------
***Lhea's POV***
-
Nanatili akong nakaluhod sa tabi ni Elixir, pinagmamasdan siyang walang malay. Hindi ko talaga sinasadya ang nangyari sa kanya.Sa sobrang inis ko kanina, hindi ko napigilan ang sarili ko. Tuloy, nagamit ko ang kakayahan kong matagal nang hindi nagamit.
Bigla siyang gumalaw.
Napapitlag ako at mabilis na umatras, halos mapasandal na sa gilid ng kama. Dahan-dahang dumilat ang mga mata niya, pero halatang tulala pa siya at may kung anong iniisip. Napangiwi siya habang hinahaplos ang sentido niya, wari’y naguguluhan sa nangyari.
"Ano'ng nangyari…?" mahina niyang tanong, halatang hilo pa.
Nanatili akong tahimik, hindi sigurado kung paano ipapaliwanag ang nangyari—o kung dapat ko pa ba itong ipaliwanag.
Bigla siyang bumaling sa akin, bakas ang pagkalito sa kanya
