اوغاد بشرية

الفصل الخامس

في مكانٍ ما تائهة لا أعرف الطريق

حيثُ لايوجد أحد لابشرٌ ولا طائر اعرفه جميعهم غرباء

، هناك وجدتُ نفسي تائهةٌ بين الأفرع

لا أعلم سبيلي ولا أستطيع الخروج ولا السير.

وأيضاً ليس بإمكاني أن أفهم ما الذي يحصل لي

صوتٌ يقول لي إذهبي وآخر لا أشعر

وكأنني داخلَ متاهةٍ لامخرج منها.

أما من مُرشدٍ يُرشدني إلى السبيل؟!

كما أنني ليس بإستطاعتي تذكر المدخل

، أُصبتُ بالزهايمر المُبكر الذي بدأ يغزو ذاكرتي،

أما من مُرشدٍ ؟!

..

سمعت صوت الباب طلع مفتوح مو مقفول يالله يعني واحد كاعد شفت الحمام البره اشتغل الضوء وطفاه طلع عزا شفت عمي احساان ...!!

يالله اذ يشوفني يكطعني باوعت وين اختل جريت اخواني ورحنه جوه الميز اشرت اشش وخليت ايدي علئ ركبتي بمعنه اذ شافونه يذ*حونه...

همه خطية ساكتين دخل شفت بس رجليه قفل الباب وفتح الثلاجة وراح اي الحمدلله يالله ف*جت طلعت زحف وطلعت اخواني علئ كيف افتح بلباب ...

فتحته اجاني نسمه هوه بارده افييش ...طلعنه لزمت ايد اخواني ورحنه ركض فتحت الباب علئ كيف طبكته أبتسمت الهم ...انداريت علئ باب الله لايوفقككم انشالله مارجع هنا ...

انداريت شفت حسين كاعد يم الباب مالتهم عزا هذا شطلعه...!!!

جان يباوعلي اجه يمي

حسين -:غووح شسوين بهيج وكت وين غايحه؟ ؟

-حسين فدوه صوتك نصي راح اروح مابقه هنا وخر من طريقي

-لج غووح شني والعباس مخبلة وين تولين بهل ليل غوخي اغجعي (روحي ارجعي)

-حسين معلليك بيه ...ومشيت لزم ايدي جريته منه بسرعة ...

-امشي انه اوصلج وين تغحين مبينه قفتلي عقلج موو ...؟؟

-هزيتله راسي هو يعرفني من اعاند علئ شي بعد اقفل باوعت علئ باب

خاف واحد يشوفني حسين مشه كبالي باوعت لبيت ريم اظلم جان...

من يوم ماتت والوضع ليهسه بلمنطقة مو زين يوميه مشكله صايره معقولة ياريم حوبتج طلعت بلكل الي حجه عليج؟ ؟؟

صحت حسين اندار عليه كتله تذكر ريم؟ ؟

-اي الله يغحمه (يرحمه ) غوح احجيلي ليش وين تغدين تغحين تنهزمين؟

-سولفلته علئ وضع ...هو ضاج وعصب يعني معقولة هيج شكد ناس حقفاء

انشالله ابوو فاضل مايبقيهم بس منيلج فلوس مكان وين تغحين ؟

-يم خالتي حسين ديربالك علئ نفسك الله كريم...وصلنه يم الشارع قليل سيارت جانت بس تريلات وكفلي ت**ي

هو راد يصعد ماقبلت كتله ارجع بس عليك الله لادكول لاحد

-غوح والعباس ابو فاضل مامقتنع بشغله وين تغحين اجي وياج

-لالا اني ادبره فدوه ارجع لايجون عمامي ويلزموني خوش

ديربالك علئ نفسك

هو ضاج كال انشالله توصلين بسلامة غاح ابقه ادعيلج بخت ام البنين

وابو فاضل توصلين ... بس غاح اش..وكطع كلمته

صعدت اخواني بلت**ي كتله لكراج العلاوي صعدت سويتله بايدي ودعته

انقهرت راح اعوفه مشت سياره انداريت لكيتة بعد واكف نزلت دمعه عيني

خايفة بس امير مد ايده الصغيره ومسح دموعي ابتسملي كلي لاتبجين ...

