اوغاد بشرية

الفصل السابع

ان الله الذي يُضيء مابين المشرقّ والمغرب،

أيعجزُ ان يضيء عتمتّك الصغيرة؟

..

حسنين -ه هاي تبجي عليهم مات ابوه

-صدك عبالي اكو شي …

هو كعد علئ قنفة كبالي اني مابوعتله بقيت اباوع للفلم نشلع كلبي بي هو يحبه وهيه تحبه بس ماتعترف وراد يزوجه طلب الزواج منه

اني حركه لاا اراديه صحت دوافقي شلعتي كلبيي مرردتي والحسين

حسنين -: لا هثه توافق بثث

-لااا لاسولفلي خلي اشوفه …بقيت اباوعله درت وجهي شفت امان ذب موبايله وبقه يباوع ويانه …طلع البطل باسه عززا …~!

شكد خجلت حرت وين اودي راسي بقيت اباوع للقماش مال قنفه لو ارفع للسكف اشوف البنكه تفتر سريع ...

سمعت امان يكول رااح رااح…باوعتله مافتهمت شنو ياشرلي علئ تلفزيون

ياا عززا قصده اللقطه راحت شكد فشله ياربي…

مجاوبته باوعت النهايه يموت همزين كلينس يمي دموعي بقت تنزل وخاصه من البطلة تصيح لاا اني بقيت اكول لااا كلش اندمجت ويه الفلم بوقته مادري شحس ……

بقيت امسح بدموعي-لك حسنين هسه احجيلي صدك يموت

-اي ماااا ت ههه مو تتلج اني احجيلج ماقبلتي

أمان -: يابه صدك تحجين انتٍ كافي بجي هوو تمثيل خوما حقيقة

صدك جاهله

-غير مات خطية …!

أمان-اي بوية تمثيل مو حقيقة هسه تلكينه عايش ويباوع علئ فلم

كومي اغسلي وجهج شنو جاهلة ماتبجي مثلج …

گمت سمعت كلامه صدك عبالك جاهله شبيه كدامه كمت ابجي شكد عيب

وكفت گبال المغسله باوعت بلمراية نزعت الشال شفت وجهي صار احمر من البجي عزا بعيني …

هسه شبيه اني اندمجت بس ولله يقهر خطية دمعت عيني غسلت وجهي بل مي بارد جان شكد حلو رفعت راسي نشفت باوعت بل مرايه ورايه أمان …

خليت الشال علئ راسي بسرعة هو اجه اتقرب انداريتله صار قريب عليه

احس كلبي يدك بسرعة استحيت ردت اوخر بس هو وكف كبالي قطع الطريق

گال بصوت ناصي -: شكم مره كتلج لاتنزعين حجااابج؟؟

-موو جنت اغسل يعني غير بلمغسلة ومادري بيك تدخل....شمدريني قابل

-احجي گلمة ترديني عشره المهم بعد حجاب ماريد تنزعينه أبد

خوش فهمتي ...؟ وبعد لاتبجين هواي

-اي غير انت سالتني وجاوبتك يعني جنت ابجي علئ فلم بدو

سكتني -اش يمعوده قابل مادري علئ فلم گتلج بعد لاتبجين وجهج يصير

احمر وميصير

-ليش ميصير؟

-ماحب بنية تبجي اضوج منه

-خوش ممكن توخر افوت؟

-ماتفوتين لازمج قابل؟ ؟

-غير سااد الطريق عليه شلون افوت وانت شسمنك

-اني سمين صدك؟ ؟

-لا قصدي ضخم بس ساد الطريق ماكدر افوت

-هو انت ضعيفة زايده مو اني يله فوتي ...

وخر من الطريق رحت بسرعة مشيت شنو صدك اني ضعيفة باوعت مو كولش ضعيفة بس قزمه ...سويت عشه ويه خاله سالته علئ زوجه طلع متوفي

كعدنه ناكل باچي سالت أمان -: اكلك تعرف هاي نظارات الجوزيه

-ياهيه قصدج؟

-هاي يصيرن اعراض كبار شفت بت ام تحسين تلبس منهم جيبلي منهم

اطلع اكشخ بيهن

-باجي ولله الج خلك روحج خضره شبابيه شسوين بيهم

-اهووو يل اغم هسه شنو قابل اني بعدني شابة طول عمرك تغاار مني خاايب لكيتلك شلون بنيه اله تبوسني وره ...

