Natigilan naman si Fernan sa mga sinabi ni Freya. Parang natauhan din siya bigla dahil sa dalawang malalakas na sampal na pinadapo nito sa kanyang pisngi.
Parang totoo ang mga sinasabi nito dahil galit na galit nga ito sa mga sinabi niya.
Pero sino bang maniniwala dito? Kitang-kita niya ang ebidensya, may marka pa nga ito ng kagat sa leeg at maging ang labi nito ay pumutok pa! Marahil sobrang kasabikan ng dalawa sa paghahalikan kaya pumutok ang labi nito, o baka nga kinagat pa ng hayop na iyon ang labi ni Freya.
At ngayon, dinadaan lamang siya sa galit ni Freya para makalusot ito sa ginawa. Sino bang maniniwala na pinagtangkaan ito ng hindi maganda ng lalaking iyon? Eh kitang-kita pa nga niya kanina ang madamdaming yakapan ng dalawa, hindi nga siya nakatiis kaya nilapitan na niya ito d
