قاسي بالإكراه

الفصل الخامس

ليذهب فهد الي غرفته غاضبا ويلقي بالاشياء من علي

مكتبه ويصرخ.. لتأتي ريم فزعة.. وتنظر الي محتويات الغرفة..

ريم بخوف: مالك فهد.. فيه ايه..

فهد بعصبية: اطلعي برا ياريم الوقتي..

ريم بقلق: قولي مالك..

فهد بغضب وصوت عالي: قولت برا.. انتي مبتفهميش..

ريم ببكاء: بليز فهد.. مالك اهئ اهئ..

فهد وقد جلس علي الفراش بحزن ووضع رأسه بين كفيه

ولم يتحدث.. وهي تلملم الاشياء وتضعها في اماكنها

ثم تجلس بجواره وتضع يدها علي كتفه مكمله..

ريم: فهد مضايق ليه..

لينظر لها فهد بحزن: بابا عايزني

ادخل هندسه وانا عايز ادخل طب..

ريم بعدم فهم: يعني ايه هندسه فهد..

فهد بضيق: ريم انا مش رايقلك علشان اشرحلك..

ريم وهي تقضب حاجبها: طب قولي انت زعلان ليه..

هندسه ديه وحشة يعني.. زي اجنبيه..

ليبتسم فهد رغما عنه ويكمل: برضو.. ويكمل..

هندسه ديه يعني ابقي مهندس..

ريم: اهااا.. يعني تبني بيوت وحاجات عاليه..

فهد: ايوة..

ريم: طيب ديه حاجة حلوة فهد..

فهد بضيق: انا مش عايز.. انا عايز ابقي دكتور..

ريم بتساؤل: ليه فهد..

فهد: عايز اعالج الناس واساعدهم.. ابتكر حاجات تساعدهم..

بس بابا مش عايز كدة.. عايزني ابقي مهندس علشان امسك الشغل..

ريم بضحكة: وانا كمان عايزاك يبقي مهندس فهد..

فهد وهو يضيق عيناه بتعجب: ليه..

ريم بإبتسامة: علشان تبني ليا بيت..

فهد بإستغراب: بيت ليه..

ريم: بيت نعيش فيه انا وانت.. بيت نقف نطول بيه نجوم..

بس تعمله ليا في شجرة مش حد يدخله غيرنا.. يكون حلو فهد..

وبإبتسامه.. انت يدخل هندسة علشاني انا.. وانا يدخل طب علشانك انت..

فهد مستغربا: ازاي..

ريم: يعني انت تحقق امنيتي.. وانا احقق

امنيتك.. انا بحبك اوي.. وهيعمل اللي انت بتحبه..

فهد بإبتسامه: انتي عايزة كدة..

ريم وهي تهز رأسها بالايجاب..

فهد بإبتسامة: حاضر هعمل اللي انتي

عايزاه.. وهدخل هندسه.. وانتي..

ريم بوعد: اوعدك هيدخل طب.. وكمان هعمل

بحث يساعد ناس.. وههديه ليك.. انت فهدي..

فهد بسعادة: هتعملي كدة علشاني..

ريم بإصرار: ايوة.. وانت هتعملي بيت شجرة مش كدة..

فهد بوعد: ايوة.. هعملك بيت الشجرة لما تبصي لفوق تشوفي

النجوم والسما ويبقي بتاعي انا وانتي بس.. وبتفكير.. بس هنسميه ايه..

ريم بإبتسامة: بيت ريم وفهدها..

فهد ضاحكا: ريم وفهدها.. يعني انا بقيت ملكيه خاصة ليكي ريم..

ريم بعيون متسائله: يعني ايه ملكيه خاصة..

فهد وهو يشاور علي نفسه: يعني انا بتاع ريم وبس..

ريم مؤكدة: ايوة انت بتاعي وبس.. وتحتضنه..

ليحتضنها بدوره ويكمل فهد بحب: انتي اللي بتهوني اي

حاجة عليا.. وزي ما انا بتاعك انتي وبس.. انتي بتاعتي انا وبس..

ريم بضحكة: ملكيه خاصة فهد..

فهد بعيون لامعة: ايوة ملكيه خاصة.. وم***ع الاقتراب..

كريمه وهي تراقبهم وبإبتسامة: لولا ريم يافهد كان زمانك

متعقد ومش متحمل اللي بيحصل فيك.. ربنا ميحرمكم من بعض ابدا..

>>>>>>>>>>>>>>>>>>>>>>>>>>>>>>>>>>>

في اليوم التالي.. علي مائدة الافطار..

حسن: هاااا.. يافهد حضرت ورقك علشان

تقدمه.. وبحزم.. ومش عايز اعتراض..

فهد بإبتسامة وهو ينظر الي ريم: ايوة خلاص هدخل هندسة..

ريم بإبتسامة: وانا كمان هيدخل طب..

سامية بإستغراب: ليه ياريم.. ده حتي

انتي بتخافي من الحقن هتبقي دكتورة ازاي..

