قاسي بالإكراه

الفصل السابع

ليصلوا الي المشفي وبعد الفحص يجدوا **را في

يدها فيقوم الطبيب بتجبيره وبعد فترة يعودوا الي المنزل..

في غرفة ريم..

ريم ببكاء: دراعي واجعني.. اهئ اهئ..

ساميه: معلش يا ريم علشان ال**ر هتاخدي الدوا

والوجع هيروح انا الوقتي هروح اجيب الاكل واجي..

لتذهب ويجلس فهد بجوارها علي الفراش ليرسم ابتسامه

علي وجهه مكملا فهد:يعني حلو البلانس اللي اخدتيه ده..

كام مرة قولتلك متجريش ع السلم اد*كي ات**رتي يا ريم..

ريم ببكاء وحزن: انت فرحان فيا ..

انا كنت نازله كويس بس لبني..

فهد بترقب: مالها لبني..

ريم بتزويغ: ولا حاجة مش فيه..

وببكاء.. انا اهئ اهئ.. ايدي بقت مجبس..

ليضحك فهد في محاوله منه لإضفاء المرح مكملا:

ديه احلي حاجة استني بس ينشف وانا هعمله

خريطة وكمان دفتر لمواعيدي واول توقيع هيكون مني..

ريم بضحكه من بين دموعها: يعني ايه..

فهد: انتي متعرفيش ان اللي بيجبس ايده او رجله اصحابه

بيستلموه وهاتك ياكتابه.. وبتحذير.. بس حسك عينك حد يكتب

عليه قبلي واديني قولتلك.. وبابتسامه.. يلا بقي بطلي عياط..

وبغمزة.. اول ماتاخدي الدوا هجيبلك شيكولاتة بس لو بطلتي عياط..

لتمسح ريم دموعها بعفويه بيدها السليمه

وتكمل: اهو خلاص بطلت.. بس فيه مشكله..

فهد بقلق: مشكله ايه يا ريم..

ريم بحزن: ايدي ات**رت هكمل ازاي تجاربي كدة..

ليضحك فهد: يابنتي ده كدة احسن ع الاقل هترحمينا

وترحمي نفسك من الانفجارات شويه.. ونشوف وشك علي طبيعته..

ريم بغيظ: بقي كدة.. ماشي فهد..

ليدلف حسن بسرعة ويتحدث بلهفة: ايه يا ريم اللي حصلك

انتي كويسة الوقتي سلامتك ياحبيبتي ويقبل رأسها..

ريم: مش فيه يا اونكل وقعت..

حسن بعتاب: مش قولنا ميه مرة ياريم تبطلي جري.. يلا

الحمد الله عدت علي خير.. وانت كنت فين يا فهد لما وقعت..

ريم مدافعة: كان مستنيني تحت عمو هو مش ليه ذنب..

لتدلف ساميه: يلا ياريمو علشان تاكلي وتاخدي الدوا..

ليخرج فهد ريم بسرعة: رايح فين فهد..

فهد مطمئنا: شويه وراجع يا ريم

ومتخافيش هجيب الشيكولاته..

ساميه وهي تطعمها: يلا ياحبيبتي كلي ...

ذهب فهد مسرعا الي غرفة لبني ويدخلها عنوة

ويغلق الباب خلفه بهدوء ع** مابداخله..

لتنتفض لبني من تواجده بغرفتها فتسرع قائله..

لبني: انت.. انت بتعمل ايه هنا يافهد

في اوضتي.. وازاي تدخل من غير ماتخبط..

فهد بنبرة مخيفة وهو يقترب منها: انتي

فاكراني مشفتكيش وانتي بتوقعيها..

لبني بتوتر: اوقعها هي مين يافهد..

وبحدة.. انت بتتكلم عن ايه..

ليجذبها من ذراعها وبغضب: ريم.. ريم اللي حطيتي

رجلك وهي نازله وشنكلتيها يالبني ودراعها ات**ر بسببك..

لبني بعيون خائفة: محصلش انت بيتهيألك انا مليش دعوة..

فهد بغضب: انتي هتكدبيني انا شايفك بعنيا

وجريتي اول ما وقعت بس قسما بالله هوريكي يا لبني..

