Chapter 38
“Kung may mararamdaman ka na kakaiba sa paligid ay sabihin mo lang sa akin, ha? Nasa kampo tayo ng kalaban, at alam natin kung gaano katuso ang babaeng bampira na iyon.”
Tango lamang ang isinagot niya kay Sayah. Si Sayah, Maxis at Hexus lamang ang kaniyang kasama ng gabing iyon. Ang suot niya ay kulay ginto na gown na pinaresan niya ng kulay ginto rin na maskara. Mga mata lamang niya ang natatakpan sa maskarang suot niya. Ang kasuotan na iyon ang parang noong 18th century na mga gown pa. Si Sayah naman ay nakasuot ng kulay green na gown.
Kasama rin niya si Callia, nasa loob niya ito at nakakausap gamit ang isipan, sinabi nito na delikado ang lugar na pupuntahan niya kaya’t kailangan niyang mag-ingat. Makakatulong rin si Callia sa kaniya upang matukoy ang lugar kung may pap
