حق مجهول

الفصل الثاني

بسم الله الرحمن الرحيم

حق مجهول

الفصل الثاني

رجع للبيت و هو عمال يصفر بطريقه موسيقيه و مبسوط جدا فتح باب شقته و كان الدنيا ضلمه ولع النور كان اخوه قاعد اودامه فاتخض :

اي يا عبيد جو الرعب دي المصارعة قوة قلبك و لا اي !

اتن*د جامد و كان داخل بس عبيد نداله :

زيد تعالي عايزك في كلمتين

لفله و اتكلم بهجوم :

انا فاهم ليه الحركات دي من الاول اسمع يا زيد انا حوار التمثيل ده مش هشيله من دماغي ده شغفي و مش هتخلي عنه .

لسه عبيد قاعد زي ما هو فرد بثبات :

كويس انك عارف و ده ان دل يدل انك عارف بردو ان ده غلط .

- لا مش غلط و صح جدا زي ما انت بتروح تض*ب في ناس و تاخد فلوس انا كمان بحب امثل ... انا عارفك و فاهم انت عايز اي و لاخر مره يا عبيد تكلمني في الحوار ده .

اتعصب جامد و مش فاهم ليه بس هو عرف انه ضايق اخوه بتشبيه ده بس ما كنش يقصد كان هيدخل اوضته ، عبيد وقفه برغم انه اضايق :

بابا و ماما اكيد زعلانين عليك .

- يووووه انا نازل .

و بالفعل نزل و ماداش للنقاش ده حقه برغم انهم توأم بس شتان عبيد هادي و رزين و زيد عصبي و طايش واحد عارف مصلاحته و التاني بيجري وراء و هم بس مين عالم يمكن الوهم يبقي حقيقه .

رجع عبيد ضهره لوره ووبص ع الباب بتفكير وما تكلمش .

دخلت بسرعه و كعادتها بتغني و بتتحرك زي الفراشه بالظبط

صوت رجولي بينادلها و غالبا ابوها :

ينفع الاميره تدخل كده من غير ما تسلم

كان قاعد في ركن من اركان للقصر الكبير التابع لعائلة النجار

- باابييي احلي واحد في الدنيا

جريت عليه و حضنته جامد و هو ضحك و قالها :

يا بكاااشه

- والله ابدا ده انا حتي بحبك قد البحر و سمكاته .

ضحك مره تانيه و هي بعدت و قعدت جمبه و اتكلمت بمشا**ه :

كويس اني لقيتك عشان اقولك علي موضوع مهمممم جدا جدا جدا

- ممم و يا تري بقي اي الموضوع المهم جدا جدا جدا ده .

- بص يا بابتي يا حبيبي انت دلوقتي الواحد بقي مهم كدهون يعني و مطالب ببطوله هتتلعب بره القاهرة .

قالتها بدلع و بمحلسه عشان يوافق اما صاحب الشعر الابيض و باين جدا انه في الخمسينات بصلها بغضب و رد :

و من امتي بتسافري لوحدك ؟

- يا بابا مش هبقي لوحدي صدقني كل الفرقه طالعه .

- لا يا سدرة مش هيحصل

- ط طب بص اي رأيك الحرس يبقوا معايا كالعاده يعني و اهوه تطمن يا باااااابي دول هما 3ايام بس والله .

كان هيتكلم تاني بس هي عرفت تخليه يوافق بكلمتها دي :

و حياة مامي عندك .

بصلها بحزن و رد :

الله يرحمها

كان متردد في الموافقه بس هز راسه بنعم و من بعدها هي حضنته جامد بفرحه :

ما فيش اب في حياتي زيك بحببببك .

اما هو فضحك جامد علي كلمتها .

كان واقف بهيبته و طوله الي زايده وسامه ، هو قمحاوي بس عيونه غريبه جدا زيتونيه تجذب و شعره الي كان مخلط مش عارفين هو الخصل الي في نص السواد ده كله هو الي عاملها و لا هي ربانيه .

كان لابس قميص ابيض و بنطلون اسود لانه كان لسه راجع من الشغل بس هو ما ستناش كتير لحد ما صحبه وصل :

بتهزر يا عبيد اتأخرت يا جدع الساعه 10

- يا عز خلاص بقي الي حصل المهم تعالي يلا نتمشي لاني مخنوق اساسا .