لبني بتحدي وسخريه: يعني هتعمل

ايه.. وبعدين محدش هيصدقك..

فهد بعيون مخيفة: ومين قالك اني هقول لحد..

لبني بخوف: امال هتعمل ايه..

فهد بتوعد: هتشوفي الوقتي يالبني

زي ماعملتي في ريم هعمل فيكي..

لبني بخوف: قصدك ايه هتوقعني من ع السلم..

فهد بغضب: شفتي اد*كي اعترفتي انتي **رتي

دراع ريم.. وانا ه**رلك رجلك اللي كانت السبب..

لبني بزعر: ايه لا ابعد يافهد انا هصرخ والم عليك البيت..

ليسحبها فهد الي الحمام ويفرغ زجاجة من الصابون السائل

علي الارضيه ويمسك بلبني ويركلها بشدة في قدمها

بطريقة معينه يعلمها هو.. لتصرخ من الالم وتسقط ارضا

ويتركها ويخرج مبتسما.. ويذهب الي غرفته ..

وبعد دقائق يجتمع المنزل علي صراخ لبني

وفهد معهم ليجدوها بالحمام تبكي من الالم

وممسكه بقدمها لتسرع لمياء والدتها في خوف اليها..

لمياء: مالك يا لبني ايه اللي حصلك..

لبني ببكاء: رجلي يا ماما رجلي.. اهئ اهئ..

كمال وهو يحاول معرفة ما بها: مالها بس..

لبني وهي تنظر الي فهد بتألم: رجلي شكلها ات**رت..

لمياء بتساؤل: ازاي يالبني مانتي كنتي كويسة..

لبني وهي تنظر لفهد بغل: اصل..

ليقاطعها فهد مكملا: ايه يا طنط مش

شايفة الصابون.. شكلها اتزحلقت فيه..

كمال: بس ايه اللي كبه ع الارض كدة مش تحاسبي يا لبني..

ساميه باستنكار: ايه يالبني حتي ال**ر فيه غيرة..

هو عشان ريم دراعها ات**ر.. ت**ري رجلك..

لمياء بحدة: قصدك ايه يا ساميه

لبني عملت كده علشان تقلد ريم..

ساميه باقتضاب: معرفش والله..

لبني بغيظ: ده فه..

ليقاطعها فهد: ايه يا عمي احنا هنفضل نتكلم..

ونسيبها كدة يلا ناخدها للمستشفي ونشوف رجلها مالها..

حسن: فهد معاه حق يلا بينا..

ليحملها والدها ويأخذها الي المشفي ويقوم الطبيب

بتجبير قدمها ويعودوا الي المنزل وفي غرفة لبني

كان والداها مجتمعين ومعهم حسن وفهد..

حسن: الف سلامه يا لبني مرة تانيه خدي بالك..

لبني بغل: الله يسلمك يا عمو بس البركة في فهد..

فهد وهو يقترب منها وبخبث: علي ايه يا لبني ده اقل واجب..

اني الحقك ونود*كي للدكتور.. ليهمس باذنها.. قولي لحد كدة

ع اللي حصل او قربي من ريم تاني.. قسما بالله المرة الجايه ه**حك..

ليقبلها علي وجنتها مكملا بابتسامه.. الف سلامه يا لبني..

ليتركها ويرحل الي عرفة ريم ويدلف اليها..

ريم بتساؤل: كنت فين ده كله فهد ومين كان بيزعق..

فهد بضحكة: ابدا لبني رجلها ات**رت وروحنا جبسناهالها..

ريم بدهشة: ايه..طب ازاي.. وبشك.. فهد انت عملتي كدة..

فهد بضحكه وهو يرفع يده مدافعا: انا وانا مالي هي

اتزحلقت في الصابون المكبوب في حمامها وات**رت.. انا مالي..

ريم بعدم تصديق فهد: مش عليا.. حرام عليك..

فهد بضحكه: انا برضو وش ذلك ده انا غلبان..

ريم برفعة حاجب: ده انتي ابو ذلك.. وبعتاب.. ليه كدة فهد..

فهد لتغيير الموضوع: سيبك منها.. يلا خدي الشيكولاته..

