حنين

الفصل الخامس

وصلت البيت نزلت وانا بحاسب السواق

سمعت لي صوت كواريك

طبعاً ما بقدر اوصف ليكم كمية الخوف الشعرت بيهو

وقلبي وقع في مركز الأرض(م)

اديت السوق القروش وقلت ليهو خلي الباقي معاك.. جريت بعد ما جدعت شنطتي وانا بقول بي صوت أقرب للهمس : لالالا ابوي لا ابووي لاااا..يارب ميكون ابووي .يارب ما يكون هوو

وقت وصلت لقيت الباب مفتوح دخلت بسرعه

وشفته العجب

احيييييي اناا

ابوي وهو سايق ضغط على ارقام وخته التلفون في عضانوو ( بحب اقول عضان هي آضان أصلاً)

الو.انا فكرته في القلتو لي يا سيد مروآن بتي والله ما بقدر أبيعها كده اعفيني من الموضوع ده

رده ليهو : ههههههههه زمااان موش بعت وليد ؟

طبعا كمال حكه فرمله وشهق : انت بتقول في شنو !

السمعتووو يا كمال الكتيابي

السمعتوو

ويا إما بتك ويا إما تفقدها لمن تعرف حكاية أبوها الخاين .

انا عمري ما شفت حد وسخ وندل أكتر منك .

كمال وعيونو كولها دموع : بس انا كفرت عن زنبي .وزي ما انت عارف انا جبت امو واختو .

قاطعو بي حده : قول الكلام دا لي وليد ما لي أنا..لأني عبد المأمور وبس

كمال : بس وليد ما.

تاني مروآن ضحك وقال : ..قصدك مات موش ؟

تاني مروآن غير نبرة صوتو لصوت قاسي وغاضب : قصدك مات لأنك رسلتو مع حد يقتلو صح !

كمال بس قعد يبكيي

مروآن واصل وصوتو فيهو شعار انتصار : على فكرة.وليد هسع في الطريق لي القصر حقو الفيهو أسرتك .يا إما حصلتو قبل ما يولع اللغم وتخسر أسرتك.ويا إما راسك الكبير دا سمع نصيحتي و وافق على العرض

قبل م كمال يرد .الخط فصل حاول يرجع للرقم لقاهو مغلق

دور عربيتو بسرعه واتوجه للبيت

شفت امي وهي بتجر ماما مريم وهي غضبانه

وماما مريم بتبكي وبتقول ليها : لالا حرام عليك خليني علييك الله

قلت ليها ودموعي عشرة عشرة : اووومي مالكم في شنو !

المرا دي ما تقعد لي هنا .ما عايزه اشوف خلقتها نهائي !

يا امي عليييك الله ما تعملي كده ! ماما مريم عمرها ما آزتك ولا حتى يوم سمعتها رفعت صوتها عليك ! ما تعملي كده يا امي

يا حنين قلت ليك ما عايزاها في بيتي يعني ما عايزاها في بيتي كلام واضح وصريح !

لمن يكون بيتك بعدين حددي منو اليقعد ومنو اليمش

كلنا عاينا لي مص*ر الصوت

انا جاني شلل رباعي.

كان #جوكر!

قربت أجري عليهو احضنو واقول ليهو كنت وين المدة دي كلهااا

لكن وقت اتذكرت انو ليهو أكتر من أسبوع مافي ..وفوق دا كلو شال العربيه #حقتي معاهو ..اتغظت واتفرست..وقلت ليهو بأستهزاء: اووو مستر جو..حمد الله على السلامه

عاين لي بي نظرة ما قدرت افهمهاا..

نظرة شوق؟؟ ولة نظرة عتاب ؟؟ولة نظرة أذدراء ؟ولة استهزاء!! المهم ما قدرت أفسرهااا

بس أكتر حاجه غاظتني انو ما رده لي !!

امسكو دي قصف الجبهه نمرة 1

مشى اتجاه امي وخالتي مريم ومسك مريم من يدها وجراها عليهو لغاية بقت ورا ضهرو ..وضعيتهم بقت وضعية لعبة (انا أماً بحجزها وانا صقراً بخطفها ..لو سمعتو بي اللعبه دي )

قال ليها وهو رافع أصبعو: اوعك يوم تفكري تأزيها او تقربي منها !

