قاسي بالإكراه

الفصل السادس

في المنزل يدلف فهد الي غرفة لبني لبني..

فهد بغضب وهو يشد شعرها: انا قولتلك

ايه قبل كدة ها.. انتي بتضايقي ريم...

لبني وهي تحاول تخليص شعرها وبتأوه:ااااااه.. سيب

شعري يافهد.. وبعدين انا مالي.. هما اللي قالوا كدة.. ابعد..

فهد بعصبية:ومين يا غ*يه اللي قالهم كدة..

ريم نحس.. امال انتي ايه.. عارفة يالبني

لو قولتي لريم كلمة تاني تضايقها والله هربيكي..

لبني بصراخ:اااااااااي.. ابعد بقي.. ياماما..

لتأتي علي صوتها لمياء..

لمياء بغضب:انت بتعمل ايه.. سبها يافهد..

شكلك كده نسيت نفسك..

فهد بحدة:بنتك غ*ية.. وتستاهل

اللي يجرالها.. واديني حذرتك يالبني..

لمياء بغضب:انت بتهددها قدامي يافهد..

طيب.. وتنادي علي سامية وحسن..

اتفضلوا تعالوا شوفوا ابنكم المتربي بيعمل ايه...

ساميه:ايه اللي حصل..

لمياء:البيه بيض*ب لبني..

حسن بحدة:ليه يافهد.. مش قولتلك ملكش دعوة بيها..

فهد بعصبية:الغ*يه ديه خلت الاولاد في المدرسة يضايقوا ريم..

ويقولوا عليها منحوسه.. هي اللي منحوسه يافقريه..

ساميه بغضب:ايه ده.. منحوسه.. تصدقي يالبني له

حق يعمل فيكي كدة.. انتي مش هتبطلي بقي..

لمياء بعصبية: ايه ده.. بقولكم ايه.. ابعدوا ابنكم عن بنتي..

لو لمسها تاني انا هتصرف تصرف مش هيعجبكم.. واديني نبهت..

حسن:خلصنا.. ورايا يافهد.. ليرحلا من غرفة لبني والمكتب..

ويكمل بجديه..قولتلك ملكش دعوة بلبني..انت ايه.. مفيش سمع للكلام..

فهد:هي اللي بدأت... انسانه غ*ية..

حسن بتحذير:فهد.. دول بنات مع بعض..

ولبني بنت عمك زيها زي ريم.. متفرقش

في المعامله.. ومتقربش للبني تاني..

فهد بتوعد:وان قربت من ريم تاني هوريها..

واديني قولت.. ويرحل من امامهم غاضبا..

حسن بشرود: معقوله ريم تأثيرها للدرجة ديه علي فهد..

سامية: مالك ياحسن بتفكر في ايه..

حسن بجديه: مفيش بقولك ايه

انا هسافر امريكا اسبوع وراجع..

ساميه: ليه فيه حاجة..

حسن: شغل مهم ولازم اعمله..

ساميه بتهكم: والشغل ده ظهر مرة واحدة ياحسن..

حسن بحدة: وانتي من امته

بتسألي ياسامية يلا انا رايح ع الشركة..

ساميه بضيق: ماشي ياحسن.. سلام..

>>>>>>>>>>>>>>>>>>>>>>>>>>>>>>>>>>

ريم:مالك فهد.. مضايق ليه..

فهد بضيق:مفيش ياريم..

ريم وهي تنظر الي لبني :اهاااا.. لبني رخمة.. مضايقاك..

فهد بغل:بابا اتعصب عليا لما زعقتلها.. وكمان قاعدة في وشي..

ريم بمكر:طيب.. انا هيخليها يمشي دلوقتي..

فهد بنظرات ضيقة وانتباه:هتعملي ايه..

ريم بضحكة ماكرة: هتشوف فهد..

لتمسك ريم بمرأة صغيرة وتوجهها

ناحيه ظهر لبني الجالسه في الشمس..

لبني بضيق :اوووف..الجو بقي حر ليه..