درت عيني اباوع للشارع والدنيا ظلمه وابو الت**ي مشغل القران بقيت ادعي نوصل بسرعة كلبي يدك سريع وصلنه وهمه يصيحون بصره كربلاء النجف ...

رحت للسياره صعدت بلكيه واخواني واحد بصفي والثاني بحظني نامو واني بس ادعي غير تطلع السياره خاف يجون ويشوفني يااربي انقذتي ...

حركت السياره لزمت ايد امير قوي يالله طلعنه ...واخيرا جنت اله اشوية وابجي هو اني سوك وحدي مرايحه ...حدي للاسواق لو مدرسة

اكو مره جانت كاعده بصف اخوية كلتلي بنيتي شو دحك علي انتِ صغيره منو وياج جاي؟ ؟

-خاله وحدي اني واخواني بس

-اهلج وين ابوج امج؟اني سكتت مجاوبته سويت نفسي ماسمعت انداريت للجامة فتحته الهوه بوجهي شكد حلو جان وكت طلوع الشمس ...

جنت صافنة المره خربت صفنتي كتله ها خاله

-هاج اقري دعاء ابين منوصل ماطول كاعده....اخذته منه بقيت اقره بي كملته رفعت راسي قريت بغداد تودعكم ......

شكد انقهرت من قريته الواحد صعب يترك الكاع الي عاش عليه انطيت الدعاء للمره وخليت راسي علئ جامه نعست نمت حلمت اجه ابوية ...

جان فرحان گلش ويضحك بوجهي وبصفة زهراء واكفه وحسين وبيبتي

اجه بابا انطاني ورده بيضه حلوه خلاه بيدي باوعتله صارت شوك ودم يجري منه صحت بااابا شنووو هاي...!!

كلي هاي المظاهر لاتخندعين بيه اني ردت اشمر الورده بس جلبت بايدي لزكت بيبتي كلتلي هذا قدرج متكدرين تغيري بس اذ وخرتي شوگه يرجعلج ابيض ...!!!

نزلت عيني للكاع جانت كله حشيش اخضر والغيوم طالعه بس تحولت كله من اخضر صارت صحراء والشمس عاليه وهمه صارو بعيدين عليه ...

بس من اشوفهم جانو مرتاحين وجوهم حشيش بس اني صحراء ...

ردت اركضلهم سمعت صوت ابوية اجاني يگلي مو بسهوله توصلين لازم تعب وتحافظين علئ ورده واختفو ......

كعدت جانت المره تكعد بيه فزيت جانت خاله ايده علئ وجهي وتقره ايات

-ها صحيتي شبيج شفت كصتج مي

-اي الحمدلله خاله كلشي مابيه شوكت نوصل؟

-بعد بعيده مو قريبه ...

انتظرت شوكت نوصل الطريق بعيد اخوني يكعدون ويرجعون ينامون شبعنه نوم ...نمت كعدت وصلنه للكراج الحمدلله اهم شي عبرت بغداد باوعت بس هسه وين اروح شكد غ*ية اني ...!!

ياربي فدوه ساعدني شلت الجنطة وطلعنة من الكراج باوعت منا ومنا طريق وين اروح يسار لو يمين حرت ...

سالت جود وامير منين نروح واحد كال يسار واحد يمين دوخوني تالي مشيت

والناس الي تمشي يباوعون عليه ...عدلت عباتي خاف مخربطة ...

طلعت العنوان مال خالتي اشرت لت**ي كتله وديني لـ هذا المكان ...

وصلني نزلت جنت خايفة خاف ماتقبل بيه واصلا متذكر شكلي...باوعت للباب ياربي ادكه لو لاا شفت المنطقة حلوه بيتهم مبين جبير ...

تالي دگتية محد طلع دكيتة مره ثانية هم ماكو خاف نايمين دكيت واجيت اروح مليت ماكو احد ...!!

فجاه انفتح الباب طلعت مره جبيره بلعمر لابسه بتوت ودشداشته حمره تخبل وشعره اصفر ومرتبة. بقيت صافنة بوجه بعدين دنكت استحيت ...

