اوغاد بشرية

الفصل الثامن

لما يرافقك الوجع لمدة طويلة ،، تصير هش تصير الاشياء التافهة قادرة تئذيك وتجرحك ،، وتصير ت**رك ابسط لأشياء حتى لو كانت " كلمة " …

هزيتله راسي بـ اي كلي يله روحي البسي عبايتج وامشي …رحت بسرعة لبسته صعدت بلسيارة ويه هو هادئ ميحجي خلاه السياره وكفه كال انزلي

-خوش انت تبقه هنا اسوك واجي …

-شنو كاعده تحلمين طبعااا اجي وياج داانزلي ولله اذ صفنتي لو طلعتي

الغباء البراسج اكتلج

باوعتله صفح ونزلت هو يمشي سريع حتئ مالحك عليه اندار عليه اامشي يلله شكد فااهيه لخاطر دينج

-انت علئ كيف امشي انتظرني اوكف خلي نشتري منا …اخذت جيس جنت استنكي طماطة وهو واكف ورايه كملت انطيت مديت ايدي انطيت الجيس الولد لزم ايدي فلتته منه يباوع عليه بس الحمدلله امان مانتبه …

امان لزم خياره طويلة جانت -تاخذين خيار ؟؟

-اي اريد جبت جيس بقه هو يستنكي ويايه كلساع يطلعلي وحده سمينة كولش وارجعه لو يطلعلي خاايسة يكلي حرمات تخرب اذ تبقه

-اااامان غيرر خايسه شاخذه شبيك؟

-اي مو يخسر بيه اخذيه …هسه حتئ الخيار صار خايس دسووكي بسرعة

هو كل من وره اتاخرت انطيت الخيار هم لزمني حاولت افلت ايدي ماكدرت هلمره امان انتبه بسرعة اجه يمي …وكف ابتسم للولد- عوفهن الك ماريد يله امشي…

رحت امشي ويه -ليش لوو ماخذهن هسه هم لازم نرجع نستنكي

لو ماخذهن وفاضه

-اسكتي عيب مره تحجي بلسوك حتئ هاي اعلمج

سكتت رحت استنكيت هو اخذ علاكة مني شافه ولد صغير كال شتردين اخذي واني اخذني واهس ماكو شي ماخذته …كتله اخذ علاكة اسوك بيتجان

اخذ علاكه ويستنكي اباوعله يبتسم وجه صار احمر حاصر الضحكة …

انطه العلاكة للولد باوعت عليه كل وحده شطول وسمينه ولله ضحكني اكله اخذ قصيره يحب الطويلة…

گملنه هو شال العلايك ورحنه جنت شايله هم هسه شيكولون من يشوفونه

رحت يم خالة كتله خلي من يجن اصعد فوك استحي انزل

-لا عادي خاف يصعدن فوك هنه يفترن بلبيت ويشوفنج ابقي اكلهم بنت اخوي

اهله ميتين واجو عدنه عادي

جنت قلقة مادري ليش مستحيه سويت وياهم اكل سمعت الباب اندك

بقيت واكفة يم امال دخلن اثنين نسوان بس مبدلات بنطرون وكشخه لبسهم حلو ومكياج كومه التهن يسلمن وره دخلت 4 بنات ولد …

وحده باوعتلي كالت شنو جايبين خدامة؟؟

صدك انهضمت وضجت من حجايته اي حقه يمكن شافت دشداشتي مطكعه وشال لافته عدل مو مثل بناته عيني دمعت ردت بس يدخلون جوه اريد اصعد فوك …

دخلن جوه هنه امال لزمت ايدي وصعدتني فوك. لغرفتة

-لج هذني بس ينفخن لاتنقهرين تعالي انطيج مني اصلا شكلهن هنه الخدامات

مو انتِ

-لا عاادي امال ماريد ابدل…طلعتب دشداشه بيجي وبيه اسود بس كولش حلوه ونازكة

-لخاطري البسه لج انتِ بيضه مناا شطلعين بيه واخليلج مكياج باعي هذني

كلهم الي اجوي ميحبونه ولايطيقونه بس علمود الفلوس اني احب اضوجهم

لبست صدوك حلوه عليه ومخصره علئ جسمي عبالك بس شوي احسه ضيكة ماقبلت بس هيه اصرت تخليلي خليته تخلي بس كحلة ومسكاره …برزت عيوني صدك حلوه هاي اول مره اخليه …

