NAPAPANSIN ko ang pagiging iritable ni Yosef. Madali siyang mainis, at mabilis mawalan ng pasensiya. Nalaman niya pa na nalugi noon ang departamentong hinawakan niya sa kanilang kumpaniya. Hindi siya makapaniwala, and I cannot tell him na napabayaan niya iyon kahahabol noon sa akin.
“Ang sabi ng class president natin dati, next week daw ang reunion natin. I am not sure kung makakasama ako pero susubukan ko. Gusto kong makapag-unwind muna,” pahayag ni Faye. She sat across from me. Hinainan niya ako ng kaniyang home-made cookies.
“Ako rin, susubukan ko,” malumanay kong sabi.
“Ang lungkot naman niyang hitsura mo,” puna niya. “Simula ng dumating ka rito sa store ko ay hindi pa kita nakikitang ngumiti. May problema ka ba? Business o si Yosef?”
“May sumagi lang sa isip ko,” I said to her.