صفاء -: رحت بيه امان الله يرحمك

مادري ليش من هيج حجت ضجت باوعتله ردت اعرف جوابه بس كون يرفض بس هوو كام يضحك غص بل اكل ...باجي ضلت ادك علئ ظهره شكد يغص ...

-باجي كلشي ولا لكيتي مره. اكيد تحفه شلونه وصفيلي؟

-خايب شنو من خدود تنوكل بارحه شفته جابت قدمتلي بفنجان بس نظيف كلش باوعت للصينيه هم نظيفة اتاكدت هيه نظيفة واسمه لطيفيه

صفاء -: استلم ههههه زين باچي بربج انتبهتي للمعرض نظيف؟؟

رفعت راسه حركت حواجبه -لاااا يل اغم همزين ذكرتني باجر اشوفلك البنية عدل دجيبلي هاي نظاره شني بنت ام تحسين احسن مني ...

-باجر اجيبلج ادللي بس عوفي البنية

-لاا يل اغم غير اتخبل شنو من طول مثل طول النخلة والضعف الشايلته

يابوية هل صغره خصره بكد اصبعي ...وعيوني هلكبره بكد جف ايدي

امال -: اكلج عيني انت عليمت تقصدين يابيت مشايفه هيج جمال بلمنطقة ؟

-شبيج بيت ام تقي جيرانة كبال بيتنة

-عدهم بس بنية وحده ومنغولية

امان كام يضحك -: لا يااا الله استغفرلله اني عبالي حوريه لكتلي

شوف حظي

صفاء -:ههه وين تلكة مثل ذوق باجي عمرك خساره اذ ماقبلت

باجي -: ياااا صدك منغوليه هيه صدك براطمه اكبار مانتبهتله ...

چا ولا يهمك ادورلك غيره بس جيبلي النظارة

-لا ماريد دخيل ربج لادوريلي بعد اعتزلت حتئ زواج ماريد

باجر اجيبلج نظارات بس عوفيني بحالي....

باجي -: شنو ناقصك عقل البكدك عدهك احفاد شوكت ناوي اريد اشوفهم قبل لا اموت العب وياهم لا ماسمع نقاش ادورلك علئ مره ...

امان -: اني شبعت ...!وكام

صفاء -: اي انهزم بس وراك وراك ههه ماطول باجي خلتك براسه

اني جنت هادئه ساكتة كلشي ماحجي بس ابتسم بس مادري ليش ضجت من سمعت تريد ادورله مره بس هو همزين رفض ...بس مرات باجي من تحجي انتبهله يباوعلي ويدنك ...

كملت رحت اغسل بل مواعين اني وامال هيه جانت ساكتة واني هم ...

بقيت كاعده شوية واخواني نعسو ترخصت صعدت فرك نمنه ماكعدت بس علئ صوت واحد يغني ...

...مهما يعذبنا الزمن حلوين

......ودموعنا هي الثمن حلوين

...نصبر ولا يمنا الالم ونعيش بل اه وندم

وما كلنا خسرانين

صوته جان هادي بحه مالته كلش حلوه خليت شال علئ راسي

ونزلت باوعت من الجامة عليه جان كاعد وحده ويعزف مغمض عينه فتحه

شأفني سكت اشرلي بايده تعالي ...

فتحت الباب ورحت يمه

امان -: ليش كاعدة تنصتين عليه ؟؟

-لا كعدت علئ صوتك كلش حلو شعجب هيج تغني

-اكعدي جيبي هذيج طابوكه وتعالي ...

-خوش ...رحت جبت طابوكه وكعدت شوية ليغاد من بس صرت اكبالة

-عادي دائما اغني اتعود عليه حتئ الجيران مابيه شي ...

احس الاغاني تشرح الحجي الي منكدر نكوله هيه اسهله النه تريح الكلب

مثل الجكارة ...

-هااا

-وجعاا ...

-هاا شكرا ...اي كمل الاغنية ليش وكفت ...هو ابتسم تدللي خيتي

حلو خيتي بكلامة بس مادري ليش ضجت منين صرت اخته هو بس اثنين اخوان عندي ...كتله يلله بده يكمل اغنيتة ...هادي يسوي واهس علئ نوم

طيبتنا من طيب النهر حلوين ...

