. يلا ربنا يرحم الجميع..

لبني:فيه ايه يامامي..

لمياء:عمك مراد مات في حادثة.. يلا يلا..

خلينا نطلع قبل البيت مايتملي ناس ودوشه..

لبني:طيب.. اصل ريم ديه فقريه.. اي حد يقرب منها

يتنحس.. احسن خليها كده لوحدها من غير اب وام..

لمياء بتحذير:لبني اسكتي شويه.. مش ناقصين..

البيت كله الوقتي مقلوب.. وريم هتبقي ع الحجر

يعني لو زعلتيها ولا قولتيلها كلمة هنسمع كلام زفت..

لبني بغل:طبعا ماهي اللي ع الحجر والكل بيحبها.. بس هوريها..

>>>>>>>>>>>>>>>>>>>>>>>>>>>>>>>>>

علم فهد بوفاة مراد والد ريم وحزن بشدة وبكي في اسي علي حال

ريم.. كان يبكي في الردهة المصاحبة للهول الكبير لتراه ريم وتذهب اليه ..

ريم بحزن: مالك فهد.. بتعيط ليه حاجة وجعاك..

فهد بدموع: لأ ياريم بس عمو مراد..

ريم بتساؤل: بابي ماله فهد..

فهد بحزن: عمو مراد مات يا ريم..

ريم بعدم فهم: يعني ايه مات فهد..

فهد بدموع: يعني مش هنشوفه تاني..

ريم بحزن: ايه ده.. يعني هو راح عند مامي..

فهد بأسي: ايوة ياريم..

ريم بإبتسامة: وانت بتعيط علشان كدة.. مش تزعل

فهد هو راح مكان حلو وهيبقي مع مامي.. وهما الاتنين

يجوا يزوروني في الحلم..

فهد بحزن: ايوة ياريم..

ريم بضحكة: طب تعالي معايا..

فهد بإستغراب: علي فين.. احنا بالليل..

ريم بإبتسامه: تعالي بس.. وتخرج الي

الحديقة وتكمل.. انت بتقول ان بابي راح لمامي..

فهد: ايوة..

ريم بضحكة وهي تنظر الي السماء: طيب هما هناك..

وتشير الي النجوم في السماء.. بابي بقي نجمة

زي مامي.. وبحزن.. هما بس بيظهروا في ليل..

فهد بتساؤل ودهشة: بقوا نجوم في السما.. مين اللي قالك كدة..

ريم: ماري قالي كدة لما سألتها مامي راحت فين..

قالي ان مامي طلعت السما وبقت نجمة وبتظهر بس في ليل

علشان تحميني وتراقبني وتمنع حاجات وحشة انها تقربلي

زي ملاك حارس.. دلوقتي بابي راحلها يعني هيكون عندي

اتنين ملاك حارس يحموني.. وتنظر لفهد بإبتسامه وتكمل..

انا هيقولهم ان واحد منهم يحميك ويراقبك..

فهد بإبتسامه حزينة: اه يا ريم.. جدتك عندها حق..

بس انا زعلان عليكي.. انتي بقيتي لوحدك..

ريم بإبتسامة: احنا المفروض مش نزعل ونعيط عليهم

علشان مش يزعلوا.. وتمسح دموع فهد.. مش تعيط فهد..

انا مش زعلانة.. وبعدين انت معايا انا مش لوحدي..

انت مش هيسيبني ابدا مش كدة..

فهد بإبتسامة: وعد عمري ياريم ماهبعد عنك ابدا..

حتي لما نموت مش هسيبك.. هبقي معاكي دايما

ولما نموت هنموت سوا.. ويمسك يديها ويكمل..

اوعدك عمري ماهسيب ايدك ابدا..

ريم بإبتسامة: وانا كمان عمري مش هكرهك ابدا..

هحبك علي طول.. احنا هنكون علي طول مع بعض..

بس وعد انك تجيبلي شوكلات علي طول..

فهد بضحكة: اوعدك هجيبلك شوكلات علي

طول.. ويلا بقي ندخل من البرد..

لتنظر ريم الي السماء وتقول: بابي ومامي بقوا مع بعض..

واحنا برضو هيفضل مع بعض زيهم كدة.. تصبحي علي خير

مامي.. تصبح علي خير بابي.. يلا انا هيستناكم في حلم..

ليدلف كل من فهد وريم الي المنزل..

>>>>>>>>>>>>>>>>>>>>>>>>>>>>>>>>>>

اما عند حسن فأتصل برئيسه في العمل..

حسن بغضب:اجل لقد قتلوا مراد.. هم لم

يلتزموا بالمعاهده.. سوف اقضي عليهم...

الرئيس:...........

حسن بغضب:كيف تخبرني ان

اهدئ.. لا سوف اقتلهم جميعا..

الرئيس:..................

حسن:ولكن كيف ستتصرف....

الرئيس:..............

حسن بغضب وهو يجذ علي اسنانه:حسنا سأنتظر..

ولكن اقسم برحمة اخي.. ان لم توفي وبوعدك

سوف احرق الجميع.. وداعا..

احد الرجال:هاااا.. ياباشا تؤمر بإيه..

حسن بغضب وتوعد: تجبولي صادق..

وتحرقوا مخازنهم.. والوقتي وفورا..

