قاسي بالإكراه

الفصل الثامن

فهد بغيظ: انا هنفخك ياحاتم رايح تقول لريم..

حاتم وهو يركض من امامه: وانا اش عرفني انك مش هتقولها..

فهد: تعالي هنا.. انت دايما ل**نك فالت

اهي عماله تزن.. وبعدين انا قولتلك انا مش عايز

اروح انت اللي اتنيلت وحجزت.. عارف انا هعمل فيك ايه..

حاتم وهو يبتلع ريقه بتوجس: ايه.. ناوي علي ايه ياهولاكو..

فهد: عقابا ليك.. لا انا ولا انت هنسافر الرحلة.. وقضيها هنا بقي..

حاتم: نااااااااعم.. لا ياحبيبي.. ده الرحله ديه انا مستنيها تيجي

تقولي مش هنروح.. مع نفسك يابرنس.. انا طالع ولو مين قال ايه..

فهد: مش هنطلع ياحاتم.. وهتشوف..

حاتم: هاهاها.. انسي يافهد.. خليك انت

مع ريم وانا مسافر ياحبيبي.. سلام يابرنس..

>>>>>>>>>>>>>>>>>>>>>>>>>>

فهد: خير ياريم.. عايزة ايه..

ريم: مش عارفة ارسم..

فهد وهو يضيق عيناه: ترسمي.. عايزة ترسمي ايه بالظبط..

ريم بضيق: الميس في المدرسة قالت اننا

نرسم رسمة بنحبها.. وانا مش عارفة..

فهد: مش عارفة.. ارسمي اي شخابيط وخلاص..

ريم: لأ.. انا عايزة ارسم حاجة بس مش عارفة..

فهد بإنتباه: عايزة ترسمي ايه..

ريم يإبتسامة واسعة: انا عايزاك انت ترسملي..

فهد: ارسملك.. انا.. اشمعنه..

ريم: فهد انت دخلت هندسة يعني تعرف ترسم..

انا هقولك علي رسمة وانت ترسمها.. ايه رأيك....

فهد برفعة حاجب: طب وانا ايه اللي يجبرني..

انتي مش كنتي زعلانه وخلتيني مروحش الرحلة..

بعدين ده واجبك انتي.. اعمليه بنفسك.. انا مش فاضي..

ريم وهي تذم شفتيها: مش هيعرف

ارسم.. بليز فهد..ارسملي..

فهد: ريم انا مشغول..

ريم: مش هياخد معاك حاجة.. بليز..

فهد بتنهيدة: قولي عايزة ترسمي ايه بالظبط..

لتسرع ريم وتحضر اوراق الرسم وتضعها امام

فهدعلي مكتبه وبإبتسامة واسعة: بصي بقي..

فهد بضيق: اعدلي الحروف.. انتي تسافري شويه

هناك تبوظ حروفك.. اسمها بص.. مذكر.. كملي..

ريم: اوك.. عايزة ارسم

بيت الشجرة فهد.. وانا وانت فيه..

فهد: بيت الشجرة..

ريم: ايوة.. يلا ارسمه ليا..

فهد بإبتسامة: طيب..

ليبدأ بوضع الخطوط لرسمته ويبدأ الرسم تدريجيا..

وتراقبه ريم بتركيز وهي تملي عليه التعليمات..

ريم: خليه مش كبير اوي فهد.. ليا انا وانت بس..

فهد: حاضر..

ريم: وكمان مش يكون فيه غير اوضه واحدة..

فهد بتعجب: اشمعنه الكل بيحب يكون بيته كبير وفيه اوض كتير..

ريم بإبتسامة وعيون لامعة: لأ.. اوض كتير معناها انك مش

هتقعد معايا زي هنا.. لكن اوضه واحدة هنبقي مع بعض علي طول..

فهد ضاحكا: يعني عايزة تلزقيلي في كل حتة.. طيب..

ريم :ايوة وكمان ليه حيطة كبيرة علشان تعلق رسوماتك..

ودرج كبييييير تحطلي فيه شيكولاه.. وعايزاه باللون الابيض في الازرق..

فهد بنفاذ صبر: ماتخدي ترسميه انتي زهقتيني..

