Parang hilahin ni Pat ang mga araw para makauwi na siya sa kanilang probinsiya. Hindi siya mapakali kung ano na ang nangyayari sa kaniyang matalik na kaibigan. Kahit sa oras ng klase iba ang nasa isip niya.
“Ganito ba ang pakiramdam kapag mahal mo ang isang tao? Hindi ko maintindihan kung bakit ikaw lagi ang nasa isip ko Gennie…ang mga masasayang sandali na magkasama tayo ay lagi kong ninanamnam. Sana ikaw pa ring Gennie ang babalikan ko. Hayyy…bakit ba ikaw lagi kong naaaninag?” bulong ni Pat sa kaniyang sarili na nakapanglumbaba habang abala naman sa pagtuturo ang kanilang propesor.
“Patricio?”
“Hey Bro tinatawag ka ni Propesor, solve mo daw ang x and y sa algebra natin,“ tawag sa kaniya ni Aljon at tinapik pa ang balikat nito.
“H-ha? Eh…eh…hindi ko naintindihan Sir eh. Next time
