حنين

الفصل السادس

في قصر جوكر..الساعة كانت 5:34ص..حنين صحت مخلوعه وجوكر بقول ليها : قووومي يا هانم ..قوومي !

ما كانت عارفه في شنو ومالو جوكر ( وليد) هايج كده..

وقبل ما تفتح خشمها خمشها من شعرها وكان جاريها وهي بتصرخ..وكان الغضب مالي عيونو

امها وابوها ومريم جو اتلقوهو وطوالي رماها تحت كرعين امها وابوها وهو بقول : بتكم الواطيه اللافه لقيتها ما بكر !

تهاني ختت يدها في خشمها و كمال قلع عيونو ..اما مريم قعدت عدييييل..

وهي ما قادرة تستوعب حاجه..هو ما لمسها لكن..ولا قرب منها ..كيف يقول هي ما بكر !

حنين : دقيقة دقيقة! انت متين لمستني عشان تقول كده!! بعدين انت منو عشان تطعن في أخلاقي وتربيتي!! يلف رقبتك!

ضربها كف وطيرها تحت رجول ابوها : انا راجلك يا أستاذة!

قعدت تبكي وتقول لي ابوها وهي ماسكه كرعينو : والله يا ابوي هو كذاب!! هو ما لمسني حتى !

ابوها زح وشو منها ..قامت على حيلها وهي بتقول : ابوي ..ابوي رد علي ! انت ما مصدقو صح ؟

كمال وبدون سابق إنذار اداها كف..

ومن هنا الدنيا حست بيها كأنها وقفت..لانو دي اول مرة حد يضربها..لا وكمان منو ؟؟ ابوها !

اكيد ما فاهمين حاجه موووش

يلا #flash_back

المساء كمال رجع البيت ومشى غرفة بتو حنين طوالي.

كانت بتصلي ..بعد تمت الصلاة اتفاجأت بيهو وهو راكع قدامها : يا بتي الله يرضى علييييك .موش انتي بتقدريني ؟

قلت ليهو انت فوق راسي يا ابوي

قال لي : خلاص..وافقي بيهو علييييك الله واسمعي كلام ابوك وقعد يبكيي قدامي طبعاً أصعب موقف تشوف دموع ابوك وهو مغلوب الحيلة ما عرفت اعمل شنو قمت حضنتو وبقيت ابكييي معاو لغاية قلت ليهو بصوت ما مسموع : التشوفو يا ابوي

قال لي انا آسف يا بتي اني جبرتك بس بوعدك اكون ليك سند واحررك منو .

ابوي وعدني وهو عارف انو ماحيقدر يساعدني ولا حاجه..انا بالطريقة دي حأدخل عرين الأسد. وما ظنيت أطلع منو حية ولو طلعت ما حاطلع سليمة

قام باسني في راسي وطلع.

قعدت ابكيييي وابكييي لغاية نمته في موصلايتي.

صحيت على صوت ماما مريم ..قالت لي بحنيه : مرت ولدي قومي من الأرض ونومي في السرير

طوالي اترميت في حضنها وانا ببكيي قلت ليها انا ما ما عايزه اتزوجوو

قالت لي بحنيه : بعرف ..لانو وليد اتغير.. واتغير كتييير كمان.. .بس يا حنين انا عايزه العرس دا يتم لانك الوحيده البتقدري تغيري وليد للأفضل..لانو طيبتك دي حت**ر الحقد الجواهو.. وليد جواهو في نار إنتقام والنار دي حتحرقو هو والحواليهو

قلت ليها : لييي هو بيعمل كده ! وليي حاقد على ابوي كده !

مريم اتلعثمت وبس قالت تلاته كلمات : مجرد سؤء تفاهم ..وقامت طلعت

ما اشتغلت بي كلامها وتاني قمته ابكيي..لغاية نمته .

..

العرس اتعمل بعد اسبوع.

لمه بسيطه حضروها حشد قليل من المعارف..وكلهم مستنكرين وبوسوسو : كيف كمال يعرس بتو للزول الأحتالهم!

كنت لابسه الفستان الأبيض وعامله روج كبدي مايل للأ**د بس..ع** مع بياض بشرتي وبالرغم من اني ما عامله ولا كحل ..بس الكل كان مبهور بي جمالي اظنهم جنو ما معروف.

