---------
***Stacey’s POV***
-
Dalawang araw na. Dalawang araw na hindi nagpapakita si Alexander. Pero nagpaalam naman siya—may aasikasuhin lang daw sandali. Wala siyang sinabi kung gaano katagal, at ayoko rin namang magtanong ng sobra. Pero sa totoo lang... hindi ko maintindihan ang sarili ko.
Aminado ako, namimiss ko siya.
Ewan ko nga ba. Ilang taon ko din naman siyang hindi nakita. Nakaya ko naman ‘yon. Pero ngayon? Ngayon na dalawang araw lang siyang hindi nagpaparamdam, bakit parang may kulang? Parang ang tahimik ng paligid, parang ang lawak ng flower shop ko kahit punong-puno ng bulaklak.
Mabuti na lang talaga at busy ako ngayon. May delivery kami kaninang umaga, may wedding arrangement akong tinapos, at ngayon naman, may inaayos pa akong bouquet para sa isang anniversary clien