لبست شال اسود ونزلنه رحت بسرعة للمطبخ ماريد اكعد يمهم استحي

بقيت امسح بلكاونتر اجتي خالة كالت تعالي يمنه شعندج وحدج …

رحت وره امشي مدنكة كعدت ع حافه القنفة بصف خاله يعني بس واحد يدفعني باصبعة اوكع …وحده بلنسوان كالتلي الله يرحم اهلج

بقيت العب باصابعي وحده عرفت اسمه سليمه سالت أمان شوكت تزوج راح تشيب

أمان -: انشالله عن قريب

سليمه - صدك يعني لكيت بنيه كرايب مو؟

أمان -: لا بعدني بس مو كرايب اكيد كرديه

بسرعة باوعتله صدك راح يخطب طلع يحب صدك يالله شكد انقهرت ماعرف ليش ضجت دمعه حسرتني باوعتله هو باوعلي وكعت دمعتي بدون اراده بسرعة مسحته بس هو انتبه بسرعة كمت رحت للمغسله

همزين المسكاره مسالت جان طلعت جنية ياربي هسه اني شكو هيج كلبي ولله حرت ماعرف شحص احساس صعب شفت بلمراية امان ورايه

انداريتله -يولي ليش هاي دموعج اكو واحد مزعلج ؟؟

شلون اكله من وراك بقيت صافنة بوجه ماجاوبت بس الشي الاريده ميخطب

-بوية شبيج احجي شصااير ؟؟ قلقتيني من مضوجج

-شوكت تخطب

-هسه شعليج بس لااتبجين من ورايه؟؟ لا ديرربالج ترئ تطورتين

-مابجي من وراك بس كلبي مادري شبي وضايجة من وره الخطوبة

-خرب غببية تحبيني انت ِ؟؟

جاوبته بغباء رفعت جتفي -: ماادري

-ديرربالج روح لاا ولاتفكرين بلموضوع بعدج طفلة انت مفاهمه شي

اهتمي باخوانج خوش

راح بس ليش ضااج شكد عيب هسه عباله اني احبه يااربي شكد غ*ية بس اني موو طفلة عمري 19 شنو طفلة …

رحت نصب الغده اجتي سليمة باوعتلي :- راح تبقين هناا عايشة زين مو اكو شباب بلبيت واحد عزابي شلون ؟؟

ماعرفت شجاوب. بس حجيه صح بس همه خوش ولد ولله محد باوعلي بنظره مثل طاهر لو بلسوك …

اجه حسنين -: ايييييي ثلليمة تب تبقة اهنا روح مااتروح علئ عنادج موتي بغيرتج

سليمة -: حسنين يااخوويه شبيك دانسولف اني ويه ادخل جوه

حسنين :- ماادخل انتِ روحي اابب ابقة يم روح اني…

هيه هزت ايده ودخلت همزين اجه حسنين طرده بقيت اثرم زلاطهروحسنين يسولف بس يشلع كلبي ياا يطلع جملة لو مرات يصفن صبينه غده ماتغديت صعدت فوك العصر راحو وأمان نزل جنطة مالته …

سلوئ -: اامان وين رايح

-لبغداد عندي شغل اهناك

مادري ليش من جاب طاري بغداد خفت بس لا يروح لعمامي ويدليهم مكاني هو طلع طلعت وره صحتله (اامان)

اندار عليه - نعم محتاجه شي ؟؟

-وين رايح بغداد؟

-عندي شغل لاتخافين مو يم عمامج …

ابتسمت الحمدلله راح مشه واندار كال حاولي تنسيني طلعيني من بالج

من ارجع اخطب اخت صديقي مع السلامة

شلون اطلعه من بالي يااربي صدك يسويه ويخطب لاا ماعتقد يسوويه لا يالله ولله ماكدر اتخيله يزوج اذكرت كلام امال الحجته يمكن صدك اني ااحبه اي ولله ااحبه …