ريم بإبتسامه وهي تنظر الي فهد: هبقي دكتورة

علشان اساعد ناس.. بس مش هيدي حقن..علشان بتوجع..

حسن ضاحكا: طيب اعملي اللي انتي

عايزاه.. وانتي يا لبني عايزة تطلعي ايه..

لبني بغيظ وتعالي: عايزة اطلع مذيعة وابقي

في التي في..

فهد بسخرية: وانتي مين هيتف*ج عليكي يا تافهه..

لبني بحدة: وانت مالك.. وبعدين انا هبقي

حاجة عايزاها.. مش مفروضه عليا.. زيك..

ريم بتساؤل: يعني ايه.. انا مش فاهمة..

فهد بغيظ: احترمي نفسك.. انا هدخل هندسة علشان عايز كدة..

لبني بتهكم: لا بجد امال كنت عمال تصرخ ليه امبارح..

فهد بعصبية: ملكيش دعوة..

حسن بصرامة: بس انت وهي.. كفايه بقي..

ريم مدافعة: انتي رخمة لبني.. فهد هيدخل هندسه علشاني انا..

هو وعدني هيبني ليا بيت.. بس مش هيقولك عليه بتاعي انا

وهو بس.. وانا هيدخل طب علشانه.. انتي بقي هتكوني لوحدك..

لبني بغيظ: بجد.. لما نشوف..

حسن بتعجب: يعني فهد موافق علي كدة..

فهد بإبتسامة: ايوة ريم اقنعتني اني ادخل هندسة غير كدة

مكنتش هوافق.. يلا ياريم علشان نلحق ومنتأخرش علي المدرسه..

ريم: يلا فهدي.. وللبني.. انتي خليكي

رخمة هنا.. ويرحلا سويا متشابكي الايدي..

لبني بغيظ: شايف يابابا..

كمال: معلش يالولو.. ملكيش دعوة

بيهم يلا تعالي اوصلك المدرسه..

حسن بتفكير: ريم هي اللي اقنعته.. غريبة..

سامية: ولا غريبة ولا حاجة.. فهد بيعمل اي حاجة عايزاها ريم..

حسن: للدرجادي تأثيرها عليه بالشكل ده..

سامية بتساؤل: مالك ياحسن بتفكر في ايه..

حسن: هه.. ابدا مفيش.. انا رايح الشركة..

سامية: طيب مع السلامة..

>>>>>>>>>>>>>>>>>>>>>>>>>>>>>

فهد بتساؤل:مالك ياحاتم حاطط ايدك علي خدك ليه..

حاتم بتنهيدة:مفيش يا فهد بس ابويا..

فهد:ماله.. اتجوز تاني..

حاتم بتعوج: وده هيزعلني ماعادي.. مش ديه المشكلة..

فهد وهو يزفر:امال ايه.. ماتخلص وتقول..

حاتم بضيق:هيخليني ادخل هندسة غصب عني.. وانا مش عايز..

فهد بدهشة:وانت كمان ابوك عايز كدة..

حاتم وهو مقرن حاجبيه:ليه انت التاني

هتدخل هندسة.. انت مش عايز تدخل طب..

فهد وهو يجلس بجانبه:ايوة.. ابويا عايز كدة.. علشان الشغل..

حاتم بعدم رضا: الشغل.. وابويا برضو.. وان اللي

كان نفسي اطلع طيار.. و اسافر في كل حتة..

فهد بتهكم: تسافر في كل حتة ولا تجري ورا البنات..

حاتم بضحكة:ايوة.. ويكون ليا في كل مطار مزة..

ياااه ده انا كنت هبقي زي السلطان.. هيييح.. وبضيق..

بس اعمل ايه في ابويا.. بس بما انك معايا خلاص.. تمام..

احنا مع بعض علي طول..

فهد بضحكة وهو يهز رأسه:ايوة..

انت قدري اللي مقدرش ابعد عنه..

حاتم وهو يتقرب اليه وبغمزة: اكيد.. وبصوت ناعم...

وانت تلاقي زيي فين.. ده انا حلو وابيض وعنيا عسلي..

فهد ضاحكا بقوة:ايوة يابيضة.. بس معندكش غمازات..

حاتم بضحكة: سبتلك انت الغمازات يابو طويلة.. ماتيجي..

فهد بتساؤل:اجي فين..

حاتم ضاحكا: ماهو بص بقي.. انا وانت مع بعض.. انا هعلمك

التعامل مع البنات لازم تبقي زيي.. متعملش زي كابتن ماجد وتق*فني..

فهد بتحذير:حاااتم.. ابعد عني بقولك.. بس بالحق الواد ماجد فين..

حاتم بتنهيدة:اااااااااه.. هو فيه حد زيه.. اخد اجازة

وسافر علي ايطاليا مع ابوه.. هنياله ياعم..

فهد:اهاااااا.. علشان كدة مش باين..

طب يلا بينا ياخويا البريك خلص..

حاتم بضحكة:يلا يابو غمازات..

>>>>>>>>>>>>>>>>>>>>>>>>>>>>>

في نهاية اليوم الدراسي الاولاد حول ريم..