بصله عز بيحاول يفهم منه الي حصل و كأنه استنتج :

بردو زيد ؟ !

نزل عيونه فالارض و بعدين بصله تاني فعز كمل :

و لا قصدك سدرة ؟

بعد تنهيده رد :

الاتنين .

الساعه بقت 12 و هي لايصه لوحدها عماله تتصل باخوها بس فونه مقفول ، لبست بسرعه جلابيه سوداء و حجاب من نفس اللون باهمال و الاسود هنا بين جمال عيووها و بشرتها البيضاء :

ماما اهدي و ما تتكلميش انا نازله اجيب الدواء او اي دكتور .

اتكلمت والدتها الي كانت في السرير عماله تاخد في نفسها :

م مكه بسرعه .

و اول ماقالت كده كانت مكه في الشارع ، هي مش مدركه الوقت بس كان عليها انها تنقذ امها .

نزلت لقت الصيدليه الي تحتها قافله اضطرت تروح لواحده تانيه تبعد عنها 10 دقايق مثلا .

لمحت واحد واقف في الشارع و كان ضلمه شويه بس هي اتجرأت و كملت اهم حاجه امها ، حاسه انه بيمشي وراها بس ما اهتمتش بردو

حست ان الشخص الي وراها بقي معاه حد كمان او ممكن اتنين ، سرعت خطوتها لحد ما في اتنين اعترضوا طريقها فبتلقائيه رجعت لوراء

حاولت تتخطاهم و تمشي يمين واحد وقف اودامها ، عملت كده الناحيه التانيه و رد الفعل كان هو هو

قررت ترجع مكان ما جت بس للاسف اول ما لفت لقت نفسها محاصره من 5 و مش بس اتنين و لا تلاته

بصتلهم بخوف و اتكلمت بسرعه :

من فضلكوا عايزه الحق ماما تعبانه و مش قادره تاخد نفسها

واحد قرب خطوه ورد عليها :

و لا احنا والله ما تنقذينا معاها

بصت حواليها و مش عارفه تعمل اي بس هي بدأت تصرخ و قبل ما تكمل صرختها كان الي وراها كاتم نفسها و هي ابتدت تعافر عشان تشيل ايده :

انتي يا بت لو نطقتي هنقتلك ، تعالي معانا من سكات مش هتتأذي .

هزت رأسها بسرعه انها موافقه فبدا يسبها و اول ما سبها لقي حد بيض*به من وراء خلاه يقع في الارض

بصت بسرعه وراها لقت زيد و بحركه تلقائيه جريت و وقفت وراه اما هما فبعد الي عمله مع صاحبهم ده قرروا ينتقموا فحاصروه هو كمان ، اما زيد فكان بيترقب خطواتهم بثبات و في نفس الوقت خايف عليها و هي بتلقائيه بعد الالتفاف الي حصل ده مسكت في التي شيرت بتاعه بسرعه ، فمافيش مفر

الخطر حوليهم بيدور مافيش منقذ لأما يتشابك معاهم او يفضل اودامها حاميها أما هي فبصوت عالي و رعشة أتكلمت :

زيد ! زيد ماما تعبانه اوي والنبي عايزه أجبلها الدواء بسرعة .

و هنا كان عليه يشغل دماغه ، و كأن ربنا سمع منه و نداء أخوه ليه خلي الكل يبصله .

بس ما كنش لوحده كان معاه عز الي رجعوا و شافوا المنظر ده فمكه اول ما شافت اخوها ندهتله :

عزز !

عز اتفاجأ جدا و زيد استغل ان كلهم بصوا لعز وعبيد و زقها عشان تجري و فعلا عملت كده و كان واحد هيجري وراها لكن عبيد شنكله و من هنا بدأت المعركه الي كان الفريق الفايز فيعا هما الثلاثي الاقوي .

لما لقوا نفسهم مهزومين انسحبوا جري و هنا بص عز لزيد بشك .

و طبعا البصه دي ما كنتش واضحه له هو بس لا و لتوأمه بردو .

مكه و عبيد في صدمه ، زيد و سدرة في ضياع اما عز فدخولها لحياته هيولدله كوارث ، ايه الي هيساناهم تابعوني

تيسير محمد