گالت استغفرلله وطلعت فلوس مدت ايده عزا عباله اريد فلوس ليش عباتي نظيفة؟؟؟

-لالا خاله ماريد فلوس اني

-لعد تردين اگل هاج فلوس وروحي اشتري ...

-لاا شنو هاي اني مو مكدية اريد خالة سلوئ موجودة؟

-ليش ؟؟ شتردين منه

-اريده صيحيه الي حبابه ...عبالك تحقيق كلتلي ادخلي جوه

-لااا ماريد هنا واكفة....وره شوية اجتي هيه اني ابد مانسه الوجه الي اشوفة شفته بس سمنانه اجتي وصوت البتوت من تمشي عالي ...

-منو انتِ عيني تردين شي؟

للحظة اجيت اكله لاا واروح بس مادري شوكفني!!!

-ااا اي اني بنت نوال ...

-اختي نوال ؟

-اي...

اتفاجات بيه صغرت عينه -:انتٍ روح مو گبرانة حلوه صايره امج اجتي وياج شعجب عمامج قبلو؟تعالي ادخلي

-لا اجيت وحدي ...بقيت واكفة بلباب

دمعت عينه -تعالي حبيبتي ادخلي ...دخلت حضنتني وگامت تبجي شميت عطره نفس امي حضنه مثله عبالك امان ...

اني جنت محتاجة وحده ابجي بحضنه بجيت وهيه تبجي -كاافي روح

اسفة بجيتج ...

راحت حضنت اخواني وبوستهم كلتلي ادخلي حبيبتي باوعت علئ طرمة كلش جبيره وحديقة تخبل احلا شي شجر الزيتون والبرتقال يخبلن دخلت

جوه سلمن عليه بنية ومره جبيره الي طلعتبلي بس نظراته حاده ...

كلتله خالتي سلوئ -بااچي هاي بنت نوال اختي...

باچي - تعالي لچ صدك متشبهين امج احلئ جانت تخبل شسمج انتٍ؟؟ ...

روح - اسمي روح

باچي -شلون اسم روح شعجب منو سماج هذا الاسم؟؟

روح -: بابا سامني

سلوئ -: تعالي حبيبتي اگعدي يمي رحت كعدت واخواني هم گعدو

همه يسالوني واني اجاوب بس خالتي فرحانة كلساع تضحكني ...

باچي -:شنو قصتج انتِ شعجب عمامج خلوج تجين ؟؟ وحدج امج ابوج

داحجي بس نزل واحد من درج يكول دخلنه

واحد يصيح هلاا بيج هلا بلمدينه كلهم وحوش وحوووش لااصدكين بيهمم

هههههه لاااصيرين مثلللهم ديربالج يكتلون الميت ويمشون بجنازته...

اني انصدمت بوكته من حجه هيج مافتهمت بس هيه كالتلي هذا عمهم المخبل لاصدكين بكلامة ...

كلبي لعب منه خفت من گلامة جأن كلش حلو شكله اجه گعد كبالي

باچي صاحت عليه عوف البنية حسنين ...

حسنين -: مااا عوفيني اشوف هاي الحلوه تقرب عليه وكلي هاي خبله

معليج بيه اشر علئ باچي وگام يصفك ويغني

تالو الحلوه اجت للديره اجت

تلت شعجب للحين مامرت علينه

وين التاج بيا متان ياروح تلج حنان ( وين الگاج بيا مكان ياروح كلج حنان )

راح صعد فوك اغنيته ضحكني يلفظ الكاء ت شكد حلو…

سلوئ -:روح ماحچيتي ليش اجيتي وعفتج اهلج؟

روح دنكت راسي بخذلان وجريت حسره -: خاله اني انهزمت من اهلي…!