و بعيونا يغفى السهر حلوين

يا حسرة ما صرنا دمع ...!

ياظلمه ما صرنا شمع ...!

ما كلنا تعبانين تعبانين حلوين

حلوين رغم الحزن رغم الحزن حلوين...

نضحك ولو بالدمع يا دنيا غرقانين,,, حلويـــــــن...

-خلصت الاغنية شو تفرگين بعينج نعستي روحي نامي ؟؟

-لا مانعست عاشت ايدك حلوه كلش صدك تشرح كلماته بس اني ماسامعتة

من قبل انت مالفة ...؟؟

-لاا يمعودة يا مالفة هو بل انشاء جنت اخذ صفر خوما اكتب اغنية

هاي مال حاتم العراقي من اروع المطربين اغانية علئ كلب ...

-صدك ماشيفتة ولا اعرفة

-

شعجب ...!! هسه اطلع صورتة الج بقة يكلب بموبايلة مد ايده الي

كال هذا باوعتله

-اخذي شوفي شبيج صفنتي؟؟

اخذت موبايل منه شفته حلو وسمين اجه من فوك الصوره وينك جاوب عليه

راح اجي لبيتكم تعبت منك؟

بسرعة انطيته الموبايل -:اي حلو مدنفش وسمين عيونة تضحك

هو مثل ضاج يمكن قره الرسالة بسرعة شمر التيلفون باوعلي

خزرني بسم الله انكلب يمكن -: هسه انتٍ انتبهتي بس علئ سمنة بربج؟

-لا مو هيج قصدي

-لعد يابة شنو قصدج خاف مافتهمتة صدك جاهلة صوجي اشوفج شي ؟؟ انتٍ شگعدج هيج وقت

-مو كتلك بصوتك كعدت شنو بس رزايل انت ولله حيرتني ...

-خوش روحي نأمي اتاخر الوقت

خوش طرده طردني كمت باوعتله صفح ورحت طبكت الباب علئ كيف انداريت لكيتة يلعب بموبايلة وكام بسرعة دخلت...

صعدت فوك كعدت علئ جرباية سمعت طبه الباب مالتة يعني دخل بس صار عندي فضول اعرف من الدز رسالة ...حرمات ماقريت الاسم ...

گعدت جان يوم جمعة نزلت كله نايمة استحيت بس اني گاعدة رحت للستقبال لكيت باجي كاعدة رحت يمه ...

باچي -: اكلج شعجب مازوجج ليهسه؟؟

-اني ماريد ارفض

-خاف مايجوج خطابة؟

-لا اني مأريد ازوج ارفض ...مو شغلة غير شي

-خوش الله كريم عود اذ رادو مره اجيبهم الج

-لااا ماريد خالة...

-خالة تخلل اعضامج هازه كاروكج تصيحيلي خالة سوي زين وذب

بلشط...!!

سكتت مجاوبتة كمت كعدت بلمطبخ صدك ضوجتني رحت اخذت شالي طلعت للطرمة بقيت اغسل بيه ماطول امان نايم...

فتحت الباب داذب المي بس شفت رجال جبير بلعمر يطلع شايب لازم ايد ابنية غصب هي تبجي ومحد ساعده المنطقة فارغة هيه تتوسل بي ......

انقهرت عليه اذكرت طاهر لو عمي بسرعة طلعت ركض ...اله

لزمت ايده عووفه هو وخر ايده -هاي بنتي منو انتٍ عوفيه

باوعتلة - صدك ابوج هزت راسة شكد فشلت عبالي يريد يتحارش بيه

مسحت دموع الابنية ليش تبجين؟؟

-انتٍ شعليج بيه؟ شكو تتدخلين روحي ارجعي لبيتكم شنو هلحشرية

الزايدة ...

-مو حشرية بس البنية راح تموت من البجي حبيت اساعدة لا اكثر

-هسه روحي معليج اني وبنتي

انداريت مشيت خطوات انداريت علئ بنية تباوعلي بنظرات توسل عبالك

دكلي اوكفي ابقي رحتله رجعت حضنته عمو علئ كيفك وياه بس فهميني شبيج

-روحي ارجعي لبيتكم راح تخليني اض*بج ولله ولي من وجهي معايزني

بس انتِ گبالي ...

