Pumasok sa kwarto si Apple saka pabagsak na nahiga sa kama niya. Gabi na at oras na ng pahinga nila. Nagpapasalamat siya dahil makakapagpahinga na din siya
“Parang pagod na pagod ka, ah,” sabi ni Yna na nasa kabilang kama at sinusuklay ang mahaba nitong buhok.
Napabuntong-hininga siya at napatingin dito. Gustong-gusto niya talaga ang mahaba at matuwid na buhok ni Yna. Natural lang ito at ni minsan ay hindi nakatikim ng medisina sa mga parlor. Natural at simpleng babae lang naman kasi si Yna. Walang kaarte-arte sa katawan. May pagkamasungit nga lang pagdating sa trabaho pero all in all ay mabait ito at maasahan na kaibigan.
“Mabuti na lang at ayos na kayo ni Sir Aiden. Bumalik na kayo sa pagiging sweet,” kinikilig nitong sabi.
Napanguso siya dahil ito lang ang kinikilig para sa kanila