احد الفتيات: قال ياريم انتي فقريه..

ريم بعدم فهم:ايه... يعني ايه..

الفتاة:يعني نحس.. اي حد بيبقي معاكي بيموت..

ريم:انا مش فاهمة..

احد الفتيان:انتي مش مامتك ماتت ياريم.. وكمان باباكي..

ريم:لا.. ماما وبابا بقوا نجوم في السما.. وبيجوا كل يوم بليل..

لبني بخبث:لا بجد.. مين اللي قال كدة.. انتي منحوسه

ياريم.. وللطلبه.. انا لو منكم ابعد عنها لحسن تنحسكم زيها..

احد الفتيان:طب مانتي قاعدة معاها يالبني.. متنحستيش ليه..

لبني:لا.. انا مش بقعد معاها.. هي اصلا عمو بانيلها

اوضه بعيد عنا بتقعد فيها علشان منشوفهاش..

فتاه ما:ايه ده للدرجادي..

احد الاولاد: بس ريم حلوة اوي.. ازاي تبقي كدة..

لبني بخبث وحقد:ماهي علشان حلوة بتخدعكم.. عارفين الساحرة

الشريرة كانت حلوة.. بس بتموت الناس.. انتو عايزين تبقوا معاها..

احد الفتيان وهو يبتعد عن ريم:لا.. مش عايز..

لحسن تعديني وماما وبابا يموتوا.. يلا بينا بعيد عنها..

لبني بإنتصار:ايوة خلينا بعيد عنها..

اصلها عايزة تبقي دكتورة.. علشان تموت الناس..

ريم مدافعة بحدة:انتي وحشه.. انا عايزة يبقي دكتورة علشان اساعدهم..

لبني:لا.. انتي فقريه.. ومحدش هيقرب منك.. يلا بينا بعيد عنها..

ليرحل الاولاد ويتركوا ريم حزينه تبكي..

ليهبط فهد الي ساحة المدرسة ويجد ريم تبكي بشدة..

فهد بقلق:مالك ياريم.. بتعيطي ليه..

ريم تبكي ولا تعلق...

فهد بغضب:حد عملك حاجة.. حد ض*بك.. قولي..

ريم ببكاء:فهد.. يعني ايه منحوسه.. اهئ اهئ..

فهد وهو يقرن حاجبيه:منحوسه.. جبتيها منين ياريم الكلمة ديه..

ريم ببكاء:لبني واولاد هنا قالولي اني منحوسه..

واي حد يقرب مني باباه ومامته يموتوا.. يعني ايه يموتوا..

فهد مش ماما وبابا بقوا نجوم في السما.. ليه يقولوا كدة.. اهئ اهئ..

فهد وهو يجذ علي اسنانه غضبا: لبني قالت كدة..

طيب انا هوريها.. تعالي معايا.. ويمد يده لها ..

لتبتعد عنه ريم وببكاء وخوف:ابعد عني فهد..

ممكن ماما ساميه واونكل حسن يموتوا بسببي..

فهد بغضب:الكلام ده مش صحيح ياريم.. متصدقيش..

ريم:امال قالوه ليه.. ليه ماما وبابا راحوا وسابوني..

ابعد فهد علشان مش تتعدي..

فهد بعيون غاضبه ثم بحاول ضبط انفعالاته

وبهدوء وهو يمسك بيدها:ريم حبيبتي..

متصدقيش.. انا معاكي علي طول مش كدة.. وبمسك ايدك

دايما وبنقعد مع بعض اديلنا كتير.. شفتي ماما او بابا حصلهم حاجة..

ريم ببكاء:لا.. مش حصلت حاجة..

فهد بإبتسامة:طيب.. يبقي مفيش حاجة اسمها منحوسه.. يلا تعالي..

ريم بحزن:طيب ليه لبني واولاد قالوا كدة..

فهد بغضب مكبوت:علشان بيغيروا منك.. انتي حلوة وشاطرة..

وهما اغ*يه.. علشان كدة هما حبوا يضايقوكي.. يلا تعالي..

ريم:يعني انت مش هيسبني فهد.. مش كدة..

فهد بإبتسامة دافئة مطمئنا:عمري ياريمو.. يلا بينا بقي.. وخدي ديه..

ريم بإبتسامه من بين دموعها:انا بحبك اوووي فهد..

فهد وهو يمسح دموعها:وانا كمان ياريمو.. بس

انا مش بحب اشوفك وانتي بتعيطي.. متعيطيش تاني..

ريم:حاضر فهد..

ليمسك بيدها ويرحلا وسط بركان غاضب

بداخل فهد متوعدا للبني لتسببها في بكاء ريم..

>>>>>>>>>>>>>>>>>>>>>>>>>>>>>>>>

في المنزل يدلف فهد الي غرفة لبني لبني..

فهد بغضب وهو يشد شعرها: انا قولتلك ايه قبل كدة ها.. انتي بتضايقي ريم...

>>>>>>>>>>>>>>>>>>>>>>>>>>>>