“Oh, look who’s here?” Napatingin si Apple sa pinanggagalingan ng boses. “The ex is here.” Nakita niya si Paula na papasakay din ng elevator. Ngayon ay magkasabay na sila sa loob ng elevator.
Kahit matagal na niyang hindi ito nakita ay hindi niya pa din naman nakakalimutan ang pangalan nito. Ito lang naman ang babae na hindi niya alam kung anong nagawa niyang mali at parang ang laki ng galit nito sa kanya. Hindi man nito diretsong sabihin ay alam niyang ayaw nito sa kanya. Sa galaw at pananalita pa lang nito sa kanya ay alam na niya. Kahit maldita ito sa kanya ay nagpapasalamat pa din siya dito dahil kung hindi dito ay hindi niya malalaman ang nangyayari kay Aiden noon. Baka hanggang ngayon ay nililihim pa din ng binata ang tungkol kay Agatha.
“Good morning, Paula,” nakangiti niyang bat