هو كان لابس بدله سودآء انيقه و بنطلون جينز ازرق.

شعرو كان مفكوك بس .

وكالعاده نضارتو .

كان شكلو واااو

انا طبعا خلاص قربت ابكيي وهو كان كل ما يسمع شهقاتي بضغط على يدي قوي تقول ي**رها لي طوالي بسكت.

مي وباقي شلتي كانو فاهميين شعوري..بس ما حيقدرو يساعدوني للأسف.

بعد الحفله انتهت دخلنا جوه عملنا الجرتق.. وبأنتهاء الجرتق المعازيم غادرو.

فضل في القصر نحن بس انا و المغفل وامي وابوي وماما مريم.

ماشه على غرفتي فاجأني صوتو المستفز: افتكر انك متزوجه ؟؟ من الليله ورايح حتبيتي معاي في غرفتك البقت #حقتي

وابتسم لي بخباثه ومشى .

وقفت مسسسافه بعدين لحقتو. لقيتو دخل الحمام .

قمته غيرته سريع سريع ورقدت اتغطيت كلي..ما خليت ولا محل للهواء.

سمعت باب الحمام اتفتح واتقفل..وسمعت صوت خطوات جا وقف قدامي وانا غمضت عيوني شديد

ما عارفه بس حسيت انو كان مبسسوط بي منظري وانا خايفه

وقلبي شغال يدق ويدق ويدق لغاية اضاني صنت من صوت الدقه

حسيت بيهو رقد جمبي في السرير..وحسيت بي انو بدأ يقرب ويقرب..وخلاص بديت اشم ريحة صابونة LUX الاستحمى بيها #الزفت

قررربت اقوم اللطشو كف بس الحمد لله .رجع محلو وطفا النور

..

ما جاني نوم نهائي لغاية سمعت الآذان الأول أذن قمت استحميت وصليت الصبح ودعيت ربنا يخلصنا انا واسرتي من بطش وليد بعد الصلاة والدعاء حسيت اني بعد دا في أمان عشان كده نمته قريرة العين .

وأهو قمته مخلوعه وجوكر بقول لي : قوومي ..

دي كل القصه الحزينة

#back

بعد ما أداني الكف حصلت لحظة صمت..امي خاته يدها في خشمها ودموعها نزلو..

انا طوالي بديت أرعف .

بجامتي كلها اتملت دم ..

وما قلت حاجه بس مشيت غرفتي وقفلت الباب..وقفت مسسسسافه ودخلت أحمام غسلت وشي.

انا ما من نوع البنات البت**ر وطوالي يفكر ينتحر..

لالا الحمد لله إيماني قوي وإلا كنت انتحرت زمااان بي سبب موضوع الرصاصه.

طبعا وليد ما كلمناهو بي حالتي الصحيه نهائي ..ولا جبنا ليهو سيرة

عاينت لي نفسي قوووي في المرايا..وانا بدل ما ان**ر ازدت قوة.

وليد ما لمسني نهائي و ولا قرب مني. دا بيعني انو عاوز يشوهه سمعتي وما اكتر.. لالا كويس يا وليد

عزمت بيني وبين نفسي اني انتقم واخليهو يبكي بي دموعو

وتاني ختيت حاجه في راسي..اني لازم أعرف سوء الفهم القاصداهو ماما مريم لازم اعرف سبب الحقد البحقدو وليد لي أبووي

.

وليد مشى لي ابوي في غرفتو ..كانو هو وامي قاعدين وماف حد بيتكلم.

وليد قال بهدوء جراح دماغ بريطاني : وداد وين يا كمال ؟

كمال سكت مسسسافه .. وقال : والله العظيم ما عارف.

وليد واصل وصبرو بدأ ينتهي : وقسماً يا كمال..حق اختي بطلعو من بتك ..حأخليها تشوف الويل ..فاهم ولة لا !

تهاني بدت تولول وكمال ببكي بصمت

طلع خلاهم وهو ماشي على غرفة امو لاقيتو وانا طالعه : قلت ليهو بسخريه : ماشه الجامعه انا ..حتوصلني ولة تديني المصروف ؟

رفع حاجبو من تحت النضارة وهو مستغرب من جراءتي ..

