الفصل الرابع

3035 Words

ګأّنِنِيِّ بِحٌر أّرهِقِتّهِ أّلَعٌوِأّصٌفِّ وِمَمَرأّتّ أّلََّسفِّنِ أّتّدِريِّ مَأّ مَعٌنِئ أّنِ يِّتّعٌبِ أّلَبِحٌر… ... -ماشيله انطوني فلوس العلج الخذتوو …انطوني خمسميه ورحت ركضت اشتريت طماطه وبتيته وخيار وبصل وخبز فرحت بلفلوس بس حزن بكلبي ضميته… رجعت غسلت خيارتين كتلهم اكلوو وهسه اسويلكم بتيته وطماطة همه فرحو رحت القنينه مخلصه رحت لبست عباتي باوعت لبيت عمي شكد ضخم وجبير بس ماطلب منهم دكيت الباب طلعتلي ام حسين -: هلاا يمه زارتنه البركة ادخلي -تسلمين خاله بس اطلب منج طلب -اطلبي حبيبه شتردين امري -ماعدنه قنينه واريد اسوي الاكل عادي اجي بس اكليهم يمج -اي طبعا شتردين اكليلج مطبخي مفتوح الج … -اريد اسوي بتيتة وطماطة لاخواني …فدوه -روحي لبيتكم واني اكمل الاكل وادزلج بيد حسين -هسه اثرمهم الج واجيبلج ……ماقبلت هيه اله منه اسوي رجعت للبيت فرحانة واخيرا اخواني راح ياكلون مرات الغريب يصير احسن من الكريب اجه امير - رووح جعت كلش كمت انطيته خبزه وخليت بيه خيار اكله سوده عليه الفقير هيج يبقة الحمدلله علئ كل حال … ندك الباب رحت خليت عباية وطلعت اجه حسين وصينيه جبيره بيه جداري وطاوه جبيره روح -: يا حسين هاي هواي النه كلهم -اي امي دزتهم الج بس اخذي الصينيه خلي اجيب القنينه … اخذت صينيه دخلت اجه حسين انطاني قنينه ثكيلة هواي بيه كلش فرحت شكرت منه اخذت قنينه بلمطبخ باوعت الصينيه فتحت الجدر بي تمن هواي دخلت ريحته لخشمي افييش شكد طيبة ريحته… فتحت الجدر الثاني بي فاصوليا حاره خليت راسي ااحراره مالته بوجهي وريحته وبيه لحم مديت اصبعي ضكته …شكد طيبة خليت الجداري وكمت صبيت الحمه اخذت نصه وديت لخواني كعدنه ناكل وهمه يضحكون فرحانين بل اكل …فلست الحم الهم بقيت اغمس الخبزة بلفاصوليا افيش … المواعين انمسحت كلشي مابقة بيه …امير بقه يدك علئ بطنة ويضحك يكلي ررروح شبعت … كملت غسلت جدورتهم وخليتهم بلصينيه رحت وديته الهم كلتلي ادخلي ماقبلت اخواني وحدهم …ورجعت بقينه ناكل بل اكل اخر شي اكلنه البتيته وطماطه …اجه بابا جان حيل تعبان فركت ظهره انطاني خمسه ضميته … اجتي بيبتي النه هيه اكثر شي يم عماتي كالت امشي نروح نزور بلكاظم والنجف وكربلاء فرحت حيل رحت غسلت عباتي …صدك زياه تخبل جانت حيل فرحت وبيبتي اشترتي دشداشتين موردات وحده حمره والثانية وردية رجعت جنت تعبانة بدلت لاخواني ونمنه دكو الباب قوي بابا كام يشوف طلع عمي شريف يريد اوح مسره تريدني وبابا ميرفضله طلب… لبست عباتي ورحت دخلت سحر كالت شكد همجيه وصخه حتئ استحي اكول للناس انتِ بت عمي ولابس عباية فوكاهه -علئ كيفج عيني اليسمعج يكول انتي من المنصور لو كرادة هو انتِ هم مدينة الص*ر وهااي العباية اخلااق امشي علئ نهج