باچي -:شنوو انهزمتي؟ ليش شسويتي انتِ من مصيبة واجيتي تردين

اهنااا تذبين مصايبج

سلوئ -: عمه شمدريج خلي نفتهم القصة يمكن غير شي

باچي -:سلوووؤئ لااتلعبين بذ*لج البنية مسويه مصيبه شمدريج مامصختمه

وتريد هنا تنهزم واذ أمان دره يلعب جوله بينه …

روح :- لا ولله مامسويه شي اذ اسويلكم ضرر اروح منا اني …

سلوئ -:اوكفي عمه عليج القران اسكتي بس خلي افتهم السالفة

احجيلي روح شصاير وياج ليش انهزمتي ؟؟

حجيتلة السالفة كله باجي ض*بت علئ ص*ره انداريت عليه

باچي -:يمه دخيلك ررربي عمج شريف اعرفة نذل بس مو لهل درجه يتحارش بيج.…

روح -:ولله ماجذب وداعة اخواني …

سلوئ -ياربي صخام بوجه نوال شلون ماتنتبه علئ بته ياربي انتٍ عايشة ويه ح*****ت سوده عليه يابوية شلون زمااان كتله لااتاخذين من هاي العائله ماقبلت يعني لوين بعد نوصل ياقذاره وبقت تبجي …

قهرتني كتله خاله اني اروح ماريد اسويلكم مشاكل

خاله تحجي هيه وتبجي سلوئ -: لااا ماخليج يمه ولله اذ حتئ أمان يبقه يعيط بس اقنعه واذ رفض اروح وياج وشيصير يصير ماعوفج وحدج …

باچي -: لا سلوئ خليه تبقه بلمخرن لادكولين لـ أمان مايرضه وكافي بجي

الله يطلع حقج من هذوله الظلام روح.…

سلوئ -:خوش عمه گومي ويايه حبيبتي

گمت ويه طلعت ودتني للمخزن جان بي بس اكل ونظيف كالت اجيبلج فراشات واجي جان اگو شباك اكدر اشوف الحديقة بي بس هيه مضلله…

جابتلي وجأبت اكل بقت تسولف ويايه وراحت طبكت الباب اخواني تعبو نامو بقيت اباوع للغرفة الحمدلله رحمتك ربي معقوله يالله هيج بسرعة استقبلوني كله بفضلك ابقة بغرفه صغيره ولا بيت جبير………

سمعت صوت سياره رحت باوعت سياره عالية سوده مضلله دخلت شفت رجال طويل وضخم لابس قاط رسمي اسود وعنده شوارب حنطاوي.…

عيونه كبار حلو كلش احنه ماعدنه هيج بمنطقته كلهم اقزام ومايعين

خوب بسوك الاولئ اكو حلوين بس مابيهم شخصية …

قفل السياره وراح بس رجع فتح السياره جنت اراقبة اخذ تليفونه

وراح دخل جوه ……رجعت تمددت يمكن هو هذا أمان معقولة بهل جمال

بس ينطي شبه لـ حسنين …وره سأعتين دخلت خاله جابت نساتل وجبس

للجهال …

سالته خاله هذا منو ابو السياره…؟؟

-ابني أمان الجبير

-هاا ميشبهج…

-اي يشبه ابوو مطالع عليه نسخه من ابوه بس بنتي تشبهني

-عندج بنيه شكم وحده

-عندي وحده امال وامان وصفاء بس هذوله يله حبيبتي بعدين ارجع اروح

خاف يگعد …راحت بقيت گاعدة اسولف ويه اخواني هسه امي شلونه ؟؟

لو ابوية خاف يرجع وميلكاني لو عمامي اكيد راح يموتني اذ لكوني

اوف عزا …!!عبالك صحيت هسه شسويت اني !!!

سمعت صوت جيبي نركيلة اهنا اشرب رحت وگفت يم الجامة شفته هوو …

جا**ه كرسي وگاعد جوه شجره برتقال.…اجتي بنية تضحك وانطته نركيلة

هو صوته خشن وعالي يشرب نركيلة ويلعب موبايله بقيت اراقب حركاتة

شلون يسوي بلفحم اندار باوعلي بس هو ميشوفني بس اني اشوفه ……

عزا بس لا شافني يربي شسويت من مصيبة اني …!!

