Hindi kami magkaibigan. Pero pakiramdam ko ito iyong silent angel ko na palaging nag-o-obserba sa akin at dumarating kapag kailangan ko.
Iyon nga lang, palagi itong wala sa tuwing nabu-bully ako.
Hindi naman nito obligasyon na bantayan ako.
Pero syempre napapagod din akong magtimpi.
Sinamahan ko si Maya sa Cafeteria. Maayos naman ang araw na ito, pwera na lang no'ng sunod-sunod na tumama sa amin ni Maya ang itlog na waring hinanda talaga ng mga ka-schoolmate namin para sa pagpasok namin.
Pareho kaming naitulos sa kinatatayuan namin ni Maya. May tumama pa nga sa gilid ng labi ko dahilan para masugatan iyon.
Shit! May party pa naman sa bahay ni Mayor bukas.
Iyak na ng iyak si Maya. Nang magtama ang tingin namin ni Samantha ay waring hinahamon ako nitong lumaban dito.
"Ano ban