هنا تهاني هاجت وقالت : هووي انت كيف بتتجرأ ترفع صوتك علي كمان ما تنسي انك مجرررد سواق!

جو ضحك مسسسسسافه .

وانا قلت ليهو : اوعك ترفع صوتك على أمي انت فاهم ولم أصبعك دا ما أ**رو ليك !

ولا عاين اتجاهي زاتو

امسكو قصف الجبهه نمرة 2

قال لي امي : من الليله ولي زمانك ما حتقربي علي المرا دي فاهمه ! وع فكرة .

فكه يد ماما مريم ولفه في البيت وهو بقول : عفش البيت ما عاجبني..وااا ما شايف في خدم في البيت .

والتفتت على امي وهو بقول : عشان كده من الليله ..انتي وبتك ( ولفت آشر علي بي أصبعو كأنو انا أبو الجندب) حتنضفو البيت .وتشتغلو فيهو زيكم زي أي خدم فاهمين ؟

تهاني : والله ما عارفه أقول ليك شنو زاتو هههه.. (وغيرت نبرتها للغضب :

انت جنييت!

انا قلت ليهو : اطلع برة وتاني خلقتك دي ما عايزه أشوفها قدامي..

وما تنسي المفتاح حق #عربيتي تختو في التربيزه

برضو ما رده لي

القصف نمرة 3

قلت ليهو : الوووو .بتكلم معاك انا !

تهاني : اسكتي يا حنين وامشي غرفتك انا بتفاهم مع امثال الكلاب الزي ديل

وواصلت : أطلع برة قبل ما أطلب ليك البوليس.

هنا كمال جا خاشي ونفسو قايم

كلنا التفتنا عليهووو وانا قلت : ابوي بركة الجيت .تعال شوف السواق بقول في شنو !

ابوي كان واقف مزهول وشكلو عاجز عن انو يعمل أي حاجه..وقال : تهاني..حنين..اسمعو الكلام البقولو المستر وما عايز أي معارضه

انا وامي بقينا ما فاهمين شي .

قلت ليهو : أبوي دا ما وقت هظار يلا اطردو برة.

ابوي جا علينا وقال : ما بقدر

تهاني : ما تقول لي يا كمال !

كمال :......

انا زي الأطرش في النص ما فاهمه شي..لكن فهمت وقت ابوي قال : هو المالك الجديد لمصانع ريتا يا تهاني

طبعا تهاني كانت عارفه لكن اتصدمت زيادة وقت عرفت انو جوكر هو المالك.كانت قايله مروآن هو المالك.

لكن الكل اتصدم وقت قال : جوكر هو زاتو وليد..وليد ولد مريم الضايع

❣❣❣

#رشا_تحكيييييي

طارق : انا حأمشي أزفتها معاها! كيف تتجرأ وتجي تهجم عليك كده!

رشا قالت ليهو ودموعها عشششرة عشرة : يا طارق اوعه تمشي ليها..انا متأكده هي بتكون بسس خايفه علي حفيداتها .

طارق ارجووك

طارق : لالالا حتى لو خايفه ما عندها الحق تجي تتهجم عليك

انا لاز...

الباب دقه طارق مشى فتح واتفاجأ بالشافووو

كانت دي عمتو آمنه

قبل م يفتح خشمو قامت بكت : والله ي ولدي انا بس كنت خايفه عليييك انت وبناتك ما كنت واثقه فيها عشان كده

طارق قال ليها بغضب : بسس دا ما بيد*ك الحق انك تضربي البت !! بعدين انا ما شافع صغير لاحظي !

آمنه : عشان كده انا جيت اعتذر..ودخلت جوه استلمت رشا وحضنتها.

رشا طبعا مغمضه عيونها من الخووف.

آمنه : يا بتي أعفي لي .انا بعتذر أعفي لي

رشا : لالاﻷ يا عمتي .انتي زي أمي ما تعتذري لي.وانا عارفه انك خايف عليهم عشان كده..وحقك تخافي والله.

ولسع هي مواصله تبكييي وتقول يعفو ليها .

لغاية طارق سامحها .

قالت حتقعد معاهم لغاية العرس يتم .