حجت البنية وهيه تشهك - يخوون امي يخوونة ويه صاحبتة شفته بعيني اله اكولة

-لج بعدج تحجين شكم مره كتلج مو البالج الشفتي تردين

تخربين سمعتي بلمنطقة امشي للبيت وافهمج

هيه هزت راسه بـ لا ض*به يمه الض*بة شكد قوية من يمي شهكت حضنته وهيه زادت بلشهك ياربي شنو هل قسااوه العندك ...

انداريت شفت أمان طلع باوعلي اتفاجئ جان بس برموده وفانيلة ...

اجه بسرعة -: شديصير هناا ؟؟

-يابة اني وبنتي بس هاي البنية ادخلت هيه سالفة وبنتي زعلانة اريد اصالحه

ممكن توخره منا اريد اخذ بنتي ...

روح -: ماااوخر امان يريد يكتلة هيه تريد تروح

باوعلي ادخلي جوه اني اتفاهم ويه

-لا ماادخل خطية البنية هوو خاين خان مرته أمان خزرني

واشرلي علئ باب رفعت جتفي ماا يعني مادخل شنو موو بكيفة ...

-وصلوني لبيت ماما اريد اروح يم ماما فدووه

ابويه عاط -: مترررحين امشي للبيت فضحتينة بل شارع ض*به علئ

راسة امان لزم ايده

-دقيقة شلون تض*به هيج انت ؟؟ اعناد بيك اله اوصله لبيت امه

خاف جنت متحملك باوعلي روحي جيبي سوويج بسرعة

رحت ركضت ادور عليه مالكيتة صعدت فوك مانتبهت لغرفته بس لكيتة علئ ميز المراية جبتة وركضت نزلت جوه طلعت بشارع ...انطيتة

أمان -: هاهيه حجي اتفقنه موو راح اوصله لبيت امه خوش

-اي هاهيه

ردت اعرف شتفقو بس مافتهمت شغل السياره كل للبنية اصعدي

شاور الرجال واني كل هذا باقية واكفه اباوع ...

راح الرجال باوعلي احسابج بعدين تعالي ويانه عيب وحدنه نصعد وجيبي

شي البسي فوك هااي المادري منين جايبته مال نوم جنهة اذ ما**ر راسج علئ هذا العناد ...

مجاوبته شكد استحيت من كال مال نوم شنوو ميخجل علئ نفسه رحت اجيب عباية شفت دشداشتي صدك ضيكه بس مو مال نوم لبست عباية ورحت لكيت واكف منتظرني ...

صعدت بلص*ر والبنية بعده تبجي اخذت كليني انطيته انداريت عليه ايدي انض*بت بجتفه بسرعة رجفت. عبالك نتله صارت بكل جسمي استحيت رجعت گعدت ...

البنية بقت توصفله طلع قريب مو بعيد ...نزلت وبقت بس تشكر بـ امان چاا واني نستني درت وجهي علئ جامة ...

من راحت مشه السيارة ساكتين تالي ض*ب علئ استيرن انداريتلة

هاااا شكوو ؟؟

-شلون اطلعين بس كليلي احرك رجلج لو اكصهن الج ؟؟

-لاتتدخل بيه معليك غير طلعت اساعده واذ طلعت ماتمنعني

-اي صح ماعندي حق امنعج بس انتِ كاعدة ابيتي واي شي يصير يرجع عليه فهمتي ياااذكية هذا عقلج شغلي الطررمة بعد امحيه اذ وصلتيله ...ولله

مد ايده لراسة انتبهت ماعنده شعر اصلع كتلة بصوت عالي اانت اصلع ؟؟

-لا بربج لادكليلي هسه انتبهتي؟؟ امنيتي اعرف شنو من عقل شايلة

لو حجره بمكانة شكد شفت غباء بغبائج ماشفت

-ترئ انت محاجي ويايه هواي مو غ*ية اني ذكية

-استغفرلله شكد اضوج من بنية تعاند لاسمعيني صوتج ...

وصلنه للبيت اتلاكتنه خالة وين جنتو امان حجه المختصر دخلت

سويت ريوك ويه خالة يعني شكد ينرفز الواحد ياربي شكدد مكروه ...بقيت بس ادردم عليه اذكرت بيت عمي هسه منو ينظف راح يخيس ...