لمياء:مالك يالولو..

لبني وهي تحرك جسدها:مفيش.. بس حاسة بسخونه..

لمياء:سخونه ايه.. احنا قاعدين في الضله اهو..

لبني بنفاذ صبر:لاااااااا.. مش قادرة اتحمل..

انا حاسه فيه نار.. وتحاول الوصول الي مكان

الاحتراق.. وتصرخ.. عااااااي.. ياماما.. بتحرق..

لمياء بخضة:مالك يالبني.. ايه اللي حصلك..

لبني:عااااي.. مش عارفة.. سخونه نار..

لمياء:وريني كدة.. لتنظر وتجد اثر احتراق علي ظهر لبني..

وتكمل بخضة.. ايه ده.. جالك منين.. تعالي معايا..

ليدلفا الي الداخل.. وينفجر فهد وريم في الضحك..

فهد:ههههههه.. شفتي شكلها.. هههه.. هموت..

ريم:هههههه.. ايوة.. وهيعملها حرق.. هههه..

فهد:بس عملتي كده ازاي..

ريم:عادي فهد.. مرايه بتركز اشعة شمس علي

اي مكان.. انا ركزته علي لبني في مكان معين.. اتحرقت..

فهد بإبتسامه:احسن تستاهل.. علشان تقعد كدة تاني..

ريم بإبتسامة:ده علشان دايقتك.. وكمان خلت اونكل حسن يزعقلك..

فهد بضحكة:مكارة ياريم..

ريم وهي تهز كتفيها بضحكة:لا فهد ديه من تجارب ومعمل..

فهد وهو يهز رأسه:اما نشوف اخرة تجاربك ديه ايه..

>>>>>>>>>>>>>>>>>>>>>>>>>>>>>>>>>

سافر حسن الي امريكا وذلك لتفقد الاعمال الخاصة بهم وهناك..

حسن بدهشة: توفيق.. انت بتعمل ايه هنا..

توفيق:ابدا ياسيدي.. بخلص شويه

شغل هنا.. انما انت بتعمل ايه..

حسن:شغل برضو.. اخبارك ياتوفيق..

توفيق:زي الفل.. واتجوزت تاني..

حسن:يخربيتك.. تاني.. انت كل شويه تتجوز..

ياراجل راعي ان عندك ولد وخلاص داخل علي جامعة..

توفيق ضاحكا:حاتم.. حاتم ابني ده اصلا صايع..

حسن بتهكم:صايع برضو يا توفيق.. من شابه اباه فما

ظلم.. وبعدين الواد شاطر.. وهيدخل هندسة زي فهد..

توفيق بتنهيدة:ايوة.. انا خليته يعمل كدة..

حسن بجدية:ايوة عندك حق.. مفيش

غيرهم هما اللي يشيلوا عننا الشغل..

توفيق:اه بالحق.. الريس كان عامل

اجتماع بعد يومين.. بما انك هنا هتحضره..

حسن:ايوة.. طبعا.. ده هيبين التقسيمة السنادي..

توفيق بغمزة:مانتا اللي بتاخدها كل سنه..

حسن:بطل قر ياتوفيق.. ويلا بقي انا عايز اروح ارتاح شويه..

توفيق بضحكة:طيب.. وانا اروح اشوف

العروسة الجديدة.. بالحق مش ناوي تتجوز تاني..

حسن ضاحكا:انت عايز مراتي تموتني..

توفيق بضحكة:ايوة.. بس اللي يشوفك ويشوف قوتك

في الشغل.. ميشوفكش وانت خايف من مراتك يا حسن..

حسن بضحكة:اهو انا قوي عند كل حاجة.. الا الحته ديه..

انت متعرفش الستات ممكن يعملوا ايه.. نتقي الشر احسن..

توفيق:طيب.. سلام يا حسن.. اشوفك في الاجتماع..

حسن:سلام ياتوفيق..

>>>>>>>>>>>>>>>>>>>>>>>>>>>>>>

سمع فهد صوت انفجار آت من الاسفل ف*نهد قالا :

تااااني..احنا مش هنخلص بقي..