طارق ورشا فرحو كتير بي قرارها

ورشا أكتر لأنها تاني ما حتمشي بيت ناس سعاد عشان علاء وكده

مسسسسسكينه والله ما عارفه آمنه مخططه لي شنو..

في غرفة رشا .الساعه عامله 11:34 مساء..

نينه صحت وقعدت تبكيي

آمنه : معليش يا رشا بتي.سميتي دي متعباك ياخ

رشا : لالا كمان بالع** ما معذباني.بس لمن تجوع ما بتتفاهم بتبكي طوالي .

حأمشي اعمل ليها اللبن

آمنه : خلاص جيبيها امشي وتعالي.

رشا مدتها ليها بس نينه حلفت كن تمش لي حبوبتها..

ما عارفه ليشنو بتشمها كده

رشا : ههه بتكون ما متذكراك عشان كده ..لكن حتتعود علييك مع مرور الأيام .يلا يا نينه ارح اجهز ليك اللبن

بعد ما رشا طلعت آمنه استلمت التلفون واتصلت على رقم ..بعد شويه ردت : خلاص انا عصرته على قلبي ليمونه ونص..وتميت مهمتي..تاني أعمل شنو ؟

قال ليها : برافوو خليهم يثقو فيك أكتر وانا بوريك تعملي شنو .

بعد قفلت منو قال : قررربتي تكوني في آحضاني ياحبيبتي رشااا

**يحبك برص شاحده ربي كن حبيبتي ما عارفة **

ماما مريم اتصدمت وقتيآ..شالها وليد و مشى

بيها أقرب غرفه.

طبعآ تاني حنقول وليد وكده لأنو الأستاذ عندو 100 أسم بس دا الحقيقي طبعاً

قعدنا انا وامي وابوي ..ابوي حكى لينا كل حاجه..وانا مرة أبكي مرة أضحك

بس أكتر شي ضحكني وقت كنت بقول #عربيتي

تهاني : هسع يعني حننطرد في الشارع !! نقبل وين يا كمال الدين! نحن ما عندنا محل نمش ليهووو!!

كمال : ما حيطردنا.

تهاني : انا ما بشتغل خدامه يا "كمال هووي. . كرامتي فوق كل شي ميته وخرآب ديار كمان

كمال سكت مسسسسافه بعدها قال : طلب يد حنين يا تهاني..ما عارف فهمو شنو بس قال حنين مقابل انو يخلينا في البيت

انا وامي فتحنا خشمنا وقلنا سوا : لالالا نجوم السما أقرب ليهو

كمال قام على حيلو وقال : ما عندنا خيار .فكرو في الموضوع

قلت ليهو وانا ببكيي : يا ابووي ما موافقه اناا نهائي ما حأتزوج جوكر ولة وليد دااا.

وجريت دخلت غرفتي وانا ببكييي

بي جاي مريم بدت تصحى ..قامت وقعدت في السرير وقالت : حلم عجيب ..اللهم أجعلو خيير

الباب اتفتح و وليد (جوكر) جا داخل وهو شايل كباية عصير في يدوو

مريم قالت : يعني اااا انا م م م كنت بحلم يعني ؟

وليد خت الكبايه وقعد في الأرض وهو ببكيي : دا انا زاتو يا امي .ولدك الكان غايب رجع ليك تانيي يا اميي

طبعا الزول البشوفو قعد يبكي كده ما يقول دا جو القاسي المتعصب داااك

شكلو وهو بين يدين امو كان زي الطفل الصغير

حضنتو شدييييد وهي بتبكييي وبتحمد ربها ..وكانت بتبوس فيهو وبتقول : ولدي الغالي ! وين كنت انت قطعت قلبي علييييك وييين خليت اختك وامك براااهم ي ولدي

وليد زاتو كان ببكييييي رفع راسو وعاين ليها وعيونو كلها دموع ..شعرو اتفكه وغطى ليهو وشو..امو زحت ليهو شعرووو واتخلعت لمن شافت عينو.

** جو كان لابس نضارتو 24 ساعه لأنو عينو اليمين متضررة .

أحياناً بلبس عدسات بس ما بشوف بيها نهائي..لكن ماشاء الله .ولا الزول البشوف بي اتنين ..**

مريم قالت : دا شنوو يا ولدي !! عينك مالا !!