مر اسبوعين كامل نفس الروتين بس جنت مشتاقة لـ امان مارجع جنت ادخل لغرفتة اباوع علئ صوره لو هدومة شكد مرتبات …صفاء راح عنده دوره بلشغل

جان العصريه نزلت اني بدون حجاب سويت شعري ذ*ل حصان وكعدت يم باجي بل حديقة اندك الباب باجي كلتلي كومي صيحي منوو اذ جاهل افتحي اني كمت صحت منوو

سمعت صوته افييش شكد مشتاقتلة كللي صووتج مناا الشارع افتحي الباب

فتحته بسرعة هو خزرني اادخلي بسرعة مو منا الشارع شكو مطلع راسج

يعني جنت فرحانة لان اجه بس خرب فرحتي شكد يرزل رجعت كعدت يم باجي هو اجه سلم وراح دخل وره شوية طلع اجه يمنه

-باجي تليفونج صارله ساعة يدم ادخليله …

هيه ماصدكت بسرعة كامت دخلت جوه هو اجه كعد بمكانة

-رحت شفت عمامج ابن شريف ازوج

-يااا طاااهر

-اي شبيج؟

-مابيه وامي وابوي شخبارهم

-امج ابيت خالتج وابوج ملح واختفه روح شكد حاولت انساج ماكدرت

دوختيني انتِ وين ماروح اذكرج حتئ ضايج بدون غبائج

-هاا

-تقبلين تزوجيني ونفضه من الاخير اني احبج ولله ؟؟بس بشرط نسافر مناا منبقه تنسين العراق واهله

-لااا امان ماقبل اعوف العراق خاف يجي ابوية

،

گام وگف وباعلي طبك حاجبة -: اخرر كلام متاكده ؟؟مو تلوميني الي راح اسوي لو تبجين ماايعجبج ترئ

-اي ماكدر اامان …

-مووو اني الترفضيني رووح بسيطة ……هوو راح ولله لو مو شرطة جان وافقت شكد فرحت من كلي احبج صدك عود بقيت اكرص بنفسي علمود اصدك هذا مو حلم

دخلت جوه دا ادخل لاستقبال بس انصدمت بلحجي أمان جان يحجي ويه

خالة لاا يالله سمعته يكول شايلين من المنطقة واحد كاتل بتهم مادري همه كاتليه ومرته

مهزومه ويه صاحبه ملعوب جوله بيهم بس شريف بعده بحيله مزوج وكاعد منطقة حلوه …

سلوئ -: شمدرريك اامان بس لا رحتلهم

أمان -: لا ميعرفرني حتئ شكلي ميذكرو بس ولد بلمنطقة جيرانهم سولفلي وااختج عايشه يم شريف بعده…

سلوئ -: تلكه خدامة صايره امان خاف يجي فديوم شريف ويريد

روح يلكاهه

امان -: اول شي خلي يلكه مرته بعدين يلكه روح …

سمعته كام بسرعة ركضت رحت للطرمة هو اجه گمت امشي وهو يمشي وراية اخر شي هو وكفني …

-شنو نلعب ريكضان؟؟؟ مو اشوفين اجيت ماتوكفين

-هاا ماادري

-روح ليش نازعة الحجاب؟ شعرج حلو حرمات فاتحته

مديت ايدي لشعري عززاا طلعت بدون حجاب هسه يله انتبهت ياربي شكد غ*ية

-ولله مادري مو انت عبالي ماتجي

-اي مو صفاء هنا لو بس مني تلبسين لادكليلي اي لخاطر غبائج؟؟

-لا اثنينكم مو هو راح للدوام

ابتسم -: ول يابه براحتج لعد …بس بلطرمة البسي حجاب خوش

روح سويلي اكل ولله جوعان

رحت اسويله اكل شنو هو قبل شوية مو تعارك ويايه ياربي حيرني ولله

جبت حجاب لفيته شعري احنه جنه مسوين برياني ودجاج حميته اله وسويت زلاطه خليته بلمطبخ وصحته اجه ياكل