واصلت : ما تنسى اني مدامتك هسه..واي تقصير في نفقتي .المحكمه تفصل بيناتنا

وجات باستو في خدو وقالت : راجياك برة عشان توصلني

زحت منو وهي مقهورة .دا ما أسلوبها نهائي .

بس وليد لازم يتصرفو معاهو كده

الراجل القاسي لازم تواجهو أنثى بتحمل صفة القسوة والحنان.

طول عمري كنت بتصف بصفة الحنية لغاية جات رصاصة رجحت كفة الميزان . وبقيت القسوة تمشي على قدمين.

بعد ما وصلني قلت ليو بي ضحكه ساخره : هههه سبحانه ربي كنت بتجيبني عشان انت سواقي وكده..وهسع بتجبيني عشان انت زوجي بس المقام واحد .حتظل السواق بتاعي لي آخر لحظه نكون فيها سوا ما تقول عشان انت مالك مصانع ريتا حتتكبر وتتعالي.حتى لو بقيت رئيس الجمهوريه .مقامك حيكون سواق حنين..

غضب مني غضبه وخلاص بدأ يغلي غلي

طوالي نزلت وانا مبسسوطه عشان خليتو يتفرس.

دخلت الجامعه والطلبه كلهم بآشرو علي وبقولو :دي بت كمال العرسها الزول السرق مصانعهم ولا اشتغلت بيهم الشغله .

لابسه عبايه سوداء و شبط كعب عالي بي رباط لونو بترولي..وطرحه بتروليه وشنطه سوداء وعامله كحل و روج كبدي مايل للأ**د ..

والحنه سوووووده في يدي وترقش رقش.

مشيت على قآعتي طويييل

وقت دخلت العميد كان واقف..دقيت الباب وكلهم التفتو وكانو بعاينو لي بطريقه غريبه خلتني ارتبك.

الله يستر بسس

. ❣❣❣

#رشا_تحكي

عاينت في سقف الغرفه حقت الفندق وعيونها ملانه دموع..

وبدت تتذكر الأحداث الأخيرة المرت بيهااا

#flash_back

طارق وقف العربيه جمب باب العمارة وبسرعه بدا يطلع السلالم.

وصل ولقى الباب مفتوح ..دخل وما لقا زول .

علاء وقت سمع صوت حركه طوالي بدا يلبس في هدومو .

طارق فتح باب غرفة رشا وهو بنادي فيها يا رشا يا رشا!

وقت شاف علاء قلع عيونو وكانو تقول حيطلعو من محلاتهم.

علاء قال بطريقه متصنعه : ط ط طارق ! ا ا انت م م من متين ب بتج..

قبل ما يتم كلامو طارق استلمو و وقع فيهو خبت ودق وشلاليت ( ايوا اضرب يا براي وايت هههه دا مصارع طبعا ).

رشا وقت سمعت الجوطه البرة طوالي لبست بجامتها سريع سريع لغاية لبست بالقلبه.

وطلعت مخلوعه ولقت الصوت جاي من غرفتها..دخلت واتخلعت وقت شافت طارق بضرب في علاء .

هسع دخلت الحمام والبيت كان فاضي و وقت تطلع تلقى طارق بضرب في علاء ...ونصف عريان كماان !

قالت بي صوت اقرب للبكاء : ف ف ف شنو يا طارق !

طارق وقت سمع صوتها وعاين شافها مبلوله..بما يعني انها استحمت..طوالي قال في نفسو اكيد رشا كانت مع علاء عشان كده مشت استحمت..

علاء انتهز الفرصه وطلع جاري.

رشا دموعها بجرو وقالت : ب ب بس م تكون ظن.

اداها كف ...كف خلاها تقيف مصدومه قال بهدوء جراح دماغ بريطاني : أطلعي من بيتي ما عايز اشوف خلقتك هنا تاني.

وطلع من الغرفه وقفل الباب بقوه..

#back

طوالي رجعت لي عالمها لمن سمعت طرق في باب غرفة الفندق..لقتها دي الموظفه قامت قالت ليها : في حد منتظرك تحت قال عايز يشوفك .

رشا فرحت وقالت أكيد دا طارق..وقامت لبست عبايتها وجري نزلت تحت ..

وقلعت عيونها لمن شافت الزول الجا يزورها..