ريم: الله فهد مش بقولك ع اللي عايزاه..

فهد بتنهيدة: طب لخصي.. بس اشمعنه اللونين الابيض والازرق..

ريم بإبتسامة: انت بتحب لون ابيض وانا بحب لون ازرق..

فهد بإبتسامة: طب انا بحب الابيض علشان رمز للنقاء.. وانتي..

ريم: انا بحب ازرق علشان لون السما ولون البحر..

فهد: طيب.. وبدأ في الرسم مرة اخري..

وانتهي فهد لتجد ريم منزلها الذي تحلم به..

ليتجهم وجهها وتذم شفتيها وتقرن

حاجبيها وتكمل: لأ انا مش هديه للميس..

فهد بتعجب: مالك ياريم مش عاجبك..

ريم: لأ عاجبني انا حبيته اوي.. بس مش عايزة حد يشوفه..

فهد بتساؤل: ليه.. امال خلتيني ارسمه ليه.. ريم..

ريم بإبتسامة: علشان مش حد يقلده ده بتاعي

انا وانت.. هتعمله ليا فهد مش كدة.. يلا شيله انت..

فهد بدهشة: اشيله.. طب هتقدمي ايه للمس بتاعتك..

ريم بضحكة: هرسم اي شخابيط وخلاص..

فهد وهو يهز رأسه بنفاذ صبر وقله حيلة: اعملي اللي

انتي عايزة.. بس سبيني بقي عايز اكمل شغلي..

ريم: حاضر.. وتهم بالخروج.. ويتابع فهد عمله ولكن ريم... فهد..

فهد وهو يزفر في ضيق: كدة مش هنخلص ياريم عايزة ايه تاني..

ريم بإبتسامة: اوعي حد يدخل بيت ريم وفهدها غيري فهد..

فهد بضحكة: حاضر..مش هدخله لحد غيرك يلا بقي..

ريم: i love you فهد..

فهد بإبتسامة: وانا كمان بحبك ياريمو..

وبنصف عين.. بس بتحبيني انا اكتر ولا الشيكولاته..

ريم بضحكة: انت اللي بتجبلي الشيكولاه..

يبقي انت اكتر.. see you فهد..

فهد: ماشي ياريمو..

>>>>>>>>>>>>>>>>>>>>>>>>>>>>>>>

حسن: انا هسفر ريم عند جدها..

سامية بدهشة: ايه.. طب ليه..

حسن بضيق: عادي.. تكمل دراستها هناك..

سامية: ايه اللي جد ياحسن.. مانتا كنت

معترض علي الموضوع ده.. عايز تبعد ريم ليه..

حسن بحدة: ده في مصلحتها.. ومصلحة فهد..

سامية بتعجب: وماله فهد بالموضوع..

حسن: ريم تأثيرها علي فهد كبير.. ولو فضلت هنا

هتخليه ميسمعش كلامي.. ولا يشتغل معايا..

سامية بخوف: انت عايز تشغل فهد معاك

ياحسن.. لأ.. كله الا كدة.. انا محلتيش غيره..

حسن بصرامة: مش فاضي لرغي الحريم.. ريم هتسافر وفهد

هيشتغل معايا بس مش دلوقتي.. وع الله اسمع كلمه ولا اعتراض..

ليخبروا الجميع ان ريم ستسافر..

كمال بإستغراب: ليه ياحسن.. انت مش قولت قبل كدة لأ..

حسن بإقتضاب: هتتعلم هناك احسن..

وهتيجي كل اجازة..وانا هسافرلها من وقت للتاني..

لمياء بتعوج: واشمعني هي اللي تكمل

دراستها برا.. ليه لبني متسافرش برضو..

حسن بإشمئزاز: انا مش فاضي لنفسنتك يالمياء..

ريم وجدها هناك.. انتي زفتتك ليها مين هناك..

لمياء بضيق: ايه هو انا وبنتي الحيطة

المايلة في البيت ده.. محدش بيطيقلنا كلمة..

حسن بغضب: كمال لم مراتك احسنلها..

كمال: بس يالمياء اسكتي..