باس يدها وقال : بحكي ليك بعدييين صحي وين وداد ؟

صح اخباركم كانت معاي بس ما كنت بعرف شي عن وداد !

هنا مريم بس بقت تبكييي

وليد افتكر اختو ماتت عشان كده قال : ماتت! بس كييف ! كيييف يا اميي !

مريم : لالالا ما ماتت بعد الشر عليها ..بس اختفت يا ولدي..حالتها النفسيه ما كانت تمام...وقت ابوكم اتوفى وانت اختفيت جاتها نفسيات.

عمك كما.

قاطعها وهو بقول : ما عميي ما تجيبي لي سيرتوو نهائي

مريم : ي وليد انت ولدي ما تنسى .القسوة دي ما من صفاتك

وليد : صح يا امي ما من صفاتي .بس انا قسوة المجتمع ساهمت في تربيتي

والظلم الظلمنا ليهو كمال حأطلعو منو حبه حبه ..وحأدمروا هو وأسرتو المبسوط بيها !

مريم : يا ولدي القسسوة ما حبابا ما تخرب طبعك عشان ناس ما بستاهلوو

وليد : يا امي ما تخافي..طبعي في محلو بس حأأدبهم.. صح مصانع ريتا من املاكنا بس بعد يعرفو انهم غلطتو انا برجعها ليهم..

يا امي حرييقه في القرووش حريقه في الأملاك البتخلي الزول جشع ويقتل عشانها..

حريقه في القرش البي سببو ببعد الأسر من بعضها

مريم : اي دا ولدي البعرفو ..عفارم عليك يا ولدي

تاني حضنتو وهي بتبكييي : كيف قدرت تتحمل قسوة الشارع وانت ولد 14 سنه يا وليد !! احيييي انا قطعته قلبي والله بي غيبتك . نفسنت بي وقالو انا مجنونة

وليد : هم المجانين المغفلين يا امي خلاص انسي الماضي.انا ياهو جمبك .وما حيفرقنا الا الموت بس

وانا قاعده في غرفتي اتذكرت

موضوع المدرسه الخيريه..قعدت أبكيييي..

هسع انا أدعمهم كيييف !

كيف حأقدر أساعدهم وانا #موفلسه !

الصباح مشيت الجامعه بدرريييي ..كنت عارفه انو في البيت #حقو.ما حبيت الاقيهو.

حضرت محآضراتي وانا ما فاهمه شي منهااا

وقت الفطوور كنت سرحانه.

قطع سرحاني صوت عمار :انا كلمت العميد..وطبعاً فرح وآشاد بالفكرة .و كلمت ابوي .هو كمان فرح وشجعني وقال حيدعمني و كمان حأمشي بعد الدوام الوزارة عشان أخد التصديق أذن.

منذر : قصدك أذن التصديق انا كمان على فكرة بديت اجهز الأعلان..

حأنشرو في الفيس والأنستا وكمان حأستلم الملصقات بعد الدوآم.

قلت ليهم برافوو والله .

مي : انا كمان بابا حيدعمني.

نازك و نمارق : نحن كمان

احمد : me 2 يا جماعه..يلا نبدأ الحنك ونكلم ناس الجامعه..

قلت ليهم بحزن : شباب عايذاكم ف موضوع مهم

كلهم انتبهوا لي بأهتمام واصلت : مصانع ريتا للغلال .بقت ما حقتنا..

خلاص عائلة الكتيابي اعلنت افلاسها

ما حأقدر أساعدكم في موضوع المدرسه الخيريه.. أسفه بالجد

طبعا أستغربووو .و واصلت حكيت ليهم الحصل وكيف جوكر (وليد) استغل ثقة أبوي و آحتالوو..

طبعا شلتي اتعاطفو معاي

اما مي دي نبذه طايرة ما خلتها لي جوكر

غايتو شالت كل سيئاتوو

❣

#رشا_تحكي

الصباح قامت جهزت ليهم الشاي

رهف كان عندها امتحان .شربت سريع سريع لغاية اتششت ..