لتأخذها ريم ولكن لا تستطيع فتحها لتكمل..

ريم بحزن شديد واعتراض: لاااا.. كله الا كدة..

حتي شوكلات مش عارفة يفتحها..

لياخذها فهد ويفتحها ويطعمها لريم مكملا بابتسامه حانيه:

ولا يهمك يا ريمو انا جمبك وهعملك كل اللي انتي عايزاه..

يلا كلي ونامي وارتاحي علشان بكرة نبتدي..

ريم بتساؤل: نبتدي ايه فهد..

فهد بضحكة: كتابه الخريطة يا ريمو دراعك لغايه

مايتفك الجبس هيبقي دفتري ولا نسيني..

ريم بضحكه: ههههه.. اوك فهد..

ليساعدها في التسطح في الفراش

ويدثرها ويقبلها علي جبينها مكملا..

فهد: تصبحي علي خير يا ريمو..

ريم بابتسامه: وانت من اهله فهد..

ليضيئ لها وناستها ذات الوان الطيف

ويغلق باب غرفتها ويرحل الي غرفته..

>>>>>>>>>>>>>>>>>>>>>>>>>>>>>>>>>>>>

بعد ان انتهي فهد من المرحلة الثانويه وها قد

دلف الي مرحلة جديدة سوف تغير مجري

حياته كليا لنري ماذا سيحدث..

حاتم بفرحة:اخيرا روحنا الجامعة..

ياسلام ديه تحفة.. وايه البنات ديه كلها..

ماجد:برضو بنات انت مش عاتق ياحاتم..

حاتم بضيق:بقولك ايه ياكابتن ماجد..احنا خلاص في جامعة..

يعني نعيش.. وبعدين انت بتعمل ايه هنا.. مش يلا علي كليتك..

فهد:ولا ياحاتم روح هات الجدول يلا..

حاتم بتعوج:وانت متجبهوش ليه..علي رجلك نقش

الحنه.. عايزني اطحن انا جوا.. لا انا رايح عالكافتيريا..

ماجد بتهكم: اه علشان تدور علي البنات..

فهد بضحكة:احب اريحك ياحاتم.. هندسة بناتها

زي الغفر.. يعني مش بيفكروا غير في الدح وبس..

حاتم بإبتسامه واسعة:عارف.. انا رايح لمدرجات اداب ..

فهد بغل:يعني مش رايح الكافيتريا.. بص.. انت هتروح تجيب

الجدول.. وانا وكابتن ماجد هنروح الكافيتريا وحصلنا بعد ما تتفرم جوا ..

حاتم بوجه باكي:ربنا ع الظالم روحوا..

ويقابل فتاه ما ويجد معها جدول..

حاتم بإبتسامة:انتي في هندسة.. ايه ده الجدول..

الفتاه:ايوة..

حاتم:ياف*ج الله.. طب والجميل اول سنه..

الفتاه:ايوة..

حاتم:شكل الحلوة جايبة سكة.. وانا حاتم معاكي في

سنه اولي.. ويبدأ التعرف علي الفتاة.. وبعد فترة يعود الي فهد..

فهد بتعجب:اتأخرت ليه يا حاتم.. ويعني مفيش اصابات..

حاتم بضحكة:مفيش.. اصل لقيت مزة ولاغيتها واخدت الجدول منها..

فهد:اهاااا.. علشان كدة اتأخرت.. طب يلا بينا..

حاتم:علي فين..

فهد:ع المدرج فيه محاضرة..

حاتم :لاااااااا.. انت روح.. وانا الحلوة

مستنياني.. طريقك اخضر ياحبيب..

فهد وهو يمسكه من ملابسه ويجره وبحدة:

يلا ياض قدامي بلا مزة بلا جثة.. انت هتصيع من اولها..

حاتم ببكاء:حرام عليك.. ارحمني انت مالك بيا..

فهد بتحذير:هتمشي ولا اطحنك واللي كان

هيحصلك لو روحت تجيب الجدول اعمله فيك انا..

حاتم بقله حيله:يلا ياهولاكو ربنا ع الظالم..

>>>>>>>>>>>>>>>>>>>>>>>>>>>>>>>

في الهاتف..

