-----
***Lhea's POV***
-
Ayaw ko pa sanang umalis ng isla.
May bahagi pa rin sa akin na gustong manatili. Parang may kung anong humihila sa akin pabalik—hindi dahil sa katahimikan at ganda ng lugar, kundi dahil may isang batang naiwan sa isip ko. Si Joyce—ang batang minsan ko nang nailigtas sa isang operasyon laban sa child trafficking. Imbes na dalhin siya sa ampunan, dito siya dinala sa isla para maalagaan. May kondisyon kasi siya sa dugo, kaya’t sa ospital ng isla siya ipinagamot.
Malaki ang ospital sa sila, at kinikilala ito bilang isa sa pinakamagagaling sa bansa. Hindi naman nakakagulat—dito rin kasi ginagamot ang mga miyembro ng Saavedra Empire kapag may nangyayaring masama sa kanila. Kumpleto ang pasilidad at eksperto ang mga doktor.
Mahina ang katawan ng bata. Araw-araw siya