زين همه ليش هلكد يخافون منه وهو ليش يقبل احد يبقه بلبيت ……

مر تقريبأ اسبوع اني نفس حالي من يطلع ادخل جوه …اتعرفت علئ أمال

حبابه والحمدلله عمامي ملكوني ابد …

يومية اراقبة حتئ عرفت شوكت يرجع ماعرف ليش بس احب اباوعلة

حتئ علئ صوته مادري شوگت تعودت بس خايفة لشوكت ابقه هنا خاتله

بليل سمعت صوت عزف گمت شفته هو يعزف وحسنين كباله

گام يغتي بصوت گلش حلو وحزين اتفاجئت بصوته ماتوقعت هيج شخصية يطلع منه هيج صوت…

… بسكوت اون بسكوت

بوي ماوريته لاحد

وفاضحني دمع العين يابويه يجري علئ الخد…

و الناس تلوم ماتدري الصار حقة يابوية……

وگعت دمعتي صدك الناس ماتدري عبالك كلامة نزل علئ كلبي قهرني

گلش اشتاقيت لـ ابوية ياربي اني شسويت زين هو ليش اختفه وين راح…

اجاني امير يريد يدخل للحمام ماكدر اطلع عزا شلون ورطه باوعت عليهم

كام بس شلون راح اخاطر بنفسي اطلع مشكلة ماعدهم حمام خارجي……

بقيت حأيره وامير خبصني تالي فتحت الباب طلعت علئ كيف باوعت من الجامة علئ مطبخ محد بي فتحت الباب الحمدلله مقافلينه …

باوعت للهول محد موجود دخلنه ركض گمل وطلعت دافتح بابا المطبخ وحسيت احد وراية واكف مد ايده لزم ايدي ……

لاا اكيد هو عزا هسه شكله راح يطردني بهالليل انداريت غمضت عيني قوي

بس سمعت عالي روح رووح تاعده لييش هاا شـ شثوين…؟؟

بسم الله طلع حسنين وكف كلبي اجيت اض*به من الصدمة ولله …

وگف كلبي فتحت الباب أمير راح واني ردت اروح خاف يجي بقه لازم ايدي…

-حسنين اريد اروح وخر

-مااااعوفج ابقي ثولفي وياي ضايج

-شسولف؟

-عندي بنيه جانت بتدج حلوه تلش

-صدك لعد وينه ؟

-تتلوهه بنتي تتلوهه خاف انتٍ هم فديوم يتتلوج ديربالج

-شنو منو كتله؟

-خلي اصيح أمان يجي يغني نرتص اني وياج

-لاااا حسنين عليك الله خلي اروح أسكت

بقه يعيط-مااااا مااا اماااااان اماااان نعييم امااان…

بسرعة فتحت الباب وركضت للمخزن بس لا كله يمه بس لايعرف مكاني بقيت اكل باظافري من الخوف …

ياربي بليل وين ارووح …ارحم بهذوله الجهال باوعت من الجامة انفتح باب المطبخ ويكله خاف تشاقة وياي وينه ؟؟

حسنين -: لاااا لا جج جانت هنا واتفه ووتثولف ويايه وتتله بنتي ماتت

واثمه روح

أمان -: عمي خاف متوهم ماكو احد امشي نرجع أنام …وراي دوام

الحمدلله راح وگف كلبي زين هو حسنين مو كالت مخبل اشو يحجي وعادي وامان يصدك بكلامة ولله دخت ……

ثاني يوم راح هو واني طلعت شفت خاله تغسل بلطرمه كتله عوفيه اني اغسل من كوه قبلت …ولله زين مدلله اهنا

جنت اغني واغسل وشاده دشداشة علمود مضوجني وشعري كباية مسويته باوعت حديقه تخبل ترد الروح …جنت أغسل مامنتبه للباب منطيه ظهري

وبغير عالم رايحه …

بس سمعت صوت منو انتِ ؟؟ اول شي مانتبهت عبالي احلم بس عاده

بصوت عالي منو انتِ مو احجي وياچ ؟؟

انداريت شفته أمان عزا …!!

شجابه شسوي هسه جنت لازم الصونده من انداريت الصونده ويايه كمت ارش عليه …

تنكع وهو يصيح كافي واني بس صافنة ماعرف شسوي عفت صونده وركضت جوه بلمخزن قفلته …

يمه ياربي هو ليش هيج مايقبل شسويتله قابل؟؟؟ باوعت بلجامة دخل جوه وره شوية طلع سمعت صوت خالتي

دكله عووفه عليك الله لخاطري....

