Ilang araw ng hindi nagkikita sina Aiden at Apple. Halos hindi na din kasi umuuwi ang binata dahil lagi itong nakaabang kay Agatha, lalo na ngayon na schedule ng chemotherapy nito. Miss na miss na niya ang binata pero wala siyang karapatan na magreklamo dahil ito ang ginusto niya. Ito ang naging desisyon niya kaya kailangan niyang panindigan. Kahit gusto niyang makita o makausap ang binata ay pinigilan niya ang sarili dahil alam niyang pareho lang silang masasaktan.
Kahit gusto niyang maging makasarili at huwag ipahiram ang binata sa dalaga ay hindi naman kaya ng konsensya niya. Kapag naging makasarili siya ay hindi magpapaopera ang dalaga. Kapag may nangyaring masama dito ay pakiramdam niya ay kasalanan niya. At kung saka-sakaling mamatay ito ay pakiramdam niya ay siya mismo ang kumitil
