مشيت شوية لحد ما لقيت أوضة على يمينى دخلتها لقيتها أوضة مبهرة أوضة فعلا فظيعة كان فيه سرير شبه صدفة اللؤلؤ المفتوحة لونه ذهبى وكان جنبة من الناحيتين كومود لونه ذهبى بردوا بشكل لؤلؤة وكان فيه كنبة وكرسيين عاديين بس لون الخشب ذهبى والقماش نبيتى ومكانش فيه دولا والجدران والسقف لونهم ذهبى فى نبيتى وكان فيه مراية كبيرة أطارها ذهبى لما قربت ألم الحاجة والخشب ... لقيت انه مش خشب أصلا ... و أن دا مش لون ... الأوضة كلها مصنوعة من ذهب .... كنت مبهور جدا بالأوضة دى ... أستنوا كدا فيه باب تانى جوا الأوضة ذهب بردوا ومنقوش عليه أشكال بالفضة ... تعالوا معايا نشوفوا فيه ايه وراه
دخلت الباب دا لقيت وراه كمية مجوهرات غير طبيعية كأنى فتحت مغارة على بابا سيبت كل دا وخرجت ومشيت خمس خطوات بالظبط ولقيت باب تانى على ايدى الشمال بس الباب دا كان مرعب بالنسبالى كان أ**د وعليه جمجمة بس مرسومة بشكل ورود متداخلة منظر