هبط الي الاسفل حيث مختبرها الصغير الذي اعده

عمها لها بناء علي رغبتها لشغفها بالعلوم و التجارب..

منذ ان عاهدت فهد بأن تكون طبيبة..

فهد:ايه يا ريم مش عارف اذاكر من الصوت..

ليقطع كلماته... ههههههه.. ايه اللي عمل فيكي كده..

ههههه.. انتي كنتي بتلعبي في ايه المرادي..

ريم بتفكير:مش عارفة انا عملتها زي ميس قالت..

بس انفجرت في وشي.. يمكن اكون زودت

كميه شويه.. لا بس انا ظبطاها..

فهد:هههه.. يا بنتي ارحمي نفسك.. انتي كل شويه هتيجي

تعملي التجارب بتاعتك ديه.. ده انتي شعرك شايط علي طول..

ريم بإقتضاب:الله بقي فهد.. مانتا عارف اني بحب..Sciences

وعمو عملي معمل ده علشان انا بحب اعمل تجارب..

فهد بسخريه:هوا فعلا عملك المعمل ده علشان تجاربك..

بس مش علشان تفجري البيت باللي فيه.. ده انتي كل يومين

بتفجري قنبله.. ارحمي نفسك وارحمينا معاكي شويه..

ريم بضيق:يووووه بقي.. انت كل مرة يتريق كده..

ده بدل ما تساعدني في تجاربي.. وبعدين فين

مواد اللي قولتلك تجبهالي.. انا ناقصني حاجات كتير..

فهد:ريم.. يا ماما انتي طلباتك مش بتخلص...

وبصراحة انا بقيت قلقان.. انا خايف بعد كدة يفكروني

بجيب الحاجات ديه علشان اعمل بيها متفجرات..

شويه و هتخليني مسجل خطر..

ريم:هاهاها.. سخيف..بقولك ايه جبتهم ولا لأ.. انا تجاربي متعطله..

فهد:ههههه.. متقلقيش يا ريمو.. بكرة بالكتير هيكونوا عندك

ريم:بكرة.. اوك.. امشي دلوقتي علشان

اعيد تجربه تاني .. المرادي لازم اظبطها...

فهد:ههههه.. تاني.. انتي مش بتحرمي..

ده انتي وشك مش باين منه غير عنيكي الزرقه..

لو حد شافك بمنظرك ده هيجيله صرع.. ولا هيفتكرك عفريت..

ده لولا اننا اتعودنا علي منظرك ده كان زمانا موتنا من الخضه...

ريم:بقولك ايه انت مش وراك مذاكره ثانويه عامه.. امشي يلا...

انت معطلني عن تجاربي.. بس مش تنسي اللي قولتلك عليه..

فهد بغيظ:بقي كده طول عمرك بتاعه مصلحتك.. تاخدي اللي

انتي عايزاه وبعدين تنفضيلي... ماشي يا ريم.. ماشي..

ريم:ماشي ليه فهد.. خليك قاعد..

بقولك ايه قبل ما تمشي... مش معاك شوكلت...

فهد برفعة حاجب:شوكلت.. وحتي لو معايا مش هد*كي..

ريم برجاء:معلش فهد بقي يا رب

ت**بي البطوله في كره السله اديني واحده..

فهد:ههههه.. طفله طفله يعني.. خدي ياختي..

ريم:يارب يخليكي.. انا بحبك اوي.. وقامت

بتقبيله علي وجنته.. يلا امشي بقي..

فهد بغيظ:تصدقي اني انا الغلطان اني بعملك اللي انتي عايزاه..

ميه مرة اقولك اعدلي ل**نك وضبطي الحروف..

وبعدين شفتي اد*كي لخبطي وشي بالهباب بتاعك ده..

انا ماشي يا ريم.. بس حسك عينك.. تيجي تخبطي علي

اوضتي النهاردة تطلبي حاجة هرميكي من الشباك.. سامعه...

كانت ريم منشغله في اكل الشيكولاته..

