“May relasyon ba kayo ni Sir Alcantara?”
Nanlaki ang mga mata ni Christine sa gulat sa tanong na iyon kaya nilingon niya si Debbie na nakaupo sa upuan na katabi lamang ng inuupuan niya. Sila na lamang dalawa ang nasa loob ng classroom dahil nauna ng lumabas ang iba pa nilang mga kaklase. Kakatapos lamang ng klase nila sa isang subject.
Maganda si Debbie pero hindi iyong tipong ubod ng ganda. Maputi ang kutis at sexy ang pangangatawan. Biniyayaan rin ito ng tangkad na bihira lamang sa isang tipikal na babaeng pinoy makita.
“Relasyon?” nagtatakang tanong ni Christine.
“Oo. Commitment, unawaan, relasyon,” madiin na sambit ni Debbie habang nakataas pa ang kanang kilay nito.
Kumunot ang noo ni Christine. “Bakit mo naman naitanong ‘yan?” pagtatanong niya.
Nagkibit-balikat si Debbie. “Wala