الزهراء الحمدلله اهم شي الستر …… مسره -: اي ابقي بهاي همجيتج سحر لاتعلميه ولادكليله ديربالج دكولين لصدقاتج هاي بنت عمي شيكولن عليج هناك بلمدرسه امه مسودنه وهيه وصخه … -الحمدلله هذا حالي بس بداخلي نظيف ومستووره مو نفس باقي الناس اتختل بزواية واخابر ولاا خاينة فديوم الله يوفقه الي اخترع المثل من فوك هلا هلا ومن جوه يعلم الله … مسره صار وجه اصفر -:اسكككتي لج لاتتجاوزين وعلي ترئ اكل لشريف عليج يله روحي اغسلي الزوالي جبتج موو تلغين زايد … ضحكت وهيه مشت كبالي بلغرفة كالت هذني شيلهن وطلعين بلطرمة اغسليهم اني ماكلت لا …شلتهم اثكال 3 اكبار بقيت اغسل والكاع صارت كله تايت ازحلك كمت جاي اجيب الماسحة ماحس علئ نفسي برمشة عين غير طرت وكعت علئ ظهري حسيت نفسي ااانشليت باوعت بت عمي حنين كمت اعيط اجوي شالوني واني بس اعيط … نموتني اشواق علئ بطني ورفعت دشداشة اشوف ظهري شهكت باوعتله صار وجه اصفر كتله هاا عمه احجي فدوه…عاف*ني وطلعت اجه عمي وهيه دخلت كتلهم احجووو لاا اعيط كالت يمعززاية شمسويه هذا ظهرج ازررك صاير -اني لوو بنتج الحقيره اللله لااايوفقكم لاا ينطيكم حقيرات …اخذني عمي للدكتور خلالي مرهم واشتريت دوه ارتاحيت رجعني للبيت جنت متحلفه لحنين… جانت كاعده بحضن امه وتبجي امه كالتله هاايه مو كتلج مايصير بيه شي حنين. ضحكت -: اي صدك مايصير بيه ماتموت اني ركضت. رحت لزمته ايده وعضيته عضه مال الجلب مو هيج وملخته من شعره.… ارتااحيت بس اجه عمي جرني من ايدي ودخلني للغرفة قفل الباب … خفت كلش منه انكلب شكله عبالك قرقوز صار دفعني علئ جرباية وراح جاب القايش مال مبرده غمضت عيني قووي… -انطيتج عين زايدة كلش موو …!! اجه كام يض*ب بيه قوي كمت اشهك من الوجع ات**رت ت**ر كل ض*بة اقوئ من الثانية الله لايجربة لبشر كمت اصيح يالله عليك الله ساااعدني كل ماذكر اسم الله يزيد … حسيت جسمي من الكتل خدر واني مستمره اكول يالله…!! هو تعب راح مني ياربي بعد شنو من ظلم اشوفة اكثر تعببت نزلت دمعتي باوعت للسكف شوكت تاخذ امانتك؟؟؟ شلت ايدي باوعتله حمره صارت مطكعه وحده حمره وحده بيضة الله لايوفقه **رني كمت اعوج لبست عباتي مسحت دموعي بقيت اواسي بروحي -ميخالف روح يله روح امشي ربج يطلعه بي الظلم عمره ميدوم … طلعت شفت مرت عمي وابنه يضحكون عليه تفلت بوجه صدك قهرتني ولله يعني اني متوجعه وهيه فرحانة …ابن عمي ضاج لزم ايدي وعوج اصبعي -مااااعاش الي يهين امي فهمتي؟ ؟ يمه العظم طك شهكت روحي صعدت فتحت عيني حيل من الوجع عيطت مشو راحو ولا يمهم واصبعي ماكدر احركه لزمت ايد شفت واكف وصار ازرك اخ والوجع يكتل……!!! -بقيت اصيح ماااراح ترتاحون ولله ماراح اشوفون الخير فديوم الله يطلع حقي منكم … رحت ركضت طلعت وصلت لبيتنه كعدت بلطرمة كمت اشهك وابجي يااااااربي ساعدني راح اموت اصبعي ظهري جسمي كلشي يون عليه … مووو انت انت ياربي مو متقبل علئ عبدك هيج ليش شسويتلك اني؟؟؟؟ اذيتك بيوم ولله اصلي الصلاه بوكته واصوم وعباية لابسه من سادس … اجه ابوية ركض اجاني -شبيج بووية احجي شصااير وياج -تتتعبت تعبت سويلك حلل لاخوانك لا ولله اصير مجرمة واكتلهم كلهم تعبت شسوي كلللي اشو خدامه عدهم من يوم النولدت وبس يكتلون بيه حضني -: اششش شسوي يكتلونه كلنه حكم القوي علئ ضعيف ماعندي غير الله يف*جة فد يوم اصبري -ليوين اصبررر تعبت كتلك مليت باابا خلي ننهزم نولي منا -وشلون نعيش؟؟ منين بيت منين فلوس فكري روح قبل لاتحجين… كام طلع بره انقهرت عليه هو هم شذنبه اوف ياربي … بقيت اسبوعين مارحت ولا شفتهم يدزون عليه اطلع حجج جانو عود يردون يقشمروني عود بيبي تريدني بس ماقبل اروح…… جنت كاعده اشخبط علئ اوراق اجه بابا كلي لچ روح امي حييل مريضة ليش ماترحين اشوفيه كمت وكفت بسرعة -صدك شبييه -مريضة كلش البسي عباية وامشينه نروح رحت علئ سريع حتئ لبست عباية بلمكلوبي يااربي كلشي ولا بيبتي لاتاخذه ماعندي يصبرني غيره …رحت شفته بل فراش نايمه وحالته تعبانه كلبي لزمني كعدت بصفه بقيت اسولف ويه وجه اصفر ومن كوه تحجي دمعت عيني …! -حبووبة يهون عليج تمشين وتعوفيني وانتِ تدرين محد يردني عليه الله ابقي … -لا بنيتي طولت بعد صرت عجيزه خليني اروح يم ارحم الرحمين محد يريدني بعد ويملوني ولدي واعرفنهم محد غزر حليبي بيهم بس ابيج انطيني مي عطشانة رحت صبيت بلكلاص وداشربه كيفت شربت هواي كامت تشهك اني يمه كلبي وكف شمرت الكلاص وكع من ايدي وكفت ايدي ضلت ترجف سمعت صوته دكلي تعاي حبوبه بعدني مامتت …يمه اني سمعت هذا الصوت خليت راسي علئ حايط ماحسيت غير ابويه يصحي بيه كمت بسرعة اريد اروح يمه احضنه اشبع منه هيج احساس يجيني ماااعرف شنوو هذا الاحساس خوف علئ رعب احس راح افقد شي من كلبي جزء … رحت فتحت الباب شفت ماما توكله شوربه وبيبي تاكل ودموعه علئ خده دكله اذيتج اني هواي طردتج وكتلتج بليله ظلمه ماما جاوبته -كافي عمه محالله ومبرية الذمه علئ كلشي الله يدري شكد احبج ولله وكامت … دخلت بقيت اسولف ويه وهيه تسولفلي علئ ايام قبل حيل فرحت كالت من جنت صبيه وصغيرونه جنت اخذ خيره للنسوان اخوي بل ايد بس هسه محد يدري بيه استحي -صدك حبوبه عليج الله اخذ*لي -مديلي ايدج بس هاا احفظي زين خوش مديتله ايدي واني فرحانة كلش باوعت لايدي جرت حسره اوف يابنتي طريقج عذاب بعذاب … -اي بيبي اعرف …باوعت كالت ولج راح تعشكين بنفس السكف يمه اني كلبي وككف من كالت نفس السكف بس لااا طاهر لا يحظي -صدك حبوبه يدافعلي؟ -ها ولچ شو جنج عجبنج… السالفة انتٍ ماتبقين اهنا مو مصيرج بعيد … -اي حبوبه فهميني وين مصيري لعد؟؟ زين اكمل جامعة؟ يصير عدنه بيت نخلص من عمامنه -بعد فتره قصيره تذبين اشخاص وراج …يله تعبتيني من اساله وانه عيني مو كويه مثل قبل خربت لزمت ايدي باوعتله كتله علميني حببابه -لا هو من الله خبره مو اعلمنج … رحنه بهذا اليوم بقينه بتنه مارجعنه للبيت نمنه بلهول بس اني خايفة ماكدرت انام ذيج الليله تقريبا الساعة 3 الفجر بده عياط سمعت عياط عمي شريف !! صوته يعيط -: وولج يمممه وين عفتينا لهنا ولج يمه اكعدي سمعيني صوووتج يممه !! بلحظات كلشي نكلب جانت ليله هدووء صارت عباره عن عياط بابا كام يركض خطية رحت للغرفة لكيت مغطينه كعدت ابجي حييل احبه دائما توكف ويايه وبكلشي ساعدتني حتئ من راح للرضا وسوريا اخدتني ويه من كتلوني علمود تونسني ليش هيج يااربي … رحت ركضت يمه رفعت الجرجف عيونه مفتوحه سدتيهم وجه اببيض بقيت ابوس بيه ااصحي بيبي لاتعووفيني وحدي فدوه اصحي … ماحسيت علئ نفسي اله اني بلمستشفئ ضغطي نازل بقيت الفاتحة 3 ايام بلمستشفئ …كل ماذكره اكعد ابجي ليش الناس الحبهم يموتون ليش؟؟؟ جانت اكو بنيه كدامي بلمستشفئ. كاعده تبجي رحت يمه سالته شبيج انطيته كلينس …مجاوبت بس تبجي -شبيج حبيبتي اهدي شصاير وياج احجيلي كافي دموع ؟؟ -جنت احبه اموت عليه استشهد مااات ماات جان حالف يبقه يمي ماات راح مصطفئ ماااات حضنته حيل قهرتني -: اششش حبيبتي هذا امر ربج اني هم بيبتي ماتت واختي بس احنه مراح نموت وراهم بهذا الوكت جنت اريد واحد يواسيني بس ماكو كعدت اواسي الناس… هيه مسحت دموعه كعدت يمه -: يله اهدي هو اذ يشوفج هيج تبجين راح ينقهر ويضوج -جان هو الوحيد الي يحبني هسه يردون يزوجوني لـ ابن عمي واني احبه بس اله ماريد اصير لغيره … -ارفضي عانديهم -هم اقوئ مني ابوية كلشي يسوي لخاطر الفلوس ويجبرني اقبل واني روحي بعده متعلك بمصطفئ ماكدر انسه هو استشهد علمود الوطن كتله لا تروح ماسمع مني …شفاااادنه الوطن هسه شفاادنه؟؟؟ -اشش حبيبتي شنسوي هوو هذا يومه اخذ الشهاده اله فخر بيه ابقي ارفضي حتئ لو يكتلوج يكطعوج لااتقبلين رفعت راسه باوعلي حجت بصوت ناصي -: لاا اني ناويه انهزم اجيت اهنا بس انتِ اعتبرتج اختي لاتحجين لاحد لزمت ايدي باوعتله شنو هاي اثر جكاير موو ؟؟ جريت ايدي منه -: شلون تنهزمين وين ترحين فكري بنفسج امج اهلج شراح يسون العالم ذيابة -ماااكدر لازم انهزم امي متوفيه انهزم احسن من الذيابة العندي صدك ماعرفت اسمج شسمج انتٍ؟؟ -الله يرحمه اسمي روح وانتي شسمج -اسمي يقين ليش انتِ وحدج ماكو احد وياج ؟ -لا مو امي جانت هنا بس راحت تنام وانتِ منو وياج؟ -اني ويايه ابن عمي واخوي ومرت ابوي -شلون راح تنهزمين لعد؟ -اروح لاي مكان بكربلاء اهم شي ماخون مصطفئ …انتِ ماتفتهميي هذا الشي اله اجربي بس عادي اطلب منج طلب فدوه حبابه ؟؟ -اطلبي يقين -: ترحين وشوفين اكوو ولد طويل ضعيف جنه سلبوح لابس قميص برتقالي واكف بلباب حبابه -بس غلط هذا الشي ميصير تنهزمين… -رووح ماكدر اخون مصطفئ حلفتله اني اله راح ابقة احافظ علئ نفسي اله من ياخذ روحي الله علمود اوافي بعهدي اله …هو مات بس بقه عايش بداخلي -اوف ولله حيره …كمت وشفت ماكو هوو ماموجود ولد اصلا كتله وخرت المغذي طلع دم شلعته قوي …وسدته جوه الجرباية جان جنطة طلعت بوشية وبنطرون وقميص لبستهم علئ سريع اجتي باستني -شكرا لان وكفتي ويايه مانسه فضلج الي انشالله الزمن يجمعنه -دقيقه شو مالبستي عباية؟ ؟ -اني مالبس عباية ماعرف امشي بيه …يله اني رايحة انتِ واذ واحد سالج كليله جنت نايمة ماعرف … -خوش ديربالج علئ نفسج يقين -ههه ولله حبيتج تجين ويايه …يله خيه ديربالج علئ نفسج مع السلامة وراحت طلعت انشالله مليكوه وتوصل بلسلامه خطية نمت كعدتني امي اجه ابويه كلتلي يله امشينه اخذت غراضي دخلو 3 رياجيل واحد حجه بيهم - اكو بنية هنا جانت نايمة ماشايفين وينه بابا جاوبه لا ماكو بنية هنا يمه كلش خفت من شفتهم واحد يباوعلي بقيت افر باعيني بس ردت اطلع علئ سريع لبست عباتي وطلعنه …… رجعنه لبيتنه اذكرت بيبتي كعدت ابجي عليه وين راحت وعاف*ني اجه بابا گال امي الله يرحمه سجلت البيت بأسمي ولازم نرجع هناك نعيش امي جانت تدفعلي فلوس ايجار هسه منين اجيب … ماجاوبت ولاعاندت جنت حيل مدمره علئ وفاه بيبتي امي نسيت مامنطيته علاج رحت جاي انطيه حباية بقت تصيح عليه روحي روحي اني اخاف منج انتِ منوو …؟؟ -تعالي ماما بس اشربج حباية. -تردين تكتليني موو وين امي اريد امي روحي مناا… -ماما شبيج حبيبتي ماذيج بس اشربج دوه اطيبين … -ماريد روحي اخاف منج …!! گمت رحت صحت بابا يجي يشربه لان ماتسمع مني اجه هو يريد ينطيه -تعالي نوال حبيبتي هاج دوه -مااا وخر وخر اني اخاف من الجلب اني ضحكت بابا كله خلفله عليج علويه سويتيني جلب !! ثاني يوم جان لازم نلم غراضنه جنت حيل نقهوره لان راح نرجع هناك رحت وديت ملابسي احسه خنكه بدون بيبتي … شلنه رجعنه هناك يومية شغل براسنه وماما تخبز ومن تجيه الحاله ميقبلون انطيه حباية مرت عمي مسره تكعد تضحك عليه … طلعت اربعين بيبتي شبعنه قهر هناك رجعنه للبيت اجتي اخت بيبتي من البصره ماتدري ميته اول مادخلت من الباب بقت تصيح ولج اممميره ياخيتي اجيت انشد وادور وين صاحبتي لگيت الببيت فارغ والولد يبجي …!! حضنته بيه ريحه منه بقت تبجي اجه شريف سووه نفسه عينه كوه يدمعه …دخلنه جوه سولفتله شلون ماتت هيه تنعي بلزايد … اجتي مسره صاحت عليه يله كومي فرشي جعنه نريد ناكل وره يجي الصباغ يصبغ الغرفة مال عمه اخليه لبنتي الصغيره اريد اسويه اله … اخت بيبي اسمه نعيمه سوت هاي الحركة بايده ضاجت كلش من كلامه -:خايبه روح صار البيت لمطيره وطارت بي فرد طيره …اني اروح ماريد اكل شي من هاي المسمومة -ليش بيبي ابقي وين ترحين ؟؟ -اروحن لخوي مشتاكتله يله حبيبه اشوفنج عروس انشالله… راحت انقهرت هيه شويه تونس بس صدك حجايته صار البيت لمطيره وطارت بي فرد طيره جنه ملتمين علئ سفره طاهر --: ماطول گلكم كاعدين عندي حجاية الكم اني اريد اخطب روح وباوعلي وجهم كلهم صارت سفره -اااني ؟؟ -اي ليش اكو غيرج؟ انتِ … شريف -: اي هو ابن عمج واولئ بيج من الغريب وين تلكين هيج قسمة انتِ؟ -لاا مستحيل اقبل لو تكتلوني …كمت بسرعة يمه اني ازوج وابني يصير جده شرريف وابو طاهر وامه مسره االعب شبيه مخبلة … رحت دخلت الغرفة حسيت واحد فتحه انداريت طاهر دخل -موو اني الترفضيني فهممتي اله اندمج -علئ بخيلك اركب شسوي سوي مازوجك… لزمني من ايدي واتقرب عليه حيل لزم دشداشتي فتح السحاب مالت من فوك دفعته قوي -حقير مااتستحي اني عرضك لاتخلين اعيط اطلع بره اجه مره ثانية لزمني من فكي وجان كلش عصبي ض*بني راشدي مااهتميت -بس هذا الله كدرك عليه موو يله اطلع -لا الله كدرني علئ كلشي تقرب باسني بشفتي يعض قوي حيل توجف دفعته تفلت بوجه وصحت بااااباااا هو راح طلع … رحت بسرعة كبال المزاية شفت شفتي مشكوكه من وره هذا السافل ورمت رحت جبت امير وجود ونمت حتئ مواعين ماغسلت اجاني بابا باحاجبه مثل الدم ملزوك كال روح اني رايح ارجع للنجف اشتغل -ليش بابا ؟ بعد ماكو بيت مو هذا ببتنه وخلي اخوانك يصرفون علينه -لا هذا البيت مو باسمي سجلته باسم شريف -ليش ؟؟؟ -احسن روح ارجعي نامي انتِ ديربالج علئ اخوانج -بابا هددوك احجيلي ؟ شصار …!! -روح لاتعاندين سويت لمصلحتكم ماقبل يسولفلي وراح طلعت وره ذبيت مي …كلبي نغزني گعدت ثاني يوم جبت المكناسة واكنس بلهول جبت وصله امسح جام صرت وره البرده جانت بنفسجية دخلت مسره وبنته يسرئ جانت تبجي مسره سدت الباب … مسره -: بس كليلي وياامن صخمتيه …؟؟ يسرئ -:يمه قشمرني ولله ضحك عليه كلي اول وتالي نزوج جان يومية يوكفلي بلركن حسيته صدك يحبني شسوي اذ*ح روحي …! بس حست مسره تض*ب بشنو ماشفت -:لج ترردين تفضحينه تالي عمرنه شريف لو يدري يذ*حنه اااثنينه شلون سلمتي نفسج…؟ زين هو اخذ عذريتج كليلي لاا -اي يممه اي وبجت بل زايد اني جنت كلشي مافتهم اطرش بلزفه بس احب اسمع بس بلكت ينفضحون ويذ*حوهن الحووبه تطلع وعلي … مسره -:باعي راح اروح اتفق ويه دكتوره تسويلج عملية وانطيج لان خاالتي اذ فتحتي حلكج اشكه اني اختنكت من البرده غير يرحن ماصدكت كامن بسرعة طلعت اخذت نفس مر اسبوعين وابوي ماكو ومسره ويسرئ كلش كثرن طلعاتهم … حيل اختنكت من البيت التنظيف والطبخ كله عليه والجامعة ماقبلو ادخله وعمي احسان شال بغير بيت وعمي شريف اخذ راحته جنت بليل اصفط بل مواعين دخل عمي شريف يطوطح رحت ركضت اله لزمته … شميت ريحته مو طيبه -شبيك عمي؟؟ -انتي منو لچ شنو هاي الجمال شنو هاي الركبة البيضة -شنو عمي شبيك؟ خلاه ايده علئ ركبتي يتلمسه -لج اموت شنو هذا الجمال وين غايبه عني يمه اني عفته وركضت هو وكع علئ وجه وركضت جوه قفلت الباب شهل قرافه …!!هذا عمي عود بعد بيمن اثق لعد حضنت اخويه ورجف من اذكرته يارب شكد قذر غير يرجع بابا ولله مابقه هنا … الصبح طلعت صار بوجهي يفرك باعينه صاح اريد ريوك بسرعه ركضت خاف يتقربلي … رحت اسويله ريوك انشالله زقوم يطلع عليه …سويتله وديتله الاكل شفت امير يمه ومفرفح من البجي … رحت ركضتله شبيك حبيبي رفع ايده محروكه بلجكاير بسته اله -ليش هيج اسوي مو جاهل -ماكو نفاضه مو صحت عليج جيبي نفاضه ماجبتي … اخذت ورحت للغرفه هو يبجي يكول ماريد ابقه هنا … كتله هاهيه حبيبي راح انروح منا …جذبت عليه بس استمر هذا الوضع جنت اقفل والغرفة من اكمل تنظيف ويسرئ كامت تحف وهيه امه يطلعن ساعتين يااربي موو بيت عبالك استغفرلله … جنت اشغل قران يجون يديرونه وعمي استمر يشرب يجي بليل متاخر كمت ماطلع …ابوية اختفه جنت كاعده اذكرت يقين من كالت انهزم … صدك انهزم احسن شي ماعندي غير حل دخيلك ياربي بس وين اروح !! عادي ارض الله وسيعه رحت جبت جود وامير كعدت سوه كتلهم راح نروح منا خوش … جود -روح وين نروح -نشوفلنه اي مكان ارض الله وسيعه حتئ لو اشتغل ونلكه فد مكان … بس لادكولون لاحد … منا لليل اذ ماجه ابوي اروح رحت جبت الجناسي مالتنه ضميتهم جنت ادور بغرضي لكيت ورقه …!!! فتحته جان ويه 50 لگيت عنوان خالتي يالله معقوله انت دزيته الي استغفرلله ضميته بملابسي حمدلله لكيت فلوس اروح لخالتي واذ ماقبلت اشوفلي غير مكان اهم شي مابقه هنا … حضرت جنطه مالتي مال مدرسه ومال جود خليت شكم قطعه ملابس وحضرت عباتي والمسمسكات ضميتهم بيه …! ماعرف الشي الي اسوي غلط او صح بس لازم احافظ علئ شرفي واخواني شنو ذنبهم هيج يبقون بهذا الظلم …ماتحمل اكثر …وابوية اختفه وامي كلشي ماگو لاتحل ولاتربط… هاي اول مره راح اصير انانيه واعوف امي … جنت محضره نفسي بليل من ينامون اروح هناك اشرد …صار الليل بس عبالك الوقت يمشي قليل جنت الوب رحت سويت لفات بتيته خاف يجوعون بليل ضميتهم واخذت جبن …حضرت الجنطة وعباتي وبدلت الاخوني …بس حيل خايفة تقريبا بل 2 طلعت شفت كلهم نامو ومطفين الاضويه رحت كعدت اخواني جانو يفركون بعينهم …جبت بطل مي وافرك بوجهم اهم شي يسكتون… لبست كل واحد بيهم جنطة واني هم طلعت علئ اصابعي امشي علئ كيف اهم شي محد يسمع يعني اذ صرصر يمشي اكمز خليت عباتي بحلكي واعض بيه فتحت باب المطبخ ..

Free reading for new users

Scan code to download app

App Store Google Play

Facebookexpand_more