NAGPUPUYOS ang loob ni Amanda na halos itapon na siya ng mga guard ng restaurant palabas! Pinagtitinginan na rin siya ng mga tao at pinagtatawanan! Hiyang-hiya ito sa inabot. Akala pa naman niya ay magkakaayos na sila ni Radson. Na mapapaikot niya ulit ito sa palad niya. Pero heto at mas masakit pa ang sampal ng katotohanan sa kanya ni Radson, kaysa sa sampal na natamo niya mula sa ina nito noong nakaraan!
“Magdiwang ka ngayon, Thalia. Pero sisiguraduhin kong luluha ka ng dugo at luluhod sa harapan ko sa oras na bumalik si Radson sa akin.” Usal niya na naniningkit ang mga matang nakatitig sa loob ng restaurant.
Tinted glass kasi ang restaurant. Kaya hindi na niya makita sa loob kung nasaan sina Radson at Thalia doon. Pero siya, kitang-kita nila Thalia at Radson mula sa loob. Napailing
