“CAN WE talk?” tanong ni Laureen kay Raphael. Nasa loob sila ng study room.
“No,” malamig na tugon nito habang nakatingin sa mga papeles sa harap nito na kanina pa nito pinagkakaabalahan.
“Please, Raphael?”
“Can’t you see I’m busy?” naiiritang sabi nito. Inalis nito ang salamin nito sa mga mata at tumingin sa kanya.
“You can’t avoid me forever.” Alam niyang sinasadya nitong mag-uwi ng maraming trabaho sa bahay upang hindi niya ito maistorbo. Nitong mga huling araw ay sinisikap niyang kausapin uli ito tungkol sa annulment ngunit halatang iniiwasan siya nito.
Naiiritang bumuntong-hininga ito. “Kailan mo mare-realize na kalokohan ang gusto mong mangyari, Laureen? Iniisip mo pa ba ang magiging kalagayan ng anak natin? Ang sabi mo, nagpakasal ka sa akin dahil kay Sean, at hindi dahil gusto