وترتيب اشيائها: بتقولي حاجة فهد....

فهد بغيظ:لا.. انا ماشي... اووووف..

ريم:سكه سلامه.. اقفل باب معمل وراك..

خرج فهد وصفع الباب خلفه متمتما: مجنونه..

مسيرها هتموت فطسانه.. يأما من تجاربها..

او من كتر الشيكولاته اللي بتاكلها..

وذهب الي غرفته ليبدأ باستذكار دروسه..

>>>>>>>>>>>>>>>>>>>>>>>>>>>

لبني بتوسل:والنبي يافهد خدني معاك..

فهد بضيق:قولت لا.. مش هاخدك معايا..

لبني:ليه مانا لابسه اهو.. خدني النادي معاك..

فهد:لا.. انا مش عايز اروح معاكي.. انتي لزقه كدة ليه..

لبني بحدة:اشمعنه ريم بتوافق علي اي حاجة عايزاها..

فهد بتحذير:ملكيش دعوة بيها.. وبعدين انتي

شوفتيني اخدتها معايا.. بقولك ايه انتي عطلتيني

عن تمريني غوري بقي ياساتر.. ده انتي خنيقة..

لبني بغل:ماشي يا فهد انا هوريكم..

فهد في الهاتف: ايوة ياحاتم.جاي يابني شوية وهتلاقيني عنك..

حاتم بضيق:يلا بقي انا زهقت وقاعد لوحدي..

فهد بضيق:لبني هي اللي اخرتني شويه وجاي سلام..

حاتم بتنهيدة:طيب ياسيدي مستني.. سلام..

>>>>>>>>>>>>>>>>>>>>>>>>>>>

كانت ريم تركض مسرعة علي الدرج وذلك للحاق

بفهد الذاهب الي النادي وهي تناديه بصوت عال..

ريم: يووووه استني فهد خدني معاك..

فهد بإصرار: قلت لأ انتي هتأخريني يا ريم...

ريم: لأ انا جاهزة اهو..

فهد بابتسامه جانبية وهو يرفع احد

حاجبيه: خلصتي بسرعة طب يلا..

كادت ريم ان تنزل ولكن لبني الواقفة في منتصف

الدرج ومستنده علي الدرابزين وهي تحدث نفسها..

لبني بغل: بقي كدة انا اقولك خدني معاك تقلب خلقتك

وتقولي لأ.. والهانم اول ما تقولك تستناها طيب..

ليرتسم في ذهنها فكرة خبيثة وتضع قدمها لتعرقل

حركه ريم المسرعة وتسقط ريم لينتفض فهد علي صوتها...

ريم وهي تنزل: يلا انا.. وبلحظة.. عاااااي.. اااه..

فهد بزعر وهو يشاهدها تسقط: ريم حاسبي..

لتسقط ويركض اليها في خوف مكملا..

فهد: ريم انتي كويسه حصلك حاجة..

ريم ببكاء والم: ااااه.. دراعي.. دراعي واجعني اهئ اهئ..

ليحاول لمسه فتصرخ من الالم لتأتي ساميه وكريمه علي صوتها..

ساميه بخضة: ايه اللي حصل هنا مالها ريم..

فهد بقلق: وقعت من ع السلم..

كريمه بخوف: ازاي..

ساميه بتوتر: مش وقت اسئله بسرعة

يا فهد يلا ناخدها ع المستشفي..

ليسرعوا بها وهي تبكي بشدة وهي في حضن

ساميه وفهد ممسك بيدها يحاول التخفيف عنها..

فهد وبحزن: خلاص يا ريم قربنا نوصل اهو..

ريم ببكاء: ماما ساميه اهئ اهئ..

ساميه بحنان: انا اهو ياقلبي ماتخافيش..

ليصلوا الي المشفي وبعد الفحص يجدوا **را في

يدها فيقوم الطبيب بتجبيره وبعد فترة يعودوا الي المنزل..

>>>>>>>>>>>>>>>>>>>>>>>>>>>>>>