الفصل السادس

3068 Words

أربعون ألف من لغة الإنسان، ولا يمكنك أن تجد حرفًا واحدًا يصف الشعور الذي بداخلك تمامًا.. ♥ .. وصلنه للبيت اجيت انزل بس گلي اوكفي خلي فد مره ادخل سياره جوه نزل راح فتح الباب علمود يدخله دخله جانت عبايتي يم الكير صدفه مديت ايدي وهو مده بسرعه سحبت ايدي …جان لابس ساعه فضيه حلوه لايكه اليده دخل ودخلت وره شاف*ني خالة حضنتي فرحت أمان صعد فوك صاح امه راحت وره صعدت گعدت يم باچي هيه تسبح وتباوعلي كلساع صافنه اني هيه دكول استتغفرلله وتكمزني …… باچي -اكلج روح مدري شسمج امج صدك مخبلة ماعقلت بعد شعجب ابوج مازوج غيره؟ ؟ -لا بابا يحبه مايزوج غيره -اي حقه مايزوج وين يلكه بجماله ضحت بكلشي لخاطره انتٍ ماتبشهينه امج احلا منج حرمات -اي ماشبه بس يكلولي ديره الوجه والبياض مثله -لا بس ماجيبين عيونه يخبلن مكحلات بس خبيثة من هي وصغيرة ماتدخل كلبي…~!! استغفرلله اني حرت شجاوبه ساعه تمدح بجماله ساعه تحجب عليه هي صدك منين تعرفة اشو اابد ماجين لبيتنه بس بسبعه اختي وبس خالتي هم -اي عيونه حلوات باچي -اني بشبابي بصغري جنت احلئ منه غير چنت مخبلة شباب المنطقة جنت من اطلع يكولو نور الكمر صبيحه … -منو صبيحه -أني لعد اگو غيري هين؟؟ ضحكتني ولله حبست الضحكة كوه كتله -حلوو اسمج -اي قابل مثل اسمج روح هاي اغنيه نعيمة مطلعته بهذا الصغير -شنو الصغير -وعمئ شبيج هذاا الصغير وتاشرلي بايده يااا قصده موبايل هزيتله راسي اي افتهمته -انتِ فهمج قليل تعبتيني اگوم مناا وغمتني گامت مافتهمت شي منه عليمن تحجي هسه اني اريد اعرف أمان شيريد من خالة ليش صااحه ولله الفضول يكتل اجتي خالة نزلت من الدرج اجتي يمي گعدت كتله شگلج أمان يرجعني للبيت يريد مو؟ ؟ -صارلي ساعة اقنع بي ولله هو يگره عمامج علمود يضوجهم قبل بس كال اذ اجه واحد عليه ترجع -ليش يگرهم منين يعرفهم؟ ؟ -سالفة طويله بينهم ثارات هذولة العشيرتين سديه. السالفة -خالة يعني قبل ابقة هنا…؟؟ -اي قبل بس اذ اجه واحد عليج ترجعين وراح يدور علئ أبوج -انشالله يلكه بابا تسلمين خالة تعبتج وياية … -كومي انزعي عبايتج من يمي احتريت ولله امشي نصعدج فوك اكو غرفة فارغة رحت ويه جان الفوك جبير حلو ومرتب دخلتني بغرفة اخشاب بس مرتبة …كالت هاي الكم اخذي راحتج …بلغده عود اصيحج نزعت عبايتي باوعت بلمراية اتقربتله سمنانه بس شكلي محلو ماحبة شلون يباوعون بوجهي احسه مش*ه تلمس النمش الي بوجهي كوله صاير هو مابي اذيه ولو مو هو بوجهي جان صرت محلوه ابد … بس اني اگره دائما مرت عمي احسان دكلي مكبعه … فتحت شعري مشطته اذگرت زهراء لو عايشة جان مصار كل هذا …بس هيه صح كلامة من كالت شعرج راح يصير اطول من شعري سويته ظفيره … سمعت خالة تصيح أمان رووح