تفتكرو منو؟

انا عارفه ليكم

وقفت مذهوله ..وفي نفس الوقت كنت خايفه شدييد..يا ربي في شنوو؟

فاجأني صوت العميد وهو بقول وفي وشو إبتسامه رزينه : ادخلي يا حنين بتي

دخلته وانا متوترة من كلمة بتي دي بالذات..القاعه كانت ملاااانه ..وفي دكاترة كمان معاهو.

عايزه امش اقعد في مقعدي بس قال لي : تعالي اقيفي في المنصه هنا جمبي

جيت وقفت وكرعيني بطاقشو ببعض سساي ..صح انا عندي شجاعه وكده بس القاعه ملانه ياخ + انا ما جاهزة ..وكمان في قريب العشرة دكتور معاهو ومساعدين التدريس ما يدوك الدرب

العميد وقت شافني بفرك يديني مع بعضها من التوتر ..وشاف آثار الرسم..قال بي ضحكه : ومبروك العرس يا مدام

ارتبكت زيادة ورديت بصوت اقرب للهمس : الله يبارك فيك

واصل : طبعا بما انو حنين شرفتنا...انا حأقول ليكم سبب الاجتماع دا

عندنا مجموعه من طلبتنا قسم طب الأسنان ..

عرضو علي فكرة يمكن ما خطرت في بال اي جامعه من الجامعات..

عاين لي وآشر : اختنا الطالبه حنين كمال..وبالرغم من انها ليها يا داب كم شهر في الجامعه..بس قدرت انها تكون صدآقات ..وقدرت انو تلفت نظر الكل لي ظاهرة عدم إكمال التعليم لبعض الأطفال وكل طالب بمختلف مراحلهم الدراسيه..و واصل : عشآن كده سبعه من طلابي انا بعتبرهم فخر لي جامعة الرازي ..اهتمو بالفكرة وحبو انو الكل يشاركهم فيها ..حنعرف فكرتهم لمن نتعرف عليهم .. ممكن يتفضلو ويجو لي في المنصه هسه ؟

في اللحظة دي شلتي بدت تطلع..وكل ما واحد يصل العميد بقول اسمو.. :احمد منصور..مي عبد الوهاب.منذر عمر ..نمارك آبشر .عمار بشير ..نازك محمد..وآخيرآ ياها حنين كمال .

واصل : .اخوانكم قررو انهم يساعدو الطلاب دي ..وعرضو لي الفكرة حقتهم .

آشر علينا انو نبدأ نتكلم..

عمار : السلام عليكم ورحمة الله..

اخوكم في الله عمار بشير احمد

وكرر الأسم : عمار بشير احمد

( هههه علي بالطاء عمار دا كوز ..من وقت قال اخوكم في الله ..وكرر اسمو .)

زميلتكم حنين اخدتنا انا وباقي الشلة لي واحد من الأحياء البسيطه

وقابلنا فيها اطفال الظروف خلتهم يبقو شباب.

.ويساعدو اهلهم .

منو فيكم يتخيل انو ولد عمرو 14 سنه بيدفع لي اخواتو رسوموهم الدراسيه. ؟

لالا وغير كده..يطلع مصروف للغداء. للإجار .للكهرباء !

انا بعترف قدامكم اني لمن كان عمري 14 كنت ماسك يد البلسيتشين 24 ساعه ..وامي بتجيب لي الأكل لي عندي..

يعني عشت طفولتي كلها.

والشي البحير حأقولو ليكم والداير يضحك يضحك.. اني لي الآن باخد مصروفي من ابوي

كلهم بدو يضحكو

آشر لي مي عشان تواصل

قالت : حقيقه ما براك يا عمار .كلنا بناخد مصروف من أهلنا

في نفس الحي لاقينا حليمه واخوها حسيب ..هم كمان تركو المدرسه عشان تآخر الرسوم .

نمارق واصلت : عشان كده حنين عرضت علينا فكرة عمل مدرسة خيريه..لأكمال التعليم المتوقف..

منذر : اي طالب مهما كانت حالتو الاقتصاديه حيواصل تعليمو لغاية يخلص الجامعه

احمد : عملنا ملصقات اعلانيه حنعلقها في كل أنحاء الولايه

نازك.: كمان عملنا اعلان على كل وسائل التواصل .ونتمنى انكم تساعدونا في نشر المنشور

اختتمت الحديث وقلت : بصراحه كده انا فخورة بي عميد كليتنا..وفخورة بيكم لانكم رحبتو بالفكرة..انا بتمنى انو باقي الشعب يشاركونا عشان طوبه طوبة المدرسه تقوم

في اللحظة دي الكل بدأ يصفق .دكاترة على مساعدين تدريس على طلبه..

