-------
***Lhea's POV***
-
Pinigilan ko ang pagpatak ng luha habang naglalakad palabas ng opisina ni Elixir. Mahigpit kong kinokontrol ang dibdib kong tila sasabog na sa sakit. Pero hindi. Hindi sila karapat-dapat. Hindi sila worth it para pag-aksayahan ng kahit isang patak ng luha ko.
Wala silang kwenta.
Huminga ako nang malalim paglabas ng pinto. Tuwid ang likod, taas ang noo. Walang makakakita ng pagkawasak ko. Hinding-hindi mangyayari 'yon.
Fine, bulong ko sa sarili habang naglalakad palayo. Pagbibigyan ko sila. Hayaan si Megan sa kanyang ilusyon. Hayaan siyang angkinin ang gawa ko. Hayaan siyang magkunwaring siya ang may utak sa likod ng proposal na pinaghirapan kong gawin.
Sila ang pumili nito. Si Elixir ang pumili ng landas na 'to.
Kung ano man ang maging bunga ng kasinungal
