ISABELLA
“Anak, bakit hindi mo muna kausapin si Esrael, paano ninyo maayos ang problema kung hindi kayo mag-uusap? Normal lang sa mag-asa ang pagsubok. Ngunit kung dito palang susuko na kayong dalawa paano na ang magiging anak niyo? Hija…mag-asawa kayo ni Esrael. At mahal na mahal kaya niya. Hindi ko sasabihin ito bilang ina niya. Ngunit naniniwala ako sa sinasabi niya na wala silang relasyon ni Laura.” Pangungumbinsi ni Mama. Nandito siya sa kuwarto ko upang dalhan ako ng pagkain. Matapos nang nangyari kanina sa opisina hindi ko alam kung saan ako pupunta kaya pinili kong puntahan ang libingan nila Inay, Itay at ng kapatid ko. Nalaman ko din kila Kikay at Ruffa na pinapahanap niya ako. At ayoko namang pag-alalahanin si Mama at papa kaya nagdesisyon akong umuwi na lamang. Dahil baka kung
