“Aalis kayo?” usisa ng ina ni Nicah sa kanilang dalawa.
Nagtinginan naman sila saka tumango.
“Opo,” anila.
“Mabuti ‘yan, sisterly bonding,” saad nito.
“Oo nga po eh,” nakangiting sagot ni Loli.
“Tara na, Loli. Alis na kami ma,” wika ni Nicah.
“Mag-iingat kayo,” bilin nito.
Tumango naman sila at pumara na ng traysikel.
“Sa restaurant tayo bababa,” mahinang saad ni Nicah.
“Bakit?”
“Chismoso itong napili nating sakyan na traysikel. Kung sa clinic tayo ng OB bababa paniguradong lagot tayo,” sagot ni Nicah.
Natawa naman si Loli.
“Manong sa unahan lang po. Iyang Korean restaurant,” sambit ng dalaga.
Tumango naman ang lalaki.
Kita pa ni Loli kung paano sila tingnan. Ang tahimik din kaya paniguradong naghihintay lang na magchikahan sila ng kinakapatid niya. Buti na lang at maagap ito