لمياء بغيظ: انا طالعة فوق..

ليدلف فهد بغضب: ايه اللي هيسفر ريم برا يابابا..

حسن بحدة: مش شغلك يافهد ده احسن ليها..

فهد بعصبية: لا طبعا.. شغلي ريم انا مسئول عنها..

وعدت عمو مراد افضل معاها.. محدش هيبعدها عن هنا..

حسن بغضب: انت اتجننت فهد.. القرار في البيت

ده قراري انا.. ومحدش يناقش.. ريم مسافرة بعد اسبوع..

فهد بغضب: كمان.. انت عايز تسفرها ليه..

عايز تبعدها عني ليه حرام عليك بقي..

حسن بعيون مشتعله: فهد.. اطلع علي اوضتك يلا.. الكلام انتهي..

ليصعد فهد في حزن ولانه لم يستطع ان يبقي ريم معه..

ريم بتساؤل بعد ان دلفت الي غرفته: مالك فهد انت زعلان..

لينظر لها بحزن شديد: انتي هتسافري عند جدك ياريم..

ريم بتنهيدة: ايوة اونكل حسن قال كدة..

فهد بعيون معاتبه: يعني هتسبيني ياريم..

لتجلس بجواره وبإبتسامة: مش ممكن فهد انا يسيبك..

انا هنزل في اجازات علي طول.. وكمان انت

ممكن تيجي تزورني.. ايه رأيك.. وهكلمك كتير..

فهد بإبتسامة: هتوحشيني ياريم..

مين اللي هيطلب مني حاجات واتكلم معاه..

ريم بضحكة: انا فهد.. مش تفكر اني هسيبك..

لا انا هيتصل ويطلب منك حاجات وكمان شوكلات..

ومش تنسي بيت الشجرة اللي انت هتعمله لينا

علشان انا وانت نعيش فيه.. انت وعدتني..

فهد: ايوة وهعمله ياريمو.. متقلقيش..

ريم بثقة: انا مش قلقانه لاني بثق فيك فهد..

انت دايما بتوفي بعهد.. وانا بحبك اوووي..

فهد بتنهيدة: وانا كمان ياريم بحبك...

>>>>>>>>>>>>>>>>>>>>>>>>>>>>>

بعد فترة من سفر ريم..

حسن:فهد.. تعالي معايا..

فهد بتساؤل:علي فين يابابا..

حسن بجدية:تعالي وانت هتعرف..

لينصاع اليه فهد ويذهب معه.. ليأخذه حسن

في مكان اشبه بالصحراء ولكن به منزل كبير..

فهد بإستغراب وتساؤل: احنا فين يابابا وبنعمل هنا ايه..

حسن بجدية:انزل يافهد وتعالي ومعايا..

ليدلفا داخل المنزل..

حسن بعد ان جلسا: فهد.. انت خلاص

كبرت ولازم تشيل معايا مسئوليه الشغل..

فهد:ايوة يابابا وانا دخلت هندسة علشان كدة..

حسن بتنهيدة:مش بس كدة..

فهد انت عارف احنا بنشتغل في ايه..

فهد بتلقائية: في الهندسة والتعمير..

حسن بنبرة جامدة: والسلاح يافهد..

وكأن صاعقة سقطت علي رأس فهد..

فتجمد اثر الكلمات ولم يستطع النطق..

حسن وهو ينظر اليه:مالك..

فهد بذهول:بابا.. انت بتقول ايه.. مش ممكن..

حسن بجدية: اللي سمعته يافهد..

ده شغلنا وشغل عيلتنا من زمان..

فهد بعيون جاحظة:ايه.. مش ممكن..

وبحدة.. وبتقول ليا الكلام ده ليه..

حسن بجدية:علشان هتشتغل معايا..

فهد معترضا وبعصبية:مش ممكن.. استحالة انا اعمل كدة..

حسن بصرامة:فهد.. ده شغلنا.. انت هتشتغل معايا..

>>>>>>>>>>>>>>>>>>>>>>>

لبني بضحكة:اخيرا ارتحت من ريم.. البيت حلو اووووي من غيرها..

سلمي بغمزة: قصدك ارتحتي منها وفضيلك الجو مع فهد..

