Nakayuko lang ako matapos maisugod ni Dianne sa emergency room. Paulit-ulit na nag-fa-flashback sa isip ko ang nangyari kanina. Nakaramdam din ako ng inis at galit sa sarili ko. Masyado akong naging pabaya. Pinahamak ko pa siya. Kung nakinig lang sana ako sa kaniya hindi mangyayari ang lahat ng ito.
"Brea." Mahinang tawag sa akin ng kung sino man.
Inangat ko ang aking ulo. Nakita ko si Maddie kasama si Marga.
‘Di ko alam pero automatic na lumandas sa pisngi ko ulit ang mga luhang kumawala na naman sa aking mga mata. Habang lulan kami ng ambulansya kanina ni Dianne, umiiyak na ako.
"A-Ang s-sakit. Kasalanan ko ‘to." Habang humahagolgol na.
"Shhh! ‘Di mo kasalanan ‘yon, Brea. Hindi!" Sabay yakap niya sa akin.
Umiling ako at paulit-ulit sinasabi ang salitang kasalanan