رشا : ههههههه يا بتي بالراحه ربنا يوفقك

رهف : آميييييين يا امي

وقت قالت الكلمه دي رشا عيونها رقرقو..صح كانت بتناديها بي ماما بس كانت بتقول ليها ماما رشا ..هسع قالت ليها امي

طبعا عمتكم آمنه متابعه الوضع..كانت قااعده تعاين ومغبونه بس لمن رشا تعاين ليها بتبتسم مجامله..

طارق جا طالع..كان وااااو.

لابس بنطلون أ**د وقميص حرجلي غامق .+ حلاقتو وسوالفو .عجيييبات.

آمنه زاتها قالت في نفسها: راجل زي دا كيف رفضتو وقت اتقدم لي نهى ! غايتو انا دي بس !

وتاني ابتسمت ليه مجامله..

طارق قلبو ما مطمن من ناحية عمتو آمنه..وكان حاسس انو حتحصل حاجه ..

بس استغفر ربو وقال ما يظلمها.

.

وقت الفطور كده كانو قاعدات بحضرو في زي ألوان. مسلسل من الحب ما قتل 2

حقت راجيني وسوارا

آمنه كانت مندمجه تحضر ساااي وطبعاً أكيد عارفين هي مع منو في المسلسل.

اما رشا كانت بتسرح نينه..

الباب دقه وكت مشت فتحت لقتها سعاد .

قعدو اتونسو كدااا

وآمنه تشيل وتشكر في رشا .لغاية سعاد بدت تشك فيها ..

وقت جاتها مشيه على الحمام سعاد قربت من رشا وهمست ليها : اعملي حسابك منها يا رشا بتي..انا ما مطمنه ليها والله

رشا : لالا ما تخافي هي اتغيرت والله .

سعاد : غايتو انا نصحتك وحذرتك بعد دا انتي و ضميرك.

المساء علاء اتصل بي آمنه وقال ليها : بعد دا استعدي ..نحن حننفذ تمام ؟

قالت ليهو وفي وشها إبتسامة شيطانية : حاضر

عمار : حنييييين..ما يهمك .ربنا موجود وحقكم محفوظ..ان شاء الله المحتال دا حياخد جزاءو .

انحن ما عايزينك تحسي بي إنك ما ليك فايده عشان ما حتقدري تساهمي بالقروش وكده..اهم حاجه انك تدعمينا.

وزي ما انتي عارفه انو انتي أهم عضو لانك الفكرة صاحبة

منذر : قصدك صاحبة الفكرة

مي : منذر ياخ

منذر : مالك انتي كمان.

مي : يملك في الشطه

قلت ليهم هووي هووي سيبو العوارة

يلا انا استئذن منكم .

مي : خليييك يا حنو.الزمن بدري

كلهم قالو ما تمشي ياخ

قلت ليهم مصدعه والله .يلا نتلاقى بكرة..

طلعت والساعه كانت 12:34 مساء

ركبت لي أمجاد..وطول الطريق كنت سرحانه.

انا مغبونه عشان جوكر احتال على ابوي .وفرحانه في نفس الوقت فرحانه لي ماما مريم انها لقت ولدها. بس لكن للأسف الشر الفيهو يحرق بلد كامل ..اتن*دت مسسسسافه وتاني قلت : بس مهما حصل لازم المدرسه تتبني..ولازم الأطفال ديل يكملو تعليمهم ويدخلو أفضل الجامعات .

وصلت البيت ونزلت على مضض كنت خايفه ألاقيهو .

وانا داخله شفت في عمال بطلعو في العفشش حقنا .

شفت دولابي الحوب الما بغباني شايلنو .

صرخت في وشهم : انتو بتعملو في شنو !

رد لي واحد وقال : بننقل العفش لي غرفة تانية.

قلت ليهو : موديهو وييين "! والأداك الحق تنقل عفش..

قاطعني صوت جوكر : انا قلت ليهو..الغرفه الكانت #حقتك هسع حاليا بقت #حقتي

نقلو ليك عفش غرفتك في غرفة تانيه

طبعا اتغظت منو وقعدت أشاكل فيهو بسس ولا أشتغل بي

ومشى خلاني بشاكل وبقاني ملطشه قدام العمال.

