Kabanata 18
Umiwas
"Joreen hindi ka talaga sasama?" mahinang sabi ko dito.
"May sakit ako, Ches. Masasaktan lang akong makita ang pool at kayo na maliligo." ngumuso pa siya sa akin at nag akto na parang umiiyak.
Napangiti nalang ako.
"Mao-O.P lang ako doon, Joreen eh. Wag nalang kaya akong sumama." ito ang problema ko ngayon.
Inimbitihan ako ng Kambal na sina Rent at Art sa birthday nila na gaganapin sa Stargate.
Libre na daw lahat. Kahit walang regalo.
Una, sinabihan ko ang dalawa na 'hindi ako makakasama' pero biglang pumasok sa eksena si Roe.
At alam na alam ko sa sarili ko na kapag siya ang pumipilit sa akin, hindi na ako makakahindi.
"Hindi pwede. Magtatampo iyon sa iyo." sabi niya. Naaawa talaga ako sa kaibigan ko. Sobrang tamlay niya. Dalawang araw na ang lagnat niya at hi