اني بقيت اغسل بلجدر وهو ياكل ساكتين بس هو حجه لج كافي تتحركين دوختيني ولله ااكعدي شويه تعالي اكلي سويلي واهس

-شبعانة مو جوعانه انت اكل

-لا تعالي اكعدي شويه دوختيني ولله رحت جريت كرسي وكعدت جوعني ولله ياكل قبل شوية جنت شبعانة شنو سالفة لو ياكل يسوي واهس خطية راح يغص

-روح تحبيني؟ ؟

-هااااا شنو

-وجعاا شبيج مو داسالج؟؟ يله ادري تحبيني ميهم

-شمدريك مااحبك اني

-متاگدة؟ يله ميخالف المهم اني احبج ميهم مو كتلج

ابتسمت گمت من عنده خجلت منه هوو شمدري اني احبه رحت صعدت فوك

استحي انزل لو اشوفه شو بس يبتسملي راح منا ضايج وهسه يضحكلي

رحت يم امال جانت معبسه …

…

امال جنت گاعده بلغرفة ضايجة اكلب بل موبايل شفت اركان دزلي صوره

رحت بسرعة شفت ايده وايد بنيه صدك كبت عندي الغيره صعدت كبل خابرته -شنو هاي صورة اركان؟؟ ليش دازه الي

-حلوه موو وكام يضحك

-اركاان لاتضحك هااي منو البنيه شنو تضحك عليه لعد مو دكلي احبج طلعت واحد جذاب موو همزين ماقبلت عليك

-دقيقة انتٍ مو رفضتيني شوكت ضاحك عليج كتلج يااابه اريد ادز اهلي رفضتي بعد شكوو؟؟

-منوو هاي البنية هااا؟؟ شكو داز صوره الي

-غير اشوفه الج سوده عليه تغارين مووو

-ااركان مو رفضتك شكو تخابرني

-منوو الخابر اني لو انتِ اليوم اجي لبيتكم خابرت امان عود مو اطلعين

عيب من اخوج ادري بيج ولهانه بحبي

-عززاا اركان شبيك مصخن مو ولهانه بيك واصلا ماطلع لاتجي احسلك

انت الولهان

-صدك تحجين تردين الولهان يختفي مايرجع بعد؟؟براحتج اروح اقدم

علئ حشد

-لاااا شنو ماتروح شحدك اركان لاتتخبل خوش

-براحتج ترئ هاي الصوره مو مالتي لكيته ودزيته يله مع السلامة

…

روح -: اامال الحب حلو

-اي حلوو بس مزعج مرات تحبين امان موو حاسه بيج اني …

دنكت راسي - حتئ انتٍ هم تعرفين شمدريكم انت واخوج حيرتوني اني مكايله لاحد بيكم

-ههه تصرفاتج مبينه واكعه بلحب ياحلوه بدون ماتنتبهين هوو يحبج مو ؟

-اي كلي بس اني مجاوبته

-لج ثوله كليله اي علمود يصير عدنه عرس بس هو شنو الفرق ههه بس تغيرين غرفتج اصيرين مرت اخوي اريد جهال بسرعة خلفي

-ااسكتي اامال شنوو شبسرعة خاف بعد شوية تزوجين جهالي خلي اكوم منج احسلي نزلنه سوه سوينه عشه امان طالع بس جنت فرحانة بكلامه

كملنة صعدت فوك هو اتاخر ماجه كمت اباوع من الشباك منتظرته يجي

اتاخر شفت الباب انفتح دخل السياره وگعد جوه الشجرة اعتقد هذا مكانة المفضل لان دائما اشوفه يكعد هناك…

طلع العزف مالته بقه يعزف وخال ظهره علئ شجره رفع راسه شافني ابتسم اشرلي بيده تعالي …اني خليت شال ونزلت جوه جانو نايمين رحت يمه

-ليش كاعده لهيج وكت؟؟

-ميجيني نوم ليش ماغنيت مشتاقة لـغانيك

-تدللين. بس للغاني واني مامشتاقتلي ؟؟

-اااامان اكوم هو ابتسم …بقة يعزف هادئه جانت والجو بي بروده هو يباوع بعيني عيونه شكد حلوه كبار بده يغني

اول ما شفت طولك على الباب.…واول ما اجت عينك بعيني …!!