طبع القاعه ضمت طلبة طب.وطب اسنان.وصيدله وتمريض ومختبرات

العميد وقت شافانا متوترين قال لينا ممكن تمشو تقعدو.

مشينا ومي تقرص فيني

ساااي. وتسألني الجابك شنو وانتي عروس ليك نص يوم..

كملت لحمي كلووو الغ*يه قلت ليها م شغلتك

بعد ما قعدو نضمو ونضمو في الموضوع .

انا ما كنت خاته بالي في كلامهم لانو انا زاتي بي همي وهو مكفيني زاتو .

بعد كم دقيقه كده انتبهت لي صوت العميد وهو بقول : بعدين حيجو آخوانكم عشان نجتمعو ونتكلمو في الموضوع.

وبعد شويه بدو يطلعو واحد واحد.

ما عدا دكتور الانتومي بس هو الفضل لأنو المحاضرة معاهو..

بعد المحاضرة انتهت طلعنا الكافتيريا كنا نحن والبنات بس وقعدو يسألو فيني : مالك نزلتي طوالي !اها حصل شنو احكي لينا قبل ما الشباب يجو.

نمارق : هووي يا بنات عيب ..دي أسرار زوجيه

قلت ليهم : هههه كان عادي جداً. .ونزلت لانو هو زآتو مشغول وانا م عايذه اغيب عن الجامعه المهم وين الشباب ؟

مي بدت تتمطى وتعاين وهي بتقول بري ما شايفاهم انا .

نازك : اظنهم حبو يدونا شوية خصوصيه مع عروستنا

ياخ احكي لينا يا حنين ..عشان نكون جاهزين بعدين

قلت ليهم عشان اريحكم ما حصلت اي حاجه بيناتنا ..

كلهم اتخلعو وقعدو يعاينو بأستغراب..واصلت : اي اي ما حصلت اي حاجه ما تعاينو لي كده ..ياني بت زيكم..يلا انا جوعته ياخ ارح نطلب لينا حاجه ..ما بقدر استنى الشباب انا ..

نمارق : ياهو داك منذر خالط سنير صيدله ما اظن حيجينا هسه .

وما عارفه احمد وعمار غطسو وين ارح ناكل ما ضروري ننتظروهم ..

مشينا طلبنا ..

ونحن بناكل عمار واحمد جو وكانو شايلين حاجات معاهم..

احمد : ياااا خووونه ياااا مااارقيين يا عديمين العشرة

عمار : زماالتهن زمالة كلاب

مي : والله انتظرناكم وانتو اتأخرتو..بعدين انتو شايلين شنو ؟

احمد وهو بقعد : دا غراء ..امشو شوفو الجامعه كلها ملصقات..ومده يدو لي عمار الناولو ملصق مداهو لينا ..قريناهو وكان عبارة عن اعلان للمدرسه الخيريه..

وتحت في ارقام التواصل للمساعده من بينهم رقمي !

قلت لي عمار وخشمي كلو أكل : هووعي دا شنوو لشنو رعقمي معاهم !!

عمار : يا شييييخه تمي الأكل الفي خشمك اووول.

ديل رقمك ورقم العميد واحمد ونمارق

ونحن كمان عندنا دور ما تخافي قسمنا الأدوار حسب اي زول..

غايتو رضيت اسوي شنو.

قلت ليهم انا ماشه عندي شغل في البيت

حأتصل بي جوكر يجي يوديني

و اتصلت على جوكر #زوجي .عشان يجي يوصلني البيت..

هزآئني كداااا ..دموعي لمن جرو ..وفي الآخير قال لي : بلز ليك السواق وقفل الخط.

حصلت لحظة صمت رهيييبه..

ما واضحه فيها إلا صوت شهقاتي .

عمار ماسسك أعصابو بي صعوبه وقال لي مي : سوقيها الأستراحه

بعد مشينا قعد يشاكل ويشاكل في تصرف وليد معاي

نازك و نمارق قامو لحقوني الأستراحه.

