Binuksan ni Aiden ang pinto ng kwarto nila ni Apple. Inilapag niya ang mga dalang bag sa sofa. Wala na siyang nagawa ng sabihin ng receptionist na wala ng bakanteng kwarto dahil bakasyon ngayon at maraming tao na nagpa-booking. Pumayag na din naman si Apple na sa iisa silang kwarto.
“Pwede bang maki-shower muna ako?” tanong sa kanya ni Apple. “Medyo malagkit kasi ang pakiramdam ko.”
“Yeah, sure.”
Tumalikod siya saka lumabas ng veranda. Hinintay niya na makapasok si Apple sa banyo bago niya nilabas sa bulsa ang kanyang cellphone saka tinawagan ang magaling niyang kaibigan na pinapatay na niya sa kanyang isip.
Dalawang ring lang at sinagot na nito ang tawag. “What’s up, Dude—”
“F*ck you, Dewis!” mahina niyang sigaw dito. Gusto man niyang sigawan ito ng malakas ay hindi niya magawa. Ba
