Naghahanda na si Apple para sa magaganap na event mamaya. Nagbibihis na siya at napatingin sa salamin saka napangiti. Si Aiden mismo ang pumili ng damit na susuotin niya. Hanggang ngayon ay alam pa rin ng binata ang taste niya pagdating sa damit. Simpleng dress at hindi masyadong revealing ang pinili nito kaya naman komportable siya na suotin ito.
Naglagay na din siya ng kaunting make up para naman kahit papaano ay gumanda siya. Katatapos niya lang sa paghahanda nang may kumatok sa pinto. Agad niyang kinuha ang bag at nagmamadaling pinagbuksan ito. Alam niyang si Aiden ito dahil sinabi ng binata sa kanya na susunduin siya nito.
Napangiti siya nang makita ang gwapo nitong mukha. Napatingin siya sa kulay gray nitong tuxedo, kaya naman pala ito ang nagpumilit na ito ang bahala sa damit na