واحمد قعد يهدئ في عمار وفي الآخير قال ليهو : دا راجلها في النهايه ..نحن ما حنقدر نعمل شي

ف البيت المساء كده..كنت قاعده مع ماما مريم في غرفتهاا.

امي جات وهي م**ورة وقالت : العشاء جاهز..وطلعت

انا انقهرت من جواي..دي امي ! قعدت ابكيييي...ماما مريم مسحت على راسي وقالت لي : أصبري بس..كل حاجه حتتحلا قريب.

في السفرة قعدنا كلنا .

وليد قاعد في الكرسي الرئيسي..وعلى يمينو في امو..وانا على الشمال..

وابوي جمبي وامي جمب ماما مريم باليمين

ماف زول كان بياكل إلا وليد #الزفت

انا أكلت لي عجورة واااحده بتذكر .

وقمت من السفرة.

مشيت غرفتي وقفلت الباب .

شلته لي واحد من المراجع وقعدت اقرا.

اصلو أهملت كتيييييير دراستي الفترة الفاتت

كنت نعسسسانه .وكل شويه بسمع دق في الباب بس ما رديت نهائي ما كنت عايزه اقابل زول.

الصباح وانا طالعه لقيتهم قاعدين في السفرة

قال لي بأستهزاء : لازم تحترمي مواعيد الأكل واضح ؟

ما رديت ليهو وطلعت طوالي..لقيت برا في راجل خمسيني كده قال لي : انا سواقك الجديد يا مدآم

قلت في نفسي : كويس خاالص .انا ماشه تمام كن كده

في الجامعه كان عندنا عملي حق biochmestry

كنا مقسمين قروبات ..قروبنا كان من الألف لغاية حرف الفاء ..كنا عشرين انا واحمد في القروب من الشله ..طلعنا كده في واحده من قروبنا اسمها حلا.. حنكوشه خلاص ما بريدها كلو كلو نبهتني : حنييييين ..واي لكن شوفي اللاب كوت بتاعك اتملا دم!!.انتي بترعفي !

قلت ليها شكرآ لانك نبهيتني ..ومشيت الحمامات غسلت وشي ونضفتو..اللابكوت اتوسخ عشان كده طبقتو ..قلت بعدين اغسلو في البيت.

طلعت مشيت رقدته في الأستراحه . سرحته في السقف لغاية شالتني نومه

في البيت وليد كان قاعد مع امو..وهي شغاله تقول ليهو م يقسى علي وعلي امي وابوي

وليد : يا امي انا ما عارف انتي لشنو بتدافعي ليهم !

الزول دا حاول يقتل ولدك ! يعني لو ما الراجل الطيب دا ساعدني كان هسع انا في عداد الاموات

(اها يا سيف النار(

مريم سكتت مسسسافه وسألتو : طيب الراجل الساعدك دا..ما قال ليك هو لشنو ساعدك؟

وليد : قال انو ابوي كان خدمو خدمه زمان..وهسع رده ليهو جميلو.

ثم تانياً انا زاتو ما لاقيتو..بسمع بي اسمو بس لكن ما شفتو بتعامل معاي بغموض ما عارف لشنو ..اتكلمت معاهو بالتلفون بس ..وكل تعاملي معاهو بكون عن طريق زول .

مريم : منو الزول دا ؟

وليد : الراجل الساعدني وقت كمال رسل حد يكتلني اسمو اسماعيل حسن ..

مريم وقت سمعت الأسم اتخلعت وقلعت عيونها ..بس وليد ما لاحظ ليها كان مشغول بي تلفونو و واصل : المهم يا امي انا عارف بعمل في شنوولو ما لقيت وداد ما حأخليهم في حالهم نهائي.

مريم ارتبكت وقالت ليهو بسرعه : يا وليد انت اختك دي لو عايشه كان جات عليك الله انساها

وليد أستغرب من كلام امو كيف تقول كده وهي ما عارفه بتها ويين زاتوو!

بس ما اشتغل في الموضوع وقال ليها انا طالع يا الغاليه ..خلي بالك من نفسك .

بعد ما طلع قالت في نفسها : وداد لو رجعت ما اظن انت حتعاين في وشي لو عرفت الشي البتعرفو وداد .صح هي بتي وبريدها .بس ما بقدر افقدكم الأتنين اناا.عشان كده يا رب تكون وداد ماتت

واسماعيل !

