Chapter 20
“Nasaan si Callie?”
Iyon ang narinig ni Robin nang makita nila ang kaniyang kapatid na kausap ang isang kawal. Kababalik lamang nila sa loob ng kastilyo. Nang makatulog si Hendrix ay nagpasya na si Zavia na bumalik sila.
Bago sumagot ang kawal ay napansin na siya nito kaagad at yumuko sa kaniya. Dumako naman ang paningin ng kaniyang kapatid sa kaniya at nang makita siya nito ay ngumiti siya kaagad. Naglakas siya palapit dito.
“Bakit mo ako hinahanap, kuya?” tanong niya.
Kinuha ni Hexus ang kaniyang kamay, “Dumating na ang kapatid ni Maxis, hindi ba at nabanggit namin sa iyo na siya ang magiging kasama mo? Siya ang titingin sa kalagayan mo hanggang sa makapanganak ka.”
Natatandaan ni Robin ang pangalan ng kapatid ni Maxis. Nang malaman niya na buhay ang anak niya ay sinabi