هو صاح ادددخلي جوه واجه علئ باب حسيته راح ي**ره انفتح

**ره وعيونه كوله غضب انفتح الباب قوي رگعه لزمت اخواني حضنتهم خافو ……

صاح بصوت عالي شجاااابج هناا؟؟؟ شتردين ليش اچيتي؟

يمه گمزني وهو يباوعلي عصبي ياربي الحكني اجتي خاله وره دكله بس افهمك عوفه

أمان -: يمه لخاطر ربج ادخلي …ماريد واحد من هاي العائله

منين اجتي هاي …

سلوئ -: لك عووفه عليك الله أمان مظلومه ولله

هو ماسمع گلامه اجه تقرب كال كوومي بسرعة اني وكفت خليت عباية علئ راسي وكلشي ماحجيت راح مشه بقيت اباوعله منتظره رده

اندارلي كلي تعالي وراي …راح فتح باب سياره

-لا هاهيه اني اروح

-اصعدي كبالي يله يعني مانخلص منكم فديوم استغفرلله …

صعدت هسه لو اعرف شبي ويايه ليش يكرهني حتئ ماعرفه …

مشه وهو يسوق سريع لازمه كلبي خفت لايسوي حادث ياربي الحكني …

وصلنه باوعت للمكان كراج الي اجيت منه وكف السياره وكلي روحي ارجعي

منين ماجيتي …

-لا مارجع

اندار عليه يحجي بعصبيه -: شكتلج أني ماتفهمين؟؟؟ ارجعي

من مااااجيتي

-مارجع ولاتخاف ماجي لبيتكم بعد صدك الناس قلت بيه الرحمه …

اجيت افتح باب السياره لزمني من فگي :- الرحمه موجوده بس مو الكم

معايزني بس انتِ تعلميني الرحمه روحي علمي شريف …

-اثنينكم نفس الصنف ماتختلفون …نزلت من السياره ونزلت اخواني لزمت ايدهم باوعت ياربي وين اروح؟؟؟

درت راسي باوعت علئ سيارته نزل الجامه كال هذاك يصيح بغداد

روحيله …

لبست الجنطه لاخواني ومشيت ماهتميتله مارجع لبغداد مو بگيفه يرجعني

مشيت خطوات اني ولازمه ايدهم الصغار ياربي وين اروح باوعت جانت الشمس تضوي بعيني والعرق من وجهي مبين باوعت اخذ ت**ي بس وين اروح…؟؟

انداريت شفت سيارته موجودة لعد ميروح شعنده واگف گمت امشي سريع اريد اضيع سياره ماريد اشوفه وجه بدون رحمه ……

ماحسيت بس امير يصيح تعبت اريد اكعد ررووح

باوعت شارع عام بس جانت اكو صبه

عبرنه الشارع رحنه كعدنه عليه الشمس تض*ب بعيني

كمت اهفي بلعباية عليهم خطية …ياربي بهذلت حالهم بيدي عمت عيني عليكم …

باوعت وكفت سياره بيضه نزل منه اثنين شباب واحد

منهم -: تعالي اصعدي ويانه ليش وحدج ؟؟

-لا خوية تسلم

-ليش ياعيني تعالي ويانه نوصلج وين ماتردين…اجه تقرب عليه كال حتئ فلوس ننطيج

-لاا شكرا ماريد گمت لزم عبايتي جريته منه اجه ثاني لزم ايدي الشارع فارغ

واخواني خافو حرت شسوي …

-ياخي عوف ايدي ماريد توصلني شطلعت هاي لزكه

-اي ليش نونسج اذ ماعندج مكان ننطيج

-لا اخي مااريد …جريت ايدي ردت اركض بس همه اقوئ مني لزموني فتحو باب السياره رادو يدخلون شفت أمان اجه ديمشي بتجاهي …

بقيت ادفع ماقبل اصعد اجه أمان لزم ايد الولد الي لازمني وض*به ض*به قويه من يمي خفت …احمدلله اجه دخيلك يارب استجابيت