لازم اتكلم مع كمال لازم.

في مصيبه حتحصل انا متأكده

)الليييييله وووب. )

صحيت على صوت نمارق وهي بتقول لي بهدووء : صليتي الضهر ؟؟

قلت ليها وانا بتثائب :هاااالاﻷ

تاني قلت ليها الساعه كم هي ؟

قالت لي : 3:34 مساء.

قمته سريع سريع مشيت اتوضيت .

بعد صليت الضهر اتلمينا تحت شجرة كده .

منذر : اها ياا حنوو.

وييين ممثلينك ! عايزين نصور الفلم نحن وعمل حركة الكاميرا وقت تلتقط صورة.. كرج كرج ?

حنين : طيب ما عندك مشكله.الليله بمش بتفق معاهم وبكرة نصور.

نازك : بس بكرة الجمعه..انا ما طالعه من بيتنا ياخ

عمار : كلنا ما عايزين نطلعو يوم الجمعه بس مضطرين..لانو زي ما انتي عارفه امتحاناتنا فاضل ليها شهر ..تاني ما حنلقى زمن.

قلت ليهم خلاص بكرة حيكونو جاهزين..حنصور وين لكن !؟

منذر : انتي بس كلميهم والباقي خلوهو علي

قلت ليهو أبشر والله..وصلحت شنطتي وقلت ليهم انا بمش

احمد : ههههه من عرستي خليتي اللففان ..عاد انكربتي

ابتسمت وقلت ليهو : امو ما ولدتو اليكربني

عمار : دي حنين البعرفها يا شباب

واحمد واصل : بس العميد نسيناهو

عمار قال : طيب ارحكاكم من طريقنا دا

قلت ليهم احضروهو وكلموني انا ما بقدر استنى ومشيت خليتهم.

وصفت للسواق الحي حق ناس مجاهد .في طريقي شلت حلاوات وال**ب للشفع ..

وقت وصلت بيتهم لقيتو مافيسلمت على امو واخواتو واديتهم الحلاوات الجبتهم ليهم

فرحو بيها كتييييرتاني مشيت بيت ناس حليمه وحسيب كلمتههم ورحبو بالفكرة

وانا طالعه من الحي لاقيت مجاهد كان ماشي بي صعوبه

نزلته سرييع وجريت عليهو

مسكتو كده .جسمو كان سخخخن .وفي آثار ضرب ع وشو .قال لي بصوت مجهد : حنين ووقع بين يديني

❣❣❣

#رشا_تحكي

وقت شافتو دموعها نزلو واتذكرت الشي العملوو..

جاها جاري وهو بقول : ما تبكي يا رشااا..هو اصلاً ما يستاهل ضفرك..لانو ما بثق فيكي

قالت ليهو : انت كيف تتجرأ تجيني هنا بعد العملتووا !

كيف عرفت مكانيي اصلاً !

قال : انا تابعتك اليوم داك ..وعرفت انك نزلتي هناا

قالت ليهو بحرقه : ليي يا علاء عملت كده ! ليي خربت بيني وبين طارق ! حرمتني من بناتي نينه ورهف لشنو انا عملت ليك شنو !

علاء : عشان حبيتك

عايزك لي يا رشا.

طارق ما عايزك ..والدليل انو عرسو الاسبوع الجاي علي نهى اخت مرتو المرحومه

رشا ما عرفت تسوي شنو..صرخت في وشو : انت كذاااب! طارق ما حيعرسهاا

علاء : هو براهو قال انو زواجكم كان زواج مصلحه ساي..عشان تربي ليهو بناتو

رشا قلبها وجعها شديد لانو فعلاً ده الحاصل وطارق بنفسو كلمها

علاء : اسمعي كلامي يا رشا عندي شقه جاهزه تعالي عيشي معاي

مالك ومال غلبة الشفع

ادتو كف وقالت ليهو انا بت ناس ومربيه ! اوعك تقلل ادب معاي ! وتاني لو فكرت تجي هنا حيكون آخر يوم في حياتك

ومشت خلتو.

وقف مسسسافه وقال : معلييش حأصبر عليك يا حبيبتي رشا.

علاء #الزفت قطع لي كبدتي بسسس عليهوو