بس صدك اذكرت يسرئ مافتهمت من كلتله اخذ عذريتي شنو بس لا باك ذهبه صدك شريف يذ*حة ...اهم شي عنده ذهب وفلوس ...

گعدت وياهم كلهم كعدو بس أمان ميشتهي ...ملتهي يلعب بموبايلة اكل علئ كيف استحي ليهسه ...

باچي -: لك امان تضحك عليه وين نظارات...؟؟

-أمان -: ولله نسيت

باجي -: اي هنياله الماخذ عقلك منيه ست الحسن ...؟

أمان -:محد قاابل منيه بااجي غير معتمد عليج ادوريلي هاي ام عيون البكد جتفج شوفيه الي

باجي -: ياهي نسيتة صدك أمان سجاد البارحه رجع اـ اهله

-هوو مسربت يوم يجي وشهر ماكو شتحجين انت ٍ

...دك موبايلة جاوب كام يضحك ولله خبلني هذا حالات عنده مو عاقله كله اي عوفه الي اتونس بي لااتض*بة خوش هسه مسافة طريق اجيك ...

سلوئ -: شنو يمه شصاير؟

أمان -: واحد انريد نعلمه الاخلاق شوية امال قاط الاسود مكوي ؟؟

امال ابتسمت هزت راسه لااا

-ولا قاط اسود مكوي كومي اكويلي بسرعة يله

-ابد ابد ماكويت ولله ايدي راحت من الكوي اززوج وفضه

-راايح اسبح نص ساعة والكه ملابس مكويه ماسمع اي كلمة ثانية ...

شلت المواعين ويه -لج شكد اكره الكوي ولله اتخبل منه لج رووح

اركان دزلي رسالة ديخابر من الصبح خبلني ومجاوبته

-اكوي ابدالج اعرف وروحي خابري

-صددك غير ابقه ابوسج للصبح ماريد احجي ويه

-ههه يمعوده انطيني ملابس والكاويه روحي احجي

-اي بغرفتة تعالي

دخلت لغرفته جبيره سوده بس نظيفة وصوره معلكه الصلعه شكد حلوه مالتة

عنده صوره يضحك غمازته طالعة كلش حلوه صفنت عليه امال صاحتني

كلتلي هذا اكويهم خليهم علئ جرباية رايحة اكمل مواعين هيخ راحت كويت القميص وانفتح الباب انداريت جان ينشف براسة ...

يمه عزا شكد خجلت ولابس بس شورت وين اختل للستره ردت احركه

هو شافني رفع حاجبة خزرني وسد الباب دخل قفلة ياربي شكد خفت من. قفلة وتقدم بس جان شكلة ضايج -:شسووين اهنا؟؟ بغرفتي

-جنت ااا بقيت امتمت بلجواب حتئ نسيت ليش اني هنا ماحسيت غير ايدي لفتت وكع علئ سترة بقيت صافنه عليه …

اجه هو بسرعة شاله ورفع السترة -: خرررب عشيرتج حررركتية بس كليلي

منووو عتب عليج وكلج اكويه شكد غ*ية هذا عقلج شووكت يصحئ اذ اتقربتي ال حاجه من غراضي اكتلج ولله …

-مادري ولله من حركته…رحت بسرعة فتحت الباب وطلعت هو صوجه شكوو يقفل الباب غير وكف كلبي يستااهل…

رحت نزلت جوه امال كاعدة تمسح الكاع گعدت بلمطبخ وره شوية نزل أمان بس متكشخ ع اخر حبابة ساعة فضيه ولابس قاط اسود الصلعة لايكتله شدعوه هلكد حلو لو عنده شعر شلون حرت عبالك رجال عصابة …

مباوعلي بس اجه صفاء صاحه وكفو كبالي يم الباب سويت نفسي اكشر بتيتة سمعت صفاء يحجي بصوت نااصي -:لازم تروح ولله خطية كلساع ادزلي

رسالة

أمان بصوت ناصي حجه بس كله غضب -: لااتخليني ااكفر استغفرلله شطلعت هاي مو طلكته شكد تلزك المهم راح اروحله واتفاهم ويه

