Chapter 25
“Dito ka lang, kukuhanin ko lang iyong medicine kit.”
Tumango siya kay Dravis. Naiwan siyang mag-isa sa may silid na pinagdalhan nito sa kaniya. Hindi naman mawala sa isipan niya ang mga sinabi ng prinsipe kanina. Ayaw niyang paasahin ang sarili pero nang marinig niya ang mga salitang binitawan nito ay nakaramdam siya ng kahit kaunting pag-asa.
Sana nga, sana ay bumalik sa kaniya si Alex. Sana maaalala nito ang pinakangako nila sa isa’t-isa. Masakit na makita ito na kasama si Hermiliah. Kanina lamang ay hindi niya matingnan ang dalawa alam niya kasi na masasaktan lang siya pag nakitang magkalapit ang mga ito. Kung sana lang din ay nalaman niya na pupunta ang mga ito sa lugar ng lecius ay hindi na sana siya sumama.
Iniiwasan niya na mag-isip tungkol kay Alex lalo pa at nalama
