Nakangiwing nakatigin si Apple sa mga couple na nakikita niya sa mall habang sweet ang mga ito. May ilan na tumatawa, nagho-holding hands while walking sweetly, nagsusubuan ng pagkain. Mas lalo siyang napangiwi nang may makita siyang lalaki na bigla na lang hinalikan sa pisngi ang isang babae—nobya nito—dahilan para mamula ito sa hiya. Mahina nitong hinampas sa braso ang lalaki habang tumatawa naman ang lalaki. Pinisil nito ang pisngi ng babae dahilan para mapayuko ito at mas mahiya.
“Tss! Maghihiwalay din kayo,” nakangiwi niyang sabi saka inalis dito ang tingin.
“Bakit parang may naaamoy akong bitterness dito?” Tumawa si Dylan saka naupo sa tabi niya. Ibinigay nito sa kanya ang binili nitong kwek-kwek.
Umikot ang mga mata niya. “Totoo naman kasi. Maghihiwalay din sila. Hindi man ngayon
