Napatitig si Apple kay Aiden na seryosong nakatingin sa kanya ngayon. Teka, tama ba ‘yong narinig niya? Ang bilis na ng t***k ng puso niya. Para na nga itong lalabas sa sobrang bilis. Kinakabahan siya at nanginginig din ang kamay niya. Hindi niya alam kung napapansin ba ng binata ang panginginig ng kamay niya dahil bahagyang gumagalaw ang hawak niyang magazine.
Mas lalo siyang hindi mapakali dahil titig na titig sa kanya ang binata. Parang kung may ano sa puwet niya at hindi siya mapakali sa kinauupuan.
Napalunok siya at pilit na ngumiti dito. “M-magandang banat ‘yon, Aiden, ah.”
“What?”
Umiwas siya nang tingin dito saka tumingin sa magazine na hawak. “Hindi ko alam kung kikiligin ba ako o kikilabutan sa banat mo.” Mahina siyang tumawa. Hindi niya alam kung napansin ba ng binata na pi
