Chapter 24
“A-Ano ba ang ginagawa mo?”
Nakatingin siya ngayon kay Dravis at sinusubukan niya na kuhanin ang kamay niya na hawak nito. Nang lumingon siya sa kaniyang kapatid upang humingi ng tulong ay nakita niyang hinilot nito ang sintido at lumapit sa kanila.
“She doesn’t feel good, Dravis. Bitiwan mo na ang kamay niya,” sambit ni Hexus.
Hindi niya alam kung ano ang iniisip ng prinsipe ng lecius. Nang marinig niya ang pagtawa ng hari ay napatingin siya rito. Nakatingin ito sa kaniya at nakangiti, mukhang hindi manlang ito nahihiya sa inaakto ng anak nito.
O mas magandang sabihin na sanay na ito sa ganoong ugali ng anak?
“Dravis, mamaya natin pag-usapan ang tungkol dito. Sa ngayon ay kumain na muna tayo at nakakahiya sa ating bisita. Narito rin ang hari ng mga bampira at ang kaniy
