اوغاد بشرية

الفصل الثالث

كل عقلك فرح تلكة بحلك ناي……؟؟

من تلمح عيوني راح تلكه الرد…

شتترجه من المكابر غير كلمه موت…!!

ومابيه المشانق غير حل وشد

صدكت الححي واملت بيك احلام

لكن مالكيتك لمن صارت حد…!

تريد شفاف تفرح انا شرد انطيك

اريد افرح لكن استحي من الخد

غرك خدي دمع وشلت بي مافاد

اشيل ضمت جرحي تريد؟؟؟ لا مو هيج

ليش ما گتيلي الرواية اخرهـا مبـتور …؟

چا بـ اول مشاهد ما انشديـت ..

الشعـر ايهاب المالكي

...

-روح خاف يصير بيه شي ديري بالج علئ امي ترئ امي تتاذه هواي مو تزهكين منهه وتملين عليج الله ديربالج عليه وسدته

احنه فطرنه و اخذنه سياره بابا ماكدر يبقه بعد واني لحيت اله اروح لبست عبايه مالتي مال زياره وعلسريع رحنه

شافت بابا كلتله حبك حبيبي طول عمري

-اموت عليج…حضنت ماما كلتله انتِ داريتيني وشلتيني وخليتيتي وعصبتج وبجستج سامحيني اني رايحع يم الاحسن مني ومنج اتمنئ متتاذين وباست ابده

اباوع علئ ماما عبالك انشلت ابد متحجي …ماما بقت تصيح زهوره ااحجي يممه تسمعيني ااحجي يممه فدوه اروحلج احجي! !!

اجوي الدكاتره ركضو طلعت بره خفت وحدي الوب يم الباب طلعو الدكاتره اني دخلت شفت ماما تخبببلت صعدت علئ السديه وبكل حيلها تدوس بص*ر زهراء …!!

وتعيط بصوت وحده محروك كلبه -للييش ليييش؟ ؟؟

الدكتوره وبابا جروها منها لان نامت فوكاهه الدكتوره غطتها اجتي سحلت الدكتوره من شعرها وتعض بيه

-لج حوولي روحي بروحها انطيها عمري عليج القررران خليه تعيش

بنيتي بعدني ماشاااابعه منهااا بعده صغيرونه كتكوته مااالتي رجعووووه

اني كل هذا مصدومه بس اباوع مانتبهت اله من امي ض*بت الدكتوره راشدي ولزمتها من شعرع ودك علئ جرباية اجه الدكتور دفع امي …

كعدت بلكاع مصدومه من الصار اجه ابن عمي طاهر رجعني للبيت

مامصدكه الي صار صحيح لو لاا بقيت كاعده سمعت صرخه هزت بيتنا هز عرفته صوت ابويه هو مابجه للمستشفى تاكدت زهوره صدك ماتت …

مادري شحجي دخت بقيت الطم علئ وجهي ملخت شعري كله ساعه كامله وجهي ورمته اجتي مسره انصدمت من شافت وجهي

مسره -:لكم الحكوو هاي روح راح تموت …اني مابجيت اريد دمعه توكع ماكو رفعت راسي شفت بنات عمامي يبجون باوعت من بعيد مره صايره زركه وحلكها مشكوك وخدها مخرمش وصوتها رايح من العياط !!!!!

تحجي بصوت مبحوح وتطلم -: اليوم شو صوتج مااسمعنه طولج يمه ضااع وين ادورنه ياهوو بعد منوو بهمومي اشاركنه ……!!!

انتبهت لنفنوها هذا مال امي يالله انصدمت بامي صدمه حياتي جانت مخبله الي يشوفها بقينه منتظرين يجيبون زهراء وره ساعتين خلو تابوتها صغير جان بلهول اني ماصدكت ضليت بعيده عليه اخاف اتقرب……!!!

ماما تبجي فجاه سكتت كامت تضحك وترجع ليوره وتكمز هيياااا هسااا بنتي زهوره متموت هياا متموت وتضحك ضحك كلش عالي خوف*ني…!

اجتي صديقتها منال سحبتها وحضنتها

-اشش كافي انتي مؤمنه وتعرفين هذا وعد الله اسكتي…

ماما جاوبته منوو الله!!! منو انتي …!!

وخري خلي اكعد بنيتي واشربها مي عطشانة …!

اجوي