الرجل:امرك ياباشا..

حسن بعيون شرسه قاتمة:انا هوريكم ياعيله المصيري..

الريس قالي انه هيخلص عليكم بس لا..

مش اخويا اللي استني حد ياخد بتاره..

بعد عدة ساعات يصل الرجال ومعهم صادق المصيري..

حسن وهو يركله:اااااااااه يابن.. انا هندمك ع اليوم اللي اتولدت فيه..

صادق:معلش ياحسن.. البقية في حياتك.. عارف مراد

كان ابنك مش اخوك.. بس متقلقش.. المرة اللي جايه فهد بقي..

ليض*به بشدة ويكمل بغضب ونبرة صادحة:

انا هخلص علي عيلتكم واحد واحد يا....

مش انا اللي يتعمل معايا كدة.. وهتشوف الوقتي..

ليأمر رجاله بإزاله الغطاء عن وجه احدهم..

صادق بعيون جاحظة: صابر.. مش ممكن..

حسن بعيون قاتمة:العين بالعين ياصادق.. وجرب بقي.. ليطلق

الرصاص علي صابر ش*يق صادق وسط صرخات صادق..

حسن: عرفت وجربت ياصادق.. ولسه فكرك هقتلك الوقتي..

اصبر وشوف.. ولسه الريس هيجيب بعيلتكم الارض وهتشوف..

ولرجاله بلهجة آمرة.. ارموه جوا وجته اخوه وصلوها لحد باب البيت..

وبسخريه لصادق.. ماهو اكرام الميت دفنه.. وملناش دعوة بالاموات..

عبالك يا صادق.. بس بعد ماتتحسر علي عيلتك واحد واحد..

ويتركه ويرحل الي جنازة مراد..

لتنقضي الجنازة بعد اذاعة موت مراد بحادث ولا يترك

فهد ريم ابدا.. التي لم تكن تفهم ما معني الموت..

كمال:حسن..الريس متعصب ع الاخر..

حسن بلامبالاة:مش مهم.. هيهدي

بعد شويه.. مش هيعملنا حاجة..

كمال:ياحسن.. انت عارف هو طلب منك انك تصبر...

وانت شوفت عمل ايه في عيله المصيري.. ده قطع عنهم

كل حاجة.. ومنع الناس تتعامل معاهم.. انا خايف يقلب علينا..

حسن: لا.. متقلقش.. مهما عملنا مش هيقدر يأذينا..

كمال بقلق:ياخوفي ياحسن.. هتعمل ايه مع ريم..

حسن:هعمل ايه في ايه..

كمال:وضعها.. هتبعتها لجدها يعني..

حسن بغضب:وده ليه ان شاء الله..هبعتها ليه علشان

يربيها.. ناقصين ايد ولا رجل.. ريم ديه بنتي زيها زي فهد..

كمال: انا قصدي يعني علشان الشغل.. ونبعدها وكدة..

حسن بعصبيه وصرامه:كماااااال.. تخرس خالص.. ريم مش هتتنقل..

وكلام الحربايه مراتك ده بطل تبقي دلدول وتكرره

وراها.. ياإما قسما بالله اطلع اربيهالك انا..استرجل احسنلك..

كمال وهو يبتلع ريقه بتوتر:مش قصدي ياحسن..

انا بس ... خلاص اللي انت شايفه اعمله.. انا طالع..

حسن بإستياء وحدة:غور.. عامل زي جوز الست..وبحزن..

الله يرحمك يامراد.. بس اوعدك اني هحمي ريم من كل حاجة..

>>>>>>>>>>>>>>>>>>>>>>>>>>>>>>>

بعد فترة حيث اصبح فهد في المرحلة الثانوية ..

فهد بغضب: يعني ايه.. انا هدخل طب.. مش مشكلتي..

حسن بحزم: قلت هندسه يافهد..

فهد بعصبية: ده مستقبلي كمان هتحددلي ادخل ايه.. كفايه تحكمات بقي..

حسن بغضب: انت اتجننت.. انت ازاي بتكلمني بالطريقة ديه.. نسيت نفسك..

فهد: انا منستش.. بس اللي انت بتقوله..

ده انا عايز ادخل الحاجة اللي انا بحبها..

حسن: وانا بقول كدة علشان مصلحتك..

فهد بحدة: ايه مصلحتي.. انا عايز ابقي دكتور.. واعالج الناس..

حسن: لما تبقي دكتور مين اللي هيمسك

الشغل يافهد.. مين اللي هيراعي مصالحنا..

فهد بعصبية: الشغل.. مصلحتكم انتو..

حسن بصرامة: هي كلمة قولتها.. هتدخل هندسه..

فهد بحزن: ياماما قولي حاجة..

ساميه: فهد باباك عارف مصلحتك..

فهد: بس انا..

ساميه بحزم: خلصنا يافهد.. ابوك

قالها كلمة وهتتنفذ.. بطل زن بقي..

ليذهب فهد الي غرفته غاضبا ويلقي بالاشياء من علي

مكتبه ويصرخ.. لتأتي ريم فزعة.. وتنظر الي محتويات الغرفة..

ريم بخوف: مالك فهد.. فيه ايه..

>>>>>>>>>>>>>>>>>>>>>>>>>>>>>>>>>