تعالو تغدو …خليت شال علئ راسي ورحنه فتحت الباب صدفه طلع هو هم بس مدار بال مشه … نزلت جوه شفت امال سلمت عليه …رحت ردت ثرمت زلاطة وياهم سلوئ -: لاا روح عوفيه امال اسويه أمال -: اخ ياكلبي كله امال امال تدرين روح لو يكولون منو يكتل هتلر راح دكلج امال تكتله عوفي روح -:ههههه لا عوفية اني اثرم خاله عضت ايده سلوئ -: بسيطة اني للج امال -: روح استري علينه اني اثرم لاا احصلي كتله صبت المواعين بس استحي اروح للستقبال وأمان كاعد كتلهم اكعد اهنا اتغده خاله حست بيه كالت لـ امال تكعد يمي جانت برياني مسوية ودجاج اكل علئ كيفي استحي منه أمال -: بنتي اككلي شبعي بطنوج هاي العصفور مياكل مثلج صدك انتِ ياصف؟؟ -اني نجحت من السادس -يعني جامعة هسه تدخلين مو -لا ماكملت بعد وانتٍ -حرمأات لييش امداج ادخلي للجامعة ونسه اني ادرس اداب تاريخ مرحلة ثانية همزين اجيتي امنيتي تصير عندي اخت اسولف ويه -بلتوفيق حلو قسمج اي ولله اني هم جانت عندي بس ماتت -الله يرحمه صفنت باوعت للحايط اني هم عندي بس كتلته أني …!! -شنو؟؟ هزت راسه -بعدين نصعد فوك واسولفلج ماطول راح تبقين هنا -هاا خوش گملو اني ويه جنه نغسل مواعين اجه أمان گرص خد اخته وراح طلع بلسياره شكد حلو مبينه علاقتهم قوية … اجاني جود يريد يسبح صعدت انطيته ملابس ودخل يسبح … وأمير صعدنة بلغرفة لان كله راحت لغرفته يمكن متعودين ينامون الظهر بيتهم كولش هدووء مو مثل هناك … باوعت لبابا غرفت أمان اريد أدخل اشوفة بس استحي حضنت أمير ونمنه گعدت متاخر سمعت الاذان ياذن وخالة تصيح عليه گعدت افرك بعيني جهال اثنينهم نايمين غطيتهم وكمت افرك بعيني وانزل سلوئ -: شكد نمتي ميصير تنامين المغرب يقسي الكلوب يدخل الجني بيج أمال -: جملة امي المشهوره من وره انحرمت من النوم -لا خالة اني مانام المغربيه هاي اول مره رحت للمغسلة اغسل وجهي ولميت شعري انفتح باب الحمام طلع امان خليت ايدي علئ شعري عزااا مجايبة الشال ويايه رحت ركضت جبت شال توضيت رحت اخذت تربة وصليت الحمدلله علئ حال شكد حلو هنا حياة هادئة اتمنيت ابقة هنا گمت سمعت صوت الباب يندك شفت أمان راح طلع فتحه واسمع صوت هلا بيكم ادخلو اجيت اصعد بس خاالة صاحتني ابقه … دخلت مره واثنين بنات مبدلات وحده بدون حجاب كولش حلوات …باوعلي من فوك ليجوه عبالك يردن يعرفن منو اني … أمال واكفه بصفي كالت اجني الزكات حجيت بصوت ناصي منوو -هاي وحده خطيبة صفاء اخويه والثانية اختته لازكه بظهرر أمان -شنو بظهره ؟ -مبينه ثوله وماتفهمين بعدين افهمج دخلنه للمطبخ صاحت علئ امان جان بره يغسل سيارته اجه جان لابس بس فانيله سوده وبرموده عضلاته مبينه شكد حلو جنت اباوعله هو انتبهلي نزلت راسي سويت نفسي اباوع للكاع... أمان -: امال دسويلهم جاي ولله مابيه حيل اروح للاسواق -اي تريد امي ترزلني موو مااتقبل روح شكد عجوزي أمان :-امرري لله راح يجيب هو وبل فانيله ضحكني …اجتي البنية المو محجبة باوعتلي صفح راحت انتجت علئ كاونتر -اي امال شلونج بلجامعة؟؟ -الحمدلله زينه -البارحه شفتج واكفه ويه ولد منو هذا؟؟ حسيته خافت فتحت عينه خزرته -: شممس غغير علمود الملازم قاابل شنوو!! -اي خوش صدوك هيه شمس حلوه لايكله اسمه حنطاويه بس عينه صغيره اذ تبتسم تدخل عينه جوه بس مرتبه ملابسه حلوه شكد فرق بيني وبينه … هيه راحت كتله امأال شكد حلوه هاي البنية امال -: خلفله علئ مكياج بدونه تصير تشبه جعفر ابن عمي …متفرقين بشكلهم…انتٍ احلئ منه -لااا ولچ هيه احلئ مني بهواي -دطيري مني ماعندج ذوق …جنت واكف يم الباب منتجيه علئ سنك اجه أمان كال وخري اريد ادخل… جاب العلاكه انطاه اله جان يشرب مي واجتي شمس صاحت بصوت ماايع تحجي بخشمه -أماان شلوونك هو خطية غص بلمي بقه يگح طلعه من خشمه ضحكني اجتي شمس دكت علئ ظهره هو بسرعة وخر خزره …شككد صلفه عزا بعينه تخلي ايده علئ ظهره شكد عيب من يمي استحيت… أمان -: ول الحمدلله شمس وانتٍ شخبارج شمس -: الحمدلله ليش ماتسال عليه …مدكول وينه اختفت أمان -: شعندي سال؟ ؟ وعندي شغل هم شكد ضحكني من فشله هيه خطية خجلت ههه تستاهل ولله تحجي مياعه زايده …هو بسرعة راح صعد مانطه مجال تحجي … هيه راحت كعدت يمهم سالت امال لعد اخوج المخطوب وين ؟ -عنده دوره بلشغل باجر يجي -هاا … -تعالي نكعد يمهم نضحك شوية -لا استحي -لعد امشي نصعد فوك بلغرفه نسولف وهم اختار شلبس باجر… رحت صعدت ويه غرفته جانت بيضه وبتفسجي كولش حلوه ومرتبه وعلئ ميز كومه مكياج وعطور اني ابد ولا فديوم مشتريه مكياج صدك هنياله … كعدت علئ جرباية هي اجتي يمي باوعت لتليفونه وذبته جرت حسره كتله شبيج ضايجة -كولي،وعد متحجين لاحد ولله اني لان ارتاحيتلج احجيلج -والحسين ماحجي شبيج -اني احب واحد وهو هم ويريد يخطبني بس رفضته بس ماتحمل فديوم ماشوفه انقهر احب غيرته وعصبيه عليه بس مستحيل اوافق عليه… -ليش متقبلين بي اذ تحبينه ؟ -ميستاهلني روح هو خوش ولد يستاهل وحده احسن مني ولله لان احبه رفضته -ليش انتِ شبيج قابل ؟؟ -لان. روح اني مجرمة وكعت دمعته كتلت روح بريئه بيدي مااتت ماله ذنب -عزاا اشش حبيبتي لاتبجين شلون كتليته اماال -من جنت صغيره ولله ماجنت افكر بس جنت اغار لان هيه صغيره ويدللوهه نمت فوكاه وخنكته مثل الكارتون بس معبالي تموت صدك جانت تزحف رووح تضحك تجيني …!! -الله يرحمه جنتي طفلة ماتدرين انتٍ شكد عمرج جان؟ -جان عمري 4 سنوات روح اني مجرمة احس نفسي رغم كل هل دلال والعيشه والطلعة والناس حاسدتني بس اني امنيتي الموت -مالج ذنب انتٍ اسكتي لاتحجين هيج انتٍ طفلة وماتدرين بنفسج -بس اني هيج روح رغم كل ضحكي لان ماريد اقهر امي وامان من وره هاي ارفضه بس هو اذ ازوج غيري اموت اني …حايره -اقبلي بي -لا ماكدر خوش ولد ميستاهل وحده مجرمة مثلي ولله حجيتلج لان جنت محتاجة احجي لشخص صح كلشي احجي لـ امان بس استحي اكله احب واحد … -اامال شبيج مو مجرمة جنتي طفلة عادي ولله اذ يحبج يقبل بيج -لا هو مأقبل ياخذ الجواب مني البارحه عود الباجر اكله الجواب بس هااا ماكدر اكوله انشالله تلاكي بنت الحلال الي تناسبك مثل الي ارفضهم ولله احبه -ولله حيرتيني ووياج انتِ مالج ذذنب ولله طفلة ماتفهمين جنتي عادي لاترفضينه تندمين -هههه عااادي يمعوده طز بگلشي ارفضة عادي فتره وانساهه اصلا اني معجبه بس بغيرته وشكله ومن يباوع بعيني ومن ابتسم ويردلي الابتسامة وثكله من امشي من يمه يدنك ويبقه يمي قريب وين ماروح يجي اذ لابسه ضيق يلعب طوبه بيه يرزلني … -ههه بعد شبقيتي؟ ؟ خاف نسيتي شي ولج تحبينه صح ماعرف الحب ولا عايشته بس يحبج ااحسه ... -لااتجربي ابد ديربالج شايفه اذ تحبين ويمر من يمج ول بويه جيب اليسكت كلبي احسه يطفر يكوم شلون فحطانه جنت اركض لـ يوم كامل هيج وخوب من يحجي تصيرين غ*ية وكلشي متعرفين اجاوبين -ههه لاا ماريد اجربه دوخه بيه حيل الزم كلبي بس انتٍ ممبينة متعرفين تحجين شعجب؟ ؟ -لج غير انسه الحجي والكلام يختفي من بالي ابقة بس ابتسم مره كلي شكد شفت غباء بغبائج ماكو هو جان يرزل واني مامنتبه ههه گمت اضحك علئ كلامه -: لج ولله يونس حلو الحب لعد من جنت صغيرة جانت امنيتي احب واحد ويحبني ويبقه يغنيلي مثل حب حسين ابن جيرانة …… جرت حسره طويله -: اي يختي حلو اذ من نصيبج بس هو مو نصيبي بس ذكرئ تبقه …شنو حسين منو بس لا تحبينه؟ -لا ولج يحب اختي -اختج مو ميته عندج غيره؟ -لا هيه نفسه يحبه من جان بلرابع ابتدائي ولحد هسه يحبه وفي اله -صددك من جان صغير وليهسه؟ -اي ولله اصلا هو كايل لامه لو اموت مازوج غيره هيه ماتت بس عايشة بداخلي … -اوويلي هو هيج الووفئ وين الكه مثل حسووني لج امشي خلي ننزل لاتجيته نبع الحنان وتسحلني نزلنه جوه شفت امير وجود گاعدين يم حسنين امال مدت راسه للاستقبال كالت اهووو بعدهم شنو راح يباتون عدنه رحت بلمطبخ فتحت باب باوعت الحديقة شكد احب اباوعلة كلش حلوه جنت منتجيه علئ باب واباوع صافنة عليه شجابنه هنا وين قبل شكم يوم جنت اكرب هناك الهم الحمدلله … باوعت انفتح الباب شفته امان شنو شبسرعة طلع اذكره صعد فوك درت وجهي عنه ماريد اباوعلة باوعت للشجرة شكد حلوه عاليه باوعتله اجه يمي يمشي باتجاهي اتقرب… أمان -: خابرت جماعة يدورون علئ ابوج -خوش انشالله يرجع -اي وامج شلون عندج كلب اتعوفيه انتٍ؟؟ -امي هسه ينطوهه لخاله تهتم بيه …انت مامريت الي اني مريت بي حقك تقسي عليه مجاوبني راح خلاله كرسي وكعد صاح علئ امال يريد نارگيلة يشرب مبين مدمن عليه دخلت جوه طلعو الخطار كعدت اجاني جود -مشتاق لماما اريده روح -ماما بعيده مو هنا دمعت عينه-بس اني اريده شوكت نرجع اريده بس اله -جود بس انت مو كلتلي خلي ننهزم مناك انهزمنه بعد ماكدر نرجع هناك اله يجي بابا -لا اريد ارجع بعد ماكلج ننهزم حتئ لو يكتلني عمي شريف عادي بس اريد ماما وبابا -جود بس نرجع يكتلونه مانكدر كام يبجي دموعه تنزل ويكلي -: اريد مااما اريده مشتاقتله جنت منطية ظهري سمعت صوت امان انداريتله كال -: لك جود انت مو بطل مو رجال شلون تبجي ميصير هيج ليش ماتسمع كلام اختك هاا جود -: لا اني رجال بس اريد ماما أمان -: تعال ويايه نحجي سوه اني وياك هو باوعلي جود منتظر ردي اكله اي لو لا علمود يروح هزيتله راسي اي روح راح ويه … جنت منتظرتهم امال راحت تنام وخاله نعست كولهم راحو نامو…جنت منتظرته اتاخر صعدت فوك امشط شعري حيل ياذيني لان بس الفه فتحته شويه …انفتح الباب طلع جود بس ملابسه اتراب … رحتله ركض شبيك واكع بقيت انتك بملابسه واوخر ب*عري رفعت راسي شفت امان يباوع عليه من شافني شفته بسرعة دخل جوه … -جوود وين جنتو -نلعب طوبه ويه عمو امان كلش حلو يونس علمني شلون العب -اي خوش تعال بدل ونام ……گعدت ثاني يوم البيت فارغ امال وامان بل دوام وباچي راحت للجيران تسير عليهم وخاله تلف كبه رحت كعدت يمه -اعلمج تلفين كبه سهله -اي احب اتعلم اعرف اسوي بس تمن ومركه -خوش غسلي وتعالي هو سهله حبه علئ حبه تصير كبه ميرادله شي -گعدت يمه واسوي مرتين ماضبطت ثالث مره صارت حلوه اجه ولد طويل وضعيف دخل كبل من الباب خليت الشال علئ راسي اجه باس خاله هو شافني ابتسم منو هاي الحلوه؟ ؟ -روح بنت اختي حسيته اتفاجه -شننو؟ -تعال فوت بعدين اسولفلك -يوولي يمه جووعان سويله للفه مال حشوو شوكت الغده -بعد مو هسه انتظر اخوانك يجون بارحه اجتي خطيبتك دكول ليش ميخابرني -اهووو يمه خلي مرتاح لاجيلي طاريه اختنك بس تننك رايح انأم من يجي امان گعديني راح اخذ جنطته وصعد فوك كتله خاله ليش ميحبه؟ ؟ -اي ميحبه سوده عليه بس شسووي باجي غصبته اله ياخذه وماعدهم احد ومن هذا للحجي… گملنة الكبة بقيت كاعده دخلت امال بس عيونه منفوخه مثل وحده باجيه صعدت فوك صعدت وراه فتحت الباب هيه كعدت علئ جرباية وباوعتلي -شبيج امال ؟؟ -مابيه شي بس رفضته ونهيته ويه هاهيه … امال گعدت الصبح فتحت الكنتور اباوع علئ ملابس ليل كله مانمته واني افكر بي وابتسامته …وصلت للجامعة جنت ادنك اتمنئ ماشوفه بس رفعت راسي شفته كبالي ابتسملي مابدتله دنكت راسي … بقيت ادعي كون ميجي ماشوفه ميسالني رحت كعدت يم صديقاتي كمت لان بدت المحاضره من كملته طلعت شفت كبال القاعة واكف يلعب بموبايلة من شافني بقه رافع راسه اجه اتقدملي يمشي باتجاهي … - يولي اريد اعرف الجواب امال علمود ادز اهلي ماحب العلاقات والدوخه راس شنو رائيج ؟؟ دنگت راسي جاوبته بخذلان -لا اسفة ماقبل -ليش شبيه قابل وترفضين حضرتج؟؟؟ رفعت راسي لكيته رافع حاجبة وجان شكلة ضأيج … -مابيك شي بس حاليا اريد اكمل دراسة ماريد ازوج … -ليش تباوعين للكاع ؟؟بس جنت احس بيج تبادليني الشي من عيونج التحجي … -لالا غلط تفكيرك ممكن توخر اريد اروح -اليوم ادز أهلي وأمان اخوج صديقي ماعتقد يرفضلي طلب لو تحجيلي السبب بكيفج -شنوو منين صديقك؟ -غير صديقي هسه احجيلي ليش رافضة..؟ اذ تحبين واحد ثاني عادي كليلي اعوفج من البداية …بس غير سبب ماقبل جنت ادور حجه لو جذبه مالكيت غيره -: اي احب ارگان وخر باوعتله صغر عينه عبالك مامصدك وحك لحيته - متاكدة ؟ منوو هذا التحبينة اريد اعرفه اشوفة لاتخافين ماكل لـ امان عليج -معليك بي لاتتدخل اذ كملت اريد اروح -راح تندمين هسه اخر شي جوأبج موو ولو ماصدك اتحبين غيري لان عيونج تحجي ؟؟ -اي ماريدك …وخرت منه رحت ركض للحمام … روح -: جان كتيلة انتٍ تحبينة والسبب تحجيله امال -: لاا مراح يقبل بيه وليش افقد سمعتي بل جامعة اسكت احسلي نزلنه جوه ثرمت زلاطه بين مايجي أمان ينتظرونه يله يتغدون …سمعت صوت سياره رفعت البردة شفته سيارته جان لابس قاط بيجي وقميص اسود شكد نظيف ومرتب شافني كبل نزلت البردة … شنو ياربي عذا يحس شمدري اباوع عليه ولله فشلة هسه يكول مشايفة دخلت جوه بسرعة كعدت يم خالة صفاء يضحك ع** هذاك ابد ميحجي ويايه … امان -: لك انت هنا اجيت صفاء -: اي لك عار متااخر كل ماتصل عليك مشغول ترئ بديت اغار هااا اسوي هجوم …حضنه وباسه امان ض*به اني كمت استحيت ابقه يمهم خليهم ياخذون راحتهم كعدت بل مطبخ يم اخواني اجه حسنين جر الكرسي وكعد كبالي اني ابتسمتله … -انتِ ليـ ليش ـش حلوه هلتد -هههه مو حلوه اني -لا ولله حلوه ات تحبين شثمة -منو شسمه -هذولة الشسمهم اليرتصون وكام يصفك …ويطك اصبع -هههه اي احبهم -خلي نرتص اني ويااا يا ج…وو امان يغني االنه جان يشلع الكلب من يطلع الكلمة -للا ماعرف اركص -امداج ثولة انتِ -ليش شسويت گام وغمني -: لاا دتتولين شثويت ماتقبلين ترتصين وياية راح ضحكت علئ كلامه لزم ايد امير وراحو مادري وين اخذه …اجتي أمال كلتلي ليش كاعده وحدج -استحي مادخل … -لا تعالي تونسي بعد ادخلي لاتستحين … صبينه غده كلت لخاله اهنا اتعده بس ماقبلت مالت اتعودي عليهم همه مثل اخوانج…عادي رحت شفت أمان فاتح رجله ومنتجي ايده علئ أمال مادري ليش عيني تصير عليه صاحتني خاله اكعد يمه صرت كباله … كعدت اكل قليل همه بس يسولفون