Masakit na ang sikat ng araw. Pagod na pagod ang katawan ni Gennie. Para bang umakyat siya nang ilang milya sa bukid. Bumangon siya sa pagkakahiga. Naramdaman niyang basa ang likod niya ng pawis, pati noo niya. Pero mas mabuti na ang kaniyang pakiramdam at hindi na mainit ang katawan niya. Nakaramdam siya ng gutom.
“Hala, ano ba iyang nakasabit na plastik sa may bintana?” pagtataka niyang tanong sa kaniyang sarili.
Dagli niya itong kinuha. Nagulat siya nang makita ang isang malaking hamburger sa loob nito.
“Aba may naglanding yata ng hamburger dito. Ang sarap nito ah.” Bigla niyang naalala si Pat. Bago umalis ang mga ito ay nagbilin siya ng malaking burger.
Lumabas siya kaagad ng kwarto. Nagluluto na ang nanay niya ng kanilang agahan. Nilagang saging at mainit na tsokolate. Mula ito s
