Alas tres na ng hapon. Nasa bantayan na ng bus sina Pat, Mang Greg, Nerio at Gennie. Magkatabi sa upuan ang magkaibigan. Mabigat ang loob ni Pat sa isiping aalis na siya at hindi na makakasama lagi si Gennie. Ganoon din ang nararamdaman ni Gennie para sa kaibigan.
“Mag-iingat ka roon Patricio ha, huwag pakalat-kalat kung saan-saan,” pilit na biro ni Gennie.
“Hindi naman ako nakikikalat Gen. Mabait yata ‘to,” agad namang sagot ni Pat.
“Oo na mabait ka ngang talaga…kung natutulog…” muling biro sa kaniya ni Gennie.
“Sa iyo lang naman kumakalat ang isip at puso ko eh,” pabulong na sabi ni Pat sa kaniyang sarili.
“Ano kamo?” tanong ni Gennie dahil narinig niyang parang may sinasabi si Pat ngunit hindi masyadong malinaw sa kaniya.
“Wala…sabi ko magpakabait ka rito. Susulatan kita Gen. Pala