لبني:ايوة.. ومش هسيبه انا بحبه

ياسلمي.. ريم اللي كانت واقفة في طريقي..

سلمي:طيب يا لولو اما نشوف.. بقولك ايه..

ماتشوفيلي سكه مع حاتم صاحب فهد..

لبني بتعوج:ههههه.. حاتم..لا انسي..

ده بتاع بنات واصلا لا بيطيقني ولا بطيقه..

سلمي بضيق:انتي الواحد

ميطلعش منك بمصلحة ابدا.. ياساتر..

لبني بشرود:يبقي معايا فهد وانا اظبطك..

سلمي بتعوج:اما نشوف..

>>>>>>>>>>>>>>>>>>>>>>>>>>>>>>>>>

فهد بعصبية:مش ممكن.. يستحيل اعمل كدة..

انت عايزني اتاجر في الموت.. السلاح اللي بيتسبب

في موت الناس.. اكون تاجر موت سلاح يابابا.. ده حرام..

حسن بحدة:تجارة السلاح مش حرام.. ديه مش م**رات..

فهد بدهشة:لا بجد.. مش ممكن.. انت بتقول ايه.. طبعا حرام..

حسن:لأ.. احنا بنتاجر فيها علشان

نحمي نفسنا.. وبنبيعها للي محتاجها..

فهد بتهكم: لا والله.. اللي محتاجها..

زي واحد عايز يقتل حد ده محتاجها..

تار بين عيلتين ويموتوا في بعض

محتاجينها.. مستحيل.. مش هعمل كدة..

حسن بنبرة غاضبة:لا هتعمل كدة.. علشان تحمي نفسك

وتحمي عيلتك.. وبنظرة ذات معني.. وكمان تحمي ريم يافهد..

فهد بتعجب:ومالها ريم.. ايه دخلها في الموضوع..

حسن:طبعا ليها دخل مش من عيلتنا.. وكمان علشان اللي قتلوا ابوها..

فهد بدهشة:اللي قتلوا ابوها.. ليه هو مش عمي مراد مات في حادثة..

حسن وهو يجذ علي اسنانه غضبا:لا.. احنا قولنا كدة..

لكن اللي موتوه عيلة المصيري.. اعدائنا يافهد..

انا قضيت عليهم بس لينا اعداء تانية لازم نبقي اقويه..

فهد وهو تتوالي عليه الصدمات كالصواعق المتتاليه

التي ما ان لبثت ساكنه ثم اتت دفعة واحدة ولم يستطع

احد ان يوقفها فمن يستطيع ان يتنبأ بقدومها او يستطيع ايقافها..

فهد: كمان.. انا ايه اللي بيحصلي ده..

حسن وهو يربت علي كتفه: اللي لازم تعرفه..

عيلنتا من زمان كدة.. ولو فكرنا نسيب الشغل

اعدائنا هيصفونا.. هنتمحي من ع الارض يافهد.. اسمع كلامي..

لينظر له فهد بعيون دامعة: مش ممكن..

لو عملت كدة هبقي مجرم.. و ريم.. ريم هتقول ايه..

حسن بجدية:اهي ريم ديه اللي انت هتحميها بشغلك ده..

فهد بحزن وضحكة ساخرة:احميها.. ده..

ليقاطعه دخول توفيق وبصحبته

حاتم المتجهم وجهه وعلي معالمه الضيق..

حسن:قولت لحاتم يا توفيق..

توفيق:ايوة..

حسن بجدية ولهجة آمرة:اسمعوا الكلام ده

ليكم انتو الاتنين.. ده شغلنا وانتو اللي هتشيلوه عننا..

حاتم وهو يجلس بجوار فهد وبضيق وهو يميل عليه:حط خيبتي علي

خيبتك وتعالي نلطم في **ت.. شوفت الو**ة اللي احنا فيها..

فهد بحزن:ايوة .. هنعمل ايه ياحاتم..

حاتم بتعوج:هنعمل ايه يعني..

ابويا المزواج طلع في الاخر تاجر سلاح..

>>>>>>>>>>>>>>>>>>>>>>>>>>>