جني تكول اعرفك صارلي سنين وجن عشرت عمر بينك وبيني …

وادعت الدموع موادع الميت وبعد ما نوح و أتسلى بونيني…

وهمت الجروح ونامت العين وانا مكابر جبت عمري وسنيني …

تخلت كله عني وما تخليت وباعوني ولكيتك مشتريني

اذا تشعل حبيبي لجيتي شموع الك كلي اشتعل يوم التجيني …

جنت مندمجه ويه شكد حلوه وهو صوته بعد احلئ منه سكت

-ليش سكتت؟

-من وراج شدعوه هلكد حلوه؟؟ شوو متشبهين واحد من اهلج شعجب

-اي ماشبهم ابد ماعرف ليش بس ابويه يكول تشبهين عمته الميته

-طفره وراثية يعني؟ ؟

-اي هيج انت حافظ اغاني حاتم كولهم؟

-لا بس خير من الله حافظ

-شعجب اختاريته اكو هواي مطربين حلو اغانيهم

-اني احبه كاعد بكلبي اغانيه علئ جرح وصوته حلو …مثلج

-اني صوتي مو حلو ههه

-لا حلو بس لااجربي بل اغاني…

انفتح الباب انداريت شفته خالة خزرتني رفعت حاجبه واجت تمشي

صاحت رووح شسووين هناا؟ ؟

بسرعة گمت خفت منه واستحيت

امان جاوبه جانت كاعده وحده وصحتله

-خوش روح روحي نامي حبيبتي

مشيت وانداريت لكيت تاشر لـ امان بس جانت عصبية ضاجت حقة …

صعدت فوك نمت بس افكر بـ خالة شراح دكول عليه شكد عيب

سمعت صوت عياط بليل يمه كمزت بسرعة رحت نزلت حتئ مالبست شالي خفت بس لا صاير شي لكيت باجي وامان وخالة …

باجي تعيط يممه وليدي راح

-منوو مات

باجي -: فااال الله ولا فالج اسكتي

امان -: ابن عمتي مصاوب يله روح روحي كعدي امال لبسو اي شي بسرعة خلي نروح البيت فرغ هناك ابقيكم واروح للمستشفئ

رحت علئ سريع كعدت امال نومته طويله ماتكعد بسرعة ض*بته راشدين يله كعدت شو كامت تضحك من كتله كال حل بس لاتخافين عار ميصير بي شي

هسه كطعتوو نومتي علموده …

-دكومي بسرعة ولج شو خايفة جوه وانت اضحكين

-يمعوده باجي اسوي الحباية كباية كااايمه خرب …تعاي البسي مني بنطرون وقميص لاترحيلهم بعباية

-لا استحي اطلع بدونه

-لاا ولج عادي يمعوده هاج طلعتلي بنطرون اسود وبدي احمر

-لج خاف يموت والبس احمر ترديهم يكتلوني ههه

-عادي يمعوده البسي بسرعة لبسته بس البدي فوك الركبة احسه قصير بقيت انزل بي ملابسه هيج ابد كله عباية البس …لبست شال احمر

-لج اخ الله اني ليش موو هيج يلوكلي شو يسمرني خرب حظي

-ههه لا بلع** حلو عليج

-وين يحظظي اطلع سمره بي زركة سمعت صوت امان يصيح علينه

مااريحات للعرس

گملنه بسرعة نزلنه ونزلت اخواني بقة يباوعلي وين عبايتج

سلوئ -: اااامان يله اتاخرنه

امان -: روحو اصعدو بلسيارة بين ماجيب الفلوس واجي اخذي السويج امال افتحيلهم السيارة