صفاء -: ههه يعني اليوم اعتبرك ماكوو راح اكولهم يامحافظه راح

ولله خوفي لا ادخل جهنم من وره الجذب …

أمان -:لاا ارجع مو مرتي يمعود تعرفني استحرم اله اعقد يله خلي اروح

اكمل شغلي وعود احل هاي مشكلة…

طلع امان شنو هذا مزوج شكم وحده شكد ضجت منه طلع ابو نسوان اي هوو ياهو يبيع ثكل يطلع هيج راح يروحله للبيت شكد مايستحي اششك كل هلكشخة مو علمود الشغل علموده رايح …

جرحت اصبعي بلغلط خرب كام يطلع من دم شكد يوجعني صدك لو كال غ*ية مااالومه ولله مادري وين عقلي …

اتغدينه وهو ماجه ماكوو شنو هاي اتاخر…هسه اني شحارك دمي طبه طوب

صعدت فوك بلغرفة ولا كدرت أنام رحت يم أمال كعدت …

أمال -: ترئ دوختيني كافي تهزين برجلج

-ليش اني شوكت هازته

-لااا ابد حشاج اعتقد الجني مالي ديهز…

-ههه صدك خابرج شيريد منج؟؟

-ياخيه بطرران يسال شكد البس قميص شكد عندة ثقه بنفسه موتني

بثقته

-ليش

-يكلي متاكد انتِ نصيبي لو شگد متحاولين ترفضين اخذج غصب علئ راسج

وداعتج

-ههه اي بلكت من نصيبة لان انتٍ غ*ية وبدون سبب رفضتي ثوله

-عود من تمرين بحالي اتشوفين اكو سبب

بقينة نسولف صار المغرب نزلنه سوه وامأن ماكو شنو هذا مو علئ اساس يستحرم اله مرته لو نسه الحجي اي طبعا …

سوينه عشه ماكلت ماشتهيت جنه دنغسل مواعين وسمعنة صوت عياط مال رياجيل يمه كلبي خفت بسرعة وكع الموعون …

اجه صفاء راح يركض للباب وباجي وامال طلعن رحت وراهن اباوع باجي فتحت شوية من الباب يمممه شنو هذاا الي اشووفة كبالي دخييلك ياعلي

رياجيل كبار بس بل فانيله وشورت وحافين وديشمرون طابوك علئ البيت گبالنه …خفت من منظرهم واحد بقه يصيح ويجر ب*عره باچي صاحت طفل

كلتله شصاير… ميدري شصار

واحد كام يذب نفط علئ البيت ويصيح سييف الكوو** اطلع ااااااطلع اليووم احركك،…اجتي مره بدون ربطه بس عباية كعدت بلكاع وتلطم علئ راسه

اجتي سيارة امان نزل راح بسرعة حتئ ماشفنه همزين بقة يسولف ويه واحد راح بسرعة يمشي بغير اتجاه ماعرف وين راح …

اجه ولد شايل اثنين سلاحات انطه لواحد منهم زرفو البيت واحد صاح امشششي نروح لهذاك الثاني خاف ينهزم …

ركضو سويه وعلي فد يخوفون يمه بس الفضول موتني اريد اعرف شصاار وشكو اجه امان ويه اثنين بنات باوعتله هو شاف راسي خزرني اشرلي ادخلي جوه …

دخلت بسرعة خفت بقيت واكفه منتظره يوصل اجه دخل البنات صغار يعني بكدي يطلعن بس حلوات خطية يبجن…

باچي -: لك امان شصاير هذني خوات سجاد شجابهن هنا

-امال وانتي يباوعلي روحو دخلو البنات جوه… خرب ماخلاني اعرف السالفة دخلت وبقه يحجي ويه باجي كلشي ماسمع صوته شكد نااصي خرب …

رحت يم البنات كعدت جبت كلينس مسحت دموعهم -شكو ليش هلكد تبجن

شوو هنه زادن بلبجي لو ساكتة احسلي…

امال اشرتلي كومي رحت ويه للمطبخ كتله ماعررفتي شي؟؟

-منين يحظي هسه اماان كلشي مايحجي النه يعتبرنه جهال متاكده كون يطلع علمود نعرف سالفة من باجي

