Chapter 29
Mabilis lamang na lumipas ang mga araw sa kastilyo ng verthron. Habang naroon si Robin ay pinag-aralan niya ang nakaraan ng kanilang pamilya. Tinuturuan rin siya ni Maxis ng iba’t-ibang klase ng mga mahika at si Marliya naman ay nakagabay palagi sa kaniyang kalusugan. Hindi niya halos namalayan ang paglaki ng kaniyang tiyan at kahit sina Zavia na kasama niya sa kastilyo ay nabigla nang isang umaga ay makita ng mga ito ang lumaking umbok sa kaniyang sinapupunan.
Hindi naman niya maitago ang kaniyang saya, nang sabihin ni Marliya na malapit na siyang manganak ay inihanda nila kaagad ang lahat. Ngunit isa sa hindi niya inaasahan ay ang panghihina niya.
“Kumain ka pa kaya? Kakaunti lang iyong mga nakain mo,” sambit ni Sayah sa kaniya.
Umiling lamang siya, hindi niya gusto ang am