همه راحو اني ردت اروح لزم ايدي اشرتله بعيني علئ خالة لاشوفنه

-البسي عباية لاترحين هيج خووش

-لا عادي امال كلتلي

-انتِ مو متعوده تلبسين ليش نزعتيه شنوو هل اثر بيدج؟؟

-اماان عووف ايدي هسه ينتبهون اني مااكو شبيك صاعده اجيبة

صعدت ركض نزلت لكيته واكف يم الدرج منتظرني مشه هو ومشيت وره

قفل الباب انتظرته يكمل وطلعنه سوه خالة شاف*ني خزرتني احسه تريد تكتلني شكد عيب …بس لا باله راح بعيد

باوعت ليدي الاثر مال حرك شريف بجكاره موجودات صايرات لونهن برتقالي بيدي غطيته بلعباية شفت بل مرايه يباوعلي اشرتله بعيني علئ خالة هو ماهتم ابتسملي …

درت وجهي للمراية الدنيا ليل جانت اخر مره طلعت بيه من انهزمت اذكرت حسين شخباره وين صار ولله اشتاقيتله …وين صفه بي الدهر

من جنه صغار 3 جانت احلامنه بسيطة مو هيج جنه نتمنئ بس نكعد ابيت وحدنه وناكل سويه وحسين وزهراء يزوجون ليش هيج صار كل هذا ؟؟؟

دخيلك ياربي فتحت الجامة دخل هوو بارد باوعت الساعة بل 4 جان الجو صدك حلو ليل بس صوت الجلابة …وصلنه نزلنه للبيت

دخلنة جوه سلمت علئ بنات جان وجهن اصفر خطية انقهرت شفت وحده كاعده اجت سلمت علينه وضحكت شكد حلوه صدقة لالله عيونه خضر شكره كلش حلوه …

امال كلتلي مرت ابنهم الي بلمستشفئ …امان راح احنه بقينه كاعدين جابونه جاي محد شرب منتظرين خبر يجي علئ الولد اجني اثنين بنات

صغار وحده لزمه ممه بس اثنينهم عيونهم خضر البنية الحلوه صاحتهم

كالت هذني بناتي تعالي اكعدي يمي

رحت يمه كعدت هيه ضحكتلي -: انتٍ شعجب اجيتي يمنه مابقيتي هناك

-امان كال كلكم واجيت بناتج كلش حلوات الله يحفظهم باوعت للجبيره عيونه مورمه لزمته كتله شبيه

بسرعة لزمته -ماابيه وكعت بلدرج شسمج انتِ

-اسمي روح وانتي

-حلوو اسمج اني ثرئ كلش انقهرت علئ اهلج

-اسمج هم حلو

-بس ليش مابقيتي يم عمامج ارحم الج من هذوله بااجي وامان قلبه

من حجر ههه همه عشيره كله هيج الحجي بينه

-ليش امان حباب ؟؟ سوي شي

-لا هو معروف عليه كلبه من حجر مايهتم لاي شخص ولاين**ر كلبه

لان كتلوو ابوه كبال عينه مادري شنو مامفتهمه السالفة محد يحجيه

-عزاا صدك ؟؟

-ولله مادري ياختي هاي العائلة يتطورت الي يدخله بس عليج القران الحجي ابينه لاطلعينه

-لا ولله ماحجي ليش خاف مذيج ؟؟

-اوف ياخيه شحجي مل الحجي من الحجي اعوفه لرب العالمين يطلع حقي

-احجيلي شوية شصاير

-ياخيه انت ادرسين ؟

هيه سدت الموضوع بسرعة اني مافتحته ماردت احرجه -اي سادس علمي ومبطلة

-صدك امنيتي ارجع ادرس اني سادس ابتدائي وبطلت ليش بطلتي

-ظروف جانت…

-انشالله تكملين اني بطلوني غصب عليه وانخطبت لـ ابن عمي جنت كلشي مافتهم همي بس العب بس هو مات اتوفئ تدرين اني بفاتحته جنت العب ويردلون بيه يردون ابجي انقهر ههه