لغاية لمحت لي واحد قعد يضحك قمت صريت ليهو وشي سكت طوالي

طلعت على غرفة ماما مريم عشان أشكي ليها.

ماما مريم وقت شافتني قالت وهي بتبكي: حبيبتي حنين شوفتي وليد رجع لي ! ولدي رجع لي يا حنين!

ما حبيت أضايقها عشان كده أبتسمت ليها وحضنتها : حمد الله على سلامتوو يا ماما..زي ما ربنا جمعك بيهو يا رب يجمعك بي وداد

مريم : يا جامع يا رقيب أجمعني بيها يارب

قلت : آميييين انتي كيف حبيبتي ؟

قالت لي كويسسسه ومبسسسوطه

فرحت ليها وقلت في نفسي : انا ما أكون انانيه..خلاص مصانعنا راحت يعني نعمل شنو غير نصبر

قمت منها ومشيت غرفة أمي لقيتها مقلوبه وعفشها متغير وهي قاعده في نص السرير بتبكي

من وقت دخلت قالت لي : وافقي يا بتي عليييك الله..انا ما بقدر أستحمل الزل والأهانات دي !

دموعي نزلو وما قلت ليها حاجه ..بس طلعت ومشيت ع الغرفه الكانت #حقتي قبل ما افتح الباب وليد جا طالع..

بعيدا عن غضبي منو ما شوفتوهو عامل كيييييف!

احيي يا قلبي الموفترري

واي انا لابسس فنيله بتروليه نص كم وقربت تنشرط من العضلات ياعينيي عليهو و لابس بنطلون جينز أسود..وماسك شعرو بي ورا والدقن حالقو حلاقه خفيييفه وكالعاده.نظارتو الرايبان السوداء

رفع لي حاجبو اليمين وقال بأستهزاء : خير؟ في حاجة؟

غمضت عيوني عشان سحرو ما يخليني أضعف وقلت ليهو ببرود جراح دماغ بريطاني : انت بتعمل كده في عيليتي لشنو ! عاوز تنتقم مني عشان كنت بتكبر عليك وقت كنت بتسوق العربي.

قاطعني : العربيه #حقتك صح ؟

بعدها ضحك ضحكه واي انا قطعت كبدتي

و واصل : اوووول شي انا ما بنزل مستواي عشان اقعد اتناقر مع أمثالك !

امسكو دي القصفه رقم 4

تانيا ودا الأهم ..الموضوع اكبر من اني انتقم عشان كنتي بتتكبري علي وقت كنت سواقك..الموضوع كلو بتعلق بالماضي..ماضي أهلي وأهلك

يلا انا ماش الشركه #حقتي اتأخرت الليله اول لي يوم على فكره

قلت ليهو متوقع مني أتمنى ليك يوم سعيد ولا شنو؟

ما رد لي ومشى..

حاولت أستفذوا وقلت ليهو : بتعمل كده عشان طمعان في القروش صح ؟ ههههه كان تقول بس وانا كنت بضمن ليك انو المصانع حتكون حقتك بس ما بالغدر والخيانة يا أستاذ .ما كان تغدر بي أبوي وتخون ثقتو

عملتك عملة الكلاب البتعضي اليد الأتمدت ليهاا.

هنا طوالي وقف ..وعمل خلف دور

قلت خلاص حيضربني ويعوقني يا حليلي بي راسي ورصاصتو

جا قال لي بهدوء : ابوك آخر واحد يتكلم عن الغدر.

يلا نضفي البيت كويس ورتبي الغرف انا ماشي وعايز أشوف البيت مرايه لمن أرجع

وطلع خلاني وااقفه زي الهبله !

الأوضاع في البيت كانت ماشه من سئ لي أسوء ..و وليد كل ما يلقى فرصه ببهدلنا ماما مريم حاولت معاهو انو يلين قلبو شويه بس راسو يابس.

سحب العربات من امي وابوي.. وسحب بطاقات الصراف..وحالتنا بقت بالبلا..شويه شويه امي رخت وبقت تشتغل في البيت

لانو طردهم من الشركه.

ابوي بطلع من الصباح وما برجع الا حداشر..

قايل بي عملتو دي حيهرب من واقعوا..ما كان عاوز يشوفنا بنتزله وبنتهان قدامو وهو ما قادر يعمل شيء .

