“Apple!” Mas pinalakas pa ni Aiden ang boses niya dahil kanina pa niya tinatawag si Apple pero parang wala ito sa sarili at hindi siya naririnig.
“Ha?” Gulat itong napatingin sa kanya. “Ano nga ulit ang sinasabi mo?”
Napasapo siya sa noo saka napabuntong-hininga. Hinawakan niya ang kamay nito at tiningnan ito nang nag-aalala. “Ayos ka lang ba? Parang ang lalim ng iniisip mo. May problema ka ba? Hindi ba maganda ang pakiramdam mo? Tell me. I’m worried about you, Baby Girl,” sunod-sunod niyang tanong dito.
Nandito sila sa opisina niya ngayon at sabay na kumakain. Hindi niya maiwasan na hindi mag-alala dito dahil parang balisa ito at hindi mapakali simula nang dumating ito kanina. Ni hindi nga ito masyadong kumain, hindi gaya noon. Halos hindi nito nagalaw ang pagkain nito sa pinggan. Mara