-الله يرحمه ليش مجنتي تحبينه ؟

-جان يض*بني اذ يشوفني لازمه لعبه واني جنت اكره وبعدين اجتي قسمه وازوجته اله بس تدرين لو هذاك ماميت يمكن احسن هذاك مرات اتندم …

-ليش ثرئ؟؟ شصاير وياج متحبينه زوجج

-لاا احبه يله اسفة دوختج بس رايحه انوم البنات اترخص …

راحت صعدت بقيت كاعده وحدي وهمه ناس اسبح ناس تسولف واني النعاس موتني بس اثاوب اجه واحد دك الباب خالة كالت كومي افتحي

رحت فتحته طلع ولد كتله تفضل شتريد ؟

-مرايد شي بس تخليني افوت

-ليش تفوت شتريد ؟؟

-ولله نعسان واريد انام بس انتِ منو شو مشايفج من قبل

-شعليك بيه اخي روح نام بيتكم

-شو دقيقة اسف يمكن مخربط بلعنوان

راح سديت الباب بعدني مادخله باب المطبخ واندك رحت فتحته شفته هو اهوو هذا لزك عقدت حواجبي -شترريد تيهت بيتك ؟؟

-ولله هذا بيتي مو هلدرجه غ*ي وخري اريد افوت

-لا اوكف خلي اصيح واحد انت مو مال عيني واغاتي غير كتلك مخربط بلعنوان …رحت دخلت جوه شفت ثرئ بلمطبخ صحته اكو ولد بلباب

هيه اجت ويايه شافته كالت ادخل خوية زياد

-اي انتِ ثرئ وكف كلبي عبالي ضيعت البيت هاي منوو اشو اكولة

دكلي لا

روح -: اسفة ماعرف ولله

تن*د باوعلي وابتسم -: عاادي ولايهمج منو انتِ ماعدنه بيضه بلعشيرة

ثرئ -زياد هاي روح تصير كرايب امان بنت خالته

-اهاا خوش نورتينه بس بعد مو طرديني

ضحكت لا ماطردك …دخلت جوه كعدت جانو منتظرين خبر ع ابنهم واني النعاس موتني محد يحجي ويايه حسنين واخواني نامو سوه …

بقيت اغفي علئ قنفه من وره هدوئهم …فزيت من اجه زياد دخل فتحت عيني شفته يباوعلي يبتسم عدلت كعدتي بسرعة ودنكت راسي …

جابو الريوك استحي اكل وزياد كلساع يباوعلي قلقني خاف واحد يشوفه كمت غسلت ورجعت كعدت علئ قنفه…غسلت مواعين ويه ثرئ دك الباب راح زياد فتحه اجه امان من شفته ابتسمت هو خزرني اشرلي علئ ملابسي…

مافتهمت قصده ملابس مابيهن شي …كملت غسل ورحت كعدت يمهم

كال الحمدلله طلع من العملية باوعت فرحو عداا ثرئ ضاجت وصار وجه اصفر مادري ليش…

رحت سويت غده وكفت يم ثرئ بس هيه قلقه كلشي ماحجت …امان طلع للطرمة واشرلي رحتله

امان -: رووح البسي عباية مو زياد كاعد

-عادي امان بلبيت ماعرف افتر بيه ضوجني ولله

-براحتج بوية بس البيجي حيل لايكلج بعد لاتلبسينه اجيبين النظر

-خوش …رحت دخلت وكفت هو دخل ورايه بس عاقد حاجبه ويتراسل ووين الله ويلغون الموبايلات شلع كلبي …

صبيت غده ويه ثرئ ماكلت ولا بناته …صار الليل نفس الشي ملل محد يحجي ويايه امال نامت متكعد وياهن وهنه محد تسولف ويايه عبالك من غير كوكب …امان وزياد يسولفون

جنت كاعده اباوع علئ تلفزيون شميت ريحه حرك قوية كلت لخالة

هيه هم راحت ادور اباوع ماكو شي…