Abala sa pagluluto ng pagkain si Christine nang dumating si Veronica. Pumasok ito sa kusina saka dumiretso sa refrigerator at kinuha ang bote ng orange juice. Sumilay ang nakakalokong ngiti sa labi niya nang tingnan niya si Christine.
“Tingnan mo nga naman, may isip ka rin pala kahit papaano,” nangingiting sambit ni Veronica kay Christine.
Hininaan ni Christine ang apoy ng kalan na pinaglulutuan niya at tumingin kay Veronica. Tinaasan niya ito ng kilay.
“Pinagsasabi mo diyan?” tanong niya.
“Well, naisipan mo kasi na patirahin dito sa mansyon si Matthew,” wika ni Veronica habang nagsasalin ng orange juice sa kinuha nitong baso sa dish rack.
“Ahhh… ‘yun ba?” Nag-smirk si Christine. “So, natutuwa ka naman?” tanong pa niya.
“Of course! Tuwang-tuwa,” napapangiting sambit ni Veronica saka