لغاية جا اليوم الأتزليت فيهو انا وما بنساهو طول حياتي.

ابوي كان مافي طبعا وانا كنت ماشه الجامعه.

قلت لي امي عايزه المصروف بس ما كان عندها ولا تعريييفه

قالت لي وهي مدنقرة راسها : يا بتي ماعندي والله..وليد سحب مننا كل شي.

حتى دهبي واي حاجه بملكها راحت.

خلاص نحن اتدمرنا يا حنين.

وشفت دموعها وهي بتنقط مرة في ارضية السيراميك حق المطبخ .ومرة في الممسحه.

ما حسيت بي روحي الا وانا بببكي معاها .

امي واصلت وقالت : المفروض هو يسلمني راتب شهري على شغلي..حأمشي أجيب ليكي منو انتظريني

وهي طالعه كنت بناديها بصوت مخنوق انها ما تمش ليهو ..بس ما سمعت مني ومشت

مشت ليهو كان مع ماما مريم في غرفتها..

تهاني : سيد وليد الراتب اتأخر وانا محتاجه للقروش

عاين ليها بأستهزاء ورفع حاجبو وقال : بعدييين..انا مشغول هسع

تهاني بلعت ريقها بصعوبه و واصلت : عاوزه أدي حنين مصروف الجامعه عشان هي اتأخرت..ما بقدر أستنى لي بعدين.

انا اللحظه دي جيت داخله الغرفه وقت شافني قام على حيلو وقال : اووو مس حنين ماشه الجامعه ولة شنو ؟

كان بتفحصني ونظرات الأعجاب باينه في عيونو.

كنت لابسه عباية سودا انيقه وطرحه سوداء

وانتو عارفين العبايه في الناس الطوال روووعه

خاته مكياج خفيف و روج كبدي مايل للأ**د ما كنت بحب اتمكيج بس حالتي النفسيه فرضت علي كده..

ولابسه نضارتي طبعآ..

لويت خشمي وما رديت ليهو.

واصل : امك قالت انك عايزه مصروف الجامعه.

محتاجه كم ؟

ما رديت ليهو وانا قلبي متقطع وحاسه بي إهانه عجييييبه.

واصل وهو بطلع قروش من جزلانو : هاك يا حنين ومداها لي بطريقه مستفزه تعالي شيلييها .

ما عارفه ليييي انا غ*يه كده ومشيت أشيلا منو .

اتخيلو عمل شنو؟

❤❤❤

ابوي بي جاي كان مضغوط خالص..واتبهدل .

وما لقى شغل .

فكر كتييييير انو ينتحر..بس اتراجع عشاني انا وامي

اتذكر هو زمان عمل شنو .

وطوالي قام اتوجه على دآر العجزه والمسنين سأل المشرف عن واحد اسمو جابر..

وصفت ليهو مكانو و وقت مشى لقاهو قاااعد

جابر كان راجل سبعيني.ملامح وشو قاسيه نوعا ما..ضهرو منحني بي سبب عامل السنين.

كمال قعد مقاصد ليهو وقال ليهو : عم جابر اتذكرتني ؟

جابر رفع راسو وبعد مسسسسافه قال : كمال ؟

****

رمى لي القروش في الأرض وقال لي : دنقري شيليها

منظري كان آسسسف جداً وانا ماده يدي بقيت زي الشحاده وانا واقفه قداموا .

عاينت للقروش الفي الأرض وعاينت في وشو .وطوالي تفييييت ليهو في وشو..

وقلت ليهو : لو شلت منك فلس واحد يا جوكر ابقى ما حنين الكتيابي.

وانا طالعه قال لي : وليد وليد قسم السيد لو سمحتي

طلعت والغضب مالي قلبي..والدموع نازله كأنها مطر..وانا بقول : لو ما خليتك تركع قدامي أبقى ما حنين أبقى ما حنيييين يا جوكر !

***

كمال كان ماشي بي رجولو في الشارع والتوتر بادي على وشو..

وكان بقول : يا ربي يكون دا قسم السيد !

معقووله يكون عايش !

واتذكر كلام جابر بالحرف الواحد.