الولد صاح عليه منوو انت ليش تض*ب؟

-شلوون تلزم ايدده شنو وين الاخلاق حضرتك طافره منك موو لو واحد لزم ايد اختك طايح الحظ

-منين تعرفه احنه جنه نريد نوصله

-راح تبقه تمضرط لو اخذك وياي للمركز اعلمك الحجي؟؟ تجي وياي

نتونس ولله

عزا اني اباوعله ومصدومه شلون يحجي اول مره واحد يدافعلي اللله شكد حلو شخصيته يحجي ابرود ميخاف …جنت صافنه اباوع عليه مشكلتي من اصفن بوجه احد ابقه صافنه ماوخر عيني …

مانتبهت اله سيارته رايحه هو فززني -كملتي صفنتج شنو بويه مضيعه

شي بوچهي ودحكين عليه؟ ؟

-لاا اسفه بس ليش أجيت شمدريك؟ ؟

-مناقص غيره مثل ماگلتي ولا مثل عمج شريف..! مو گتلج ارجعي لبغداد

ليش تعاندين؟ ؟ اهنا ذيابه ارجعي لبيتگم

-لاا مارجع ذيابه هنا احسن من هناك.… شكرا علئ مساعده لا تخاف مارجع لبيتكم ماصير ثكيلة علئ شخص يله امير جود امشو نروح

-شگد شفت اغ*ياء مثلچ ماشفت وين تولين قابل؟؟ ترئ لخاطر امي وعدته اطمن عليج يله ترحين

-ارض الله وسيعة ما حتاج مساعده منك

جان لابس نظارات و حاط ايده بجيوبه -وين ترحين هسه ؟

-ماعرف.! مشيت خطوات عفتة ورايه صاحني

-بل بداية البسي عباتج عدل ثاني شي ممنوع تولين حضرتج واني بعدني

احجي وياج فهمتي

باوعت علئ عباتي شبيه عزا طلعت واكعه من راسي شلون ماحسيت بيه يمكن من جره خرب حظي وين بالي عدلته اندرايتله

-شترريد يااخي مني؟؟ مو طردتني من بيتك خلي اشوف مكان نكعد بي

لو ناوي تبقة تحججي براسي ووترزل كلكم نفس الصنف ..!

حجه بعصبيه وحااد بس بهدوء -قسسم بالله لو موو بلشارع جان علمتج الادب اذ قارنتيني بعمج العار مره الثانية اله احركج امششي كدامي …

حسيت نفسي فشلت هوو صدك وين اعرفه حتئ اقارنه بي خرب شكد غ*يه حجيت بصوت ناصي -وين امشي؟ ؟

-لجهنم امشي للسيارة هناك صافه ليغاد …

-وين تاخذني؟

-لا تخافين عندي عرض واخاف عليهم امشي ارجعج للبيت ماطول عاندتي

ماگدر اعوفج بلشارع…

فرحت بداخلي الحمدلله بس مابينت اله اجه اخذ جنطه مني ومشه مشيت وراه شطول لعد شكد قزمه اني لو هوو هيج طويل دخت…!!

بس شبساع غير ملابسة مو نكعتهم اله ولله غريب ساعة يعيط وميريدني بلبيت يطردني وهسه يرجعني دخت بي يمكن خاله قنعتة …

وصلت للسياره صعدت ليكدام واخواني ليوره شغل تبريد الله صاار بوجهي

هوه باارد وين جنت بلشمس لو من البداية ماخذني …

أمان -: صدك عمج العار متحارش بيج؟؟

استحيت من سواله فشلت حيل خجلت صعب سواله كتله بصوت نااصي

-اااأي

-خوش هاهيه وابوچ وين اختفئ؟ ؟

-ولله ماعرف كال رايح يشتغل بلنجف يودي الزوار بلعربانة راح بعد

مارجع

-هاا بس الاعرفه عمامج عدهم فلوس وضباط ليش يشتغل؟

-مينطو الفلوس

دار وجه للجامه البصفه اخذ حسره گال -ها زين

-انتُ شمدريك ضباط؟ ؟

-اعرف بيهم …يله هواي سالتي هاهيه

حسرتني الضحكة من كال هيج هو منو اليسال اني لوو هو ولله مبين خبل مو عاقل …