"TAO po! Tao po!" Itinigil ko ang paghuhugas ng pinggan nang makarinig ako ng katok at taong sumisigaw sa labas ng pinto. Nagpunas ako ng kamay at pumunta roon para pagbuksan kung sino man ito.
Bumungad sa akin ang isang matandang lalaki. Nakasuot ito ng salamin habang bitbit ang isang attache case sa kaliwang kamay.
"Magandang umaga. Sino ho sila?" Magalang na tanong ko rito.
"Magandang umaga rin sayo hijo," anito at inilahad sa akin ang bakanteng kamay. "Ako nga pala si Attorney Constantin Rumualdez." Pakilala nito.
Hindi ko alam kung bakit bigla akong kinabahan. Sa huli ay inabot ko ang kamay ng matanda. Ngumiti ito. Isang genuine na ngiti kaya naging kampante ako at pinapasok ito sa maliit kong bahay.
"Ano hong sadya niyo sa akin Attorney?" Tanong ko rito matapos ilapag sa har