قال ليهو.: انا الغلط العملتو الله جآزاني بيهو في دنيتي .وزي ما شايف .اولادي رموني في دار العجزه والمسنين.

كمال : حصل شنو في الليله د*ك يا جابر؟ انت موش جيت وقلت لي وليد مآت ؟

جابر بكاء مسسسافه وكمال كان بتحسبن وبستغفر..لغاية جابر قال : الولد كان بقاوم فيني .قمت بديت أضربو وصوت صراخو للآن في أضاني..

بعدها صرخ صرخه عجييبه لانو وانا بضربو ضربتو في عينو.

بعد صرختو دي سكت وتاني ما قال شي.

وقت التفت وراي كان في راجل ..قعد يضرب فيني وبقول : دقست مع قسم السيد .انت كتلت ولدو

طبعا انا خفت لانو انا عارف انو قسم السيد ميت وطوالي أغمى علي

وقت صحيت لقيت نفسي في محلي ما اتوقعت القى نفسي حي زاتو..قمته وما لقيت وليد في المحل.

عشان كده جريت رجعت بيتي وشهور ما كنت قاعد اطلع منو .

وكلمتك انو مات

كمال رجع لي واقعو بعد اتعتر بي حجر .ومشى قعد في مسطبه وسرح في المصيبه اللهو فيها دي..

بس قرر انو لازم يعمل حاجه.

❤❤❤

#رشا_تحكي

الصباح بعد طارق مشى شغلو ورهف مشت المدرسه..

رشا نضفت البيت ومشت حممت نينه الصغيرة

آمنه قالت : اممممم رشا

رشا : ايوا يا عمتي

آمنه قالت في نفسها : عمى دباسه يا بعيدة بي سماحتك دي ..وابتسمت وقالت : اليوم طالعه ماشه السوق مع خالتك سعاد .

بس حابه اسوق نينه معاي حابه اشتري ليها حاجة .

رشا : طيب ما عندي مشكله..بعدين ما إلا تستأذني مني .هي حفيدتك في النهايه..

انا عايزه اتحمم .

آمنه لالا ما هسع .

طبعا رشا استغربت وقالت ليها : ليي ما اسي؟ في شنو ؟؟

آمنه صلحت كلامها وقالت : هههه قصدي ما هسه ماشه بيت سعاد اشوفها طلعت ولة لسع..خلي نينه معاك

بعدين انتي استحمي وقت نطلعو .

رشا استغربت بس قالت ليها حاضر

آمنه طلعت وخلت رشا بتحاول تسكت نينه البدت تبكيي

اتآخرت مع سعاد بحجة انها لقت مسلسل شغال قعدت تحضرو..لغاية جاها الاوكي من علاء وقالت لي سعاد : ارح بعد دا.

مشت شالت نينه من رشا وهي طوالي دخلت الحمام.

آمنه شالت تلفون رشا معاها

وهم طالعين خلت الباب مفتوح

سعاد كانت واقفاها برة قالت ليها :ماقفلتي الباب !؟

آمنه : اي اي ههه رشا طالعه هسي عايزه تودي القمامه برة عشان كده

سعاد : ايوااا

وطلعو و أجرو ليهم امجاد واتحركو..

علاء بي جاي لقى الباب مفتوح..طوالي دخل غرفة رشا ..

وطلع كل ملابسو وانجدع ف السرير ومسكل لي آمنه..

آمنه طوالي اتصلت على طارق بي رقم رشا ونينه ساعدتها لانها كانت بتبكيي

طارق فتح الخط وبس سامع صوت نينه بتبكيي.

قال : رشا رشا !

بس ماف رد

و الخط قفل.

بعد شويه اتصلت تاني.

والخط قفل طارق اتصل على رقم آمنه بس ابت ترد..واتصل واتصل وهي شايفه المكالمه..في الاخير قفلت التلفونين..كانت واثقه انو طارق حيقلق ..وقامت ابتسمت بخبث..**الخبيثه الشيطانه**

طارق قلبو آكلووو قال اكيد آمنه بتكون عملت حاجه لي رشا وطوالي قام طلع من الصيدلية و خلى فيها المساعد

وبسرعه اتوجه لي شقتهم وهو بحاول يتصل بس ماف رد .

الله يستر بسس.