ويشاقون كلشي ماشبعت لان استحي تكل بقيت جوعانة كمت غسلت مواعين الظهر كله نامت كعدنه العصر نزلت جوه خالة جان تغسل بلطرمة رحت ابداله اغسل وادندن جنت رافع الدشداشه ماعرف انزله واغسل … بس سمعت واحد يكح انداريت شفته أمان صاح عليه اكوووو رياجيل هناا بلبيت ومنا الجيرران شنو هاي رجلج مفررعه ماعدنه هيج احنه مو مثل ابيت عمج العار … بسرعة نزلت الدشداشة ضجت من حجيه قابل اني شسويت شمدريني هو كاعد عبالي نايم -ترئ مو قصدي انت فاهم غلط شعبالك ابيت عمي قابل هيج -الله اليعلم ابيت عمج شنو …! هسه اذ كملتي اريد اكعد اشرب نركيلة ادخلي مو اربعة وعشرين ساعة كبالي بقيتج هنا لان دخيلة ترئ فهمتي ؟؟ -شبيك يعني وصات مرحله تشك باخلاقي ليش شاد ويايه انت اذ تريد اطلع من البيت وادبر حالي مو تبقه بس تعاركني …ومحملني منيه -ماشاد ويأج بس وين ماروح اشوفج كبالي -اي ليش قابل ؟؟ انت تطلع بوجهي مو اني -ال**نج لو رشاشة ؟؟ هسه ياريت اذ گملتي ادخلين ومره ثانية لاطلعين مفرعة حتئ لو بلبيت لاتنسين اكو رياجيل… -خوش سديت الصونده لميته ودانشف بل ماسحه هيه طويله وكلش جبيره جان كاعد علئ مرجوحه يكلب بموبايله…گملت رحت وديت الماسحه بمكانه … أجه صفاء كله -: لك شهد خابرتني عليك تتوسل علمود تروحله أمان -: لك مو طلكته شكد تلح وتلزك هاي جلبت يمعود احضره عززاا هذا طلع مزوج ومطلك عبالي مامزوج دخلت بسرعة خاف يكول تسمع علينه عيب …رحت گعدت يم خالة بقت ابالي السالفة الوب عليه اخر شي مليت -خاالة امان ليش مطلك -لا حبيبتي أمان مامزوج شمدريج؟ -صدك مامزوج عبالي مطلك …… لعد شنو هذا صفاء مو كله شنو كلشي مافتهمت اوي رتسي كام يوجعني هلكد مافكر بي …شعليه بي هسه اني ضجت من الكعده والهدوء امال ملتهيه تقره بقيت افتر اروح للمطبخ اباوع عليه شلون يشرب ويلعب بموبايله شنو ماتعب من مراسله ولله من يمي دخت بس يكتب اني جتت بموبايل بيبتي ينشلع كلبي يله اكتب كلمه وماعرف ارسله … دخلت جوه وهم طلعت باوعتله فجاه هن رفع راسه ولكفني ابتسملي يمه موو ابتساامه غير عسل تخبل فدوه طلع عنده غماازه بتك خد اليسار اوويلي.…بسرعة نزلت البرده استحيت كلبي احسه يدك سريع اريده يوكف والابتسامه من وجهي ماكدر اوخره اليشوفني يكول خبله بس شنوو يمكن هو ضحك عليه .!! عزا شكد عيب ماكو غير اكعد يم حسنين يونس شويه جان يباوع فلم هندي كتله حلووو هذا…؟؟ -اي تلش حل ح لو اني شاايفه هوواي باعي ويا ييه ميملل -خوش باوعت صدك كلامه حلو وقصه حلوه اكو مشهد بيه ابوه يموت كلش انقهرت جبت كلينس وكعدت ابجي علئ فلم وحسنين يضحك عليه … دخل أمان انصدم بيه كلي شبيج ؟؟

Free reading for new users

Scan code to download app

App Store Google Play

Facebookexpand_more