-خاف م***بين بنية ؟

-لا ولج ماتوقع وهيج الرياجيل مصلخه بس هو يمكن هيج ماكو غير سبب

دخل امان ع سريع كال لـ امال جيبي اسلاحي بسرعة اجتي وحده من البنات ركضت لزمته من قميصه عليك القران لاتكتله فدوه عوفة

-همه يكتلوو ع دكته الناقصة شسويله اني ؟؟ مستحيل احمي

-لااا يخوي عليك الله والنبي لاتخليهم يكتلوو

-هوووو غير استغفرلله خيتي عليج القران ادخلي جوه ماريد اسمع كلمة

كل مره احمي هل مره لو يطلع نبي ويكلي احمي ماحمي وحق الله حرك قليل

امال انطته اسلاح والبنية بعده مجلبة بقمصيه وتبجي

-اختي بس شوية ايدج وخريه …هيه وخرته وهو راح بسرعة يمشي البنية رجعت يم اخته اني وامال رحنه يم باجي ماتقبل اسولفنة …

ساكتة بس دكول سترك ياربي بقيت افتر كلساع امد راسي بعيدين ماشوف بس اسمع صوت طلق …رحنه كعدنه يم البنات ن*دي بيهن خطية بس يبجن

وحده بيهن كامت ماقبلت اله ترجع لبيتهم

باجي -: لاايطكوجن طلقه لو يض*بجن اكعدي واسكتي

-مااابقة اخووي مايسويه ولله اني رايحه ماابقة هنا بس ديربالكم علئ اختي

باجي -: خاايبه الززلم كبال بيتكم ااكعدي فوك شيين رافع عينه

بقينه كاعدين اجه صفاء كالت انطوهم عطوه يوم واحد بس وراح عشريتكم وعشيرتهم يحلوه …

راح للمطبخ امال راحت وره نص ساعة اجتي وجه اصفر بقت تعض بشفته اتاشر كومي …

رحت وره وكفنه جوه الدرج -لجج عرفت شصار يممه صخام بوجهم

-اي شكو كلبي خلص شصار

-لج باعي اخ هذني البنات والبيت الكبالنه م***بين اثنين ولد …جهال

-شنو قصدج بنات ؟

-لج وولد استعفرلله

-عزززا شلون دخيلك يااعلي

-شمدرريني ..هو هيج افتهمت

صعدت اخواني فوك نيمتهم نزلت جوه جان امان موجود نازع سترته باقي بس بلقميص …البنات موجودات بس ساكتات ميبجن

-احنه نروح نرجع للبيت

أمان -: خيتي ترئ مبقيجن هنااا لخاطر امجن هنااك شتسون باجر يرمون

عليكم متخافين علئ نفسج دخيل رربج اسگتي

-لاا حتئ لو ماخاف اريد ارجع شكرا تعبناك ويانه

امان -: صفاء روح وصلهم لبيتهم …

راحن وصار هدوء بس باجي حجت -: زين همه منوو عائله الولد

-همه عاائلة ان** من عائلة شتحجين انت ؟؟عايفين جهالهم اربع عشرين ساعة دايحين بل شوارع استغفر الله ناس بطرانة…

راح صعد ينام الصبح گعدنة جان يوم السبت نزلت جوه جان امان كاعد من الصبح داروح اغسل وجهي سالني انداريت عليه

- متاكده ابوج بلنجف؟؟

-اي متااگدة هو كلي رايح يشتغل بلعربانة هناك

-شكد وديت جماعة محد لاكه ولا شايفينه

-شنوو لعد خااف رجع للبيت ؟؟ عززا بس لا رجع وملكاني

-اطمني ماارجع حتئ لبيتكم خاف مزوج ابوج؟

-لاااا بابا ميسويه مايزوج مووو

-اني اسالج لو انتٍ يله روحي غسلي وجهج جوعان ولله

-اسويلك اكل

-لا انتظر امال تكعد بس بلا زحمة عليج سويلي جاي

رحت غسلت وجهي سويتلة جاي وديت اله بس يراسل موتني كعدت خالة هم رادت صبيتله …

گالت اليوم عماتك خابرني راح يجن علئ الغده روح جيب السمجات

اسوك النه رجليه توجعني مابيه حيل اروح

-يمه ولله ماعرف بلمسواك اضوج منه

-اخذ وحده من البنات وياك كتلك ررجلية توجعني

باوعلي تجين؟