KADENA
Ang Kadena ay isang kathang-isip lamang. Mga pangalan, karakter, organisasyon, lugar, o pangyayari ay gawa lamang ng isip ng may- akda. Kahit anong pagkakahawig sa isang tunay na tao o insidente, patay man o hindi, ay nagkakataon lamang.
Ang istoryang ito ay maaaring makaaapekto sa mga taong nakaranas ng isang trauma o depresyon, kaya kung kayo ay sensitibo, minumungkahi kong huwag na kayong magbasa para sa ikabubuti ng inyong mental na kalusugan. Sa mga balak magpatuloy kahit nabasa na ang munting babala ko, sana'y may matutunan kayo sa istoryang ito.
_________
Y los siete pecadores están destinados a ser uno.
Kadena
Lahat tayo ay may kadenang nakapulupot sa ating mga kaluluwa. Kinukulong nito ang tunay na kaligayahan sa pinakamadilim na parte ng ating pagkatao. Kaya kahit walang mabigat na rason, kusa tayong nakakaramdam ng kalungkutan. Kahit nasa atin na ang lahat ng rason upang makontento, hindi natin maiwasang maramdaman na may kulang sa ating mga puso.
Ngunit ang kadenang kumukulong kay Adelaida ay isang sumpa na humahadlang sa kaniyang kalayaang mamatay. Isang parusa sa isang mabigat na kasalanang hindi kailanman mapapatawad ng kalangitan. Buong akala niya'y ito na ang pinakamabigat na mangyayari sa kaniya, ngunit paglalaruan ulit siya ng tadhana.
____