حسن:مرحبا روبرت.. كيف حالك..

روبرت: بخير حسن.. ماذا هناك..

لم تتصل بي.. هل حدث شئ ما..

حسن بتنهيدة:لا لم يحدث شئ.. ولكن..

روبرت بترقب: ولكن ماذا..

حسن وهو يزفر في ضيق وبإنزعاج:

سوف ارسل ريم للبقاء عندك روبرت..

روبرت بفرحة وسعادة عارمة:

حقا حسن.. ستفعل ذلك..

حسن بعدم رضا:اجل روبرت.. فهذا

افضل لريم.. وفي نفسه.. وعلشان فهد كمان..

روبرت:حسنا حسن.. متي سترسلها..

حسن: سأرسلها بعد انتهاء هذا العام الدراسي..

وسأرسل لك اوراقها لتحضر لها كل شئ..

روبرت بجدية: لا تقلق علي

شئ حسن.. سأهتم بالصغيرة جيدا..

حسن بحنق:حسنا روبرت وداعا الان..

روبرت بسعادة: وداعا حسن..

>>>>>>>>>>>>>>>>>>>>>>>>>>>>>>>>>

كان فهد نائم واذا بريم تدخل الي غرفته وتوقظه ..

ريم: فهد اصحي فهد..

فهد بنوم: ايه ياريم عايزة ايه.. سيبيني انام شوية..

ريم بإصرار: لأ اصحي عايزاك..

فهد بتذمر: حرام عليكي عايز انام انا راجع من الكليه تعبان..

ريم: لأ موضوع مهم..

فهد بإقتضاب وهو يتعتدل ويجلس

علي الفراش: خير.. عايزة ايه..

ريم بإبتسامة وبسرعة: بص فهد انا

عرفت كليتك لشرم وانا عايزة يروح..

فهد: ايه حيلك انتي بتاكلي الكلام.. قلتلك قبل

كدة اتكلمي بالراحة.. علشان افهم بلاش سربعتك ديه..

ريم: اوك.. فيه رحلة لشرم في كليتك وانا عايزة اروحها..

فهد بغيظ: يعني انتي مصحياني من النوم علشان كدة.. وهو يجذ

علي اسنانه.. امشي يا ريم بدل ما اتغابي عليكي.. وبحدة.. امشي..

ريم وهي تذم شفتيها: يعني ايه انا مش هروح..

فهد بغيظ: انتي مبتفهميش قلت امشي..

وبعدين ثانيه واحدة انتي عرفتي منين..

ريم: من حاتم هو اتصل بيك وانت نايم و قالي.. وقالي كمان انك هيروحها..

فهد بغل: ماشي يا حاتم لما اشوفك ده انا هنفخك.. وبعدين عايزة ايه..

ريم: عايزة يروح معاك..

فهد: ياام الذكاء اد*كي قولتي في كليتي هتروحيها ازاي..

ريم وهي تهز كتفيها: عادي مرافق ليك..

فهد: ياسلام.. ومين قالك اني هاخدك معايا.. يلا بلا لعب عيال ناقصك انا..

ريم ببكاء: يعني ايه.. مش هتاخدني معاك.. اعاااااا.. انا عايزة اروح..

فهد بضيق: بطلي زن ايه ده.. ايوة مش هاخدك.. ويلا من هنا عايز اكمل نوم..

نور ببكاء: لاااا انا عايزة اروح معاك..

فهد بإصرار: قلت لأ.. ده انا ماصدقت

ارتاح منك شويه هاخدك معايا..

ريم ببكاء وهي تض*ب الارض بقدميها: ماشي

فهد انا هوريك.. ومخ**اك هه.. يارب يطلعلك البوجي مان

من تحت السرير(البوجي مان هو رجل يظهر للاطفال لأخافتهم في امريكا)..

فهد بإستهزاء: يامي خاف ياعيد.. يلا يابت من هنا قال بعبع قال..

واكمل.. منك لله ياحاتم شبطها ومش هخلص منها ومن زنها..

اصبر عليا وربنا لانفخك لما اشوف وشك..

>>>>>>>>>>>>>>>>>>>>>>>>>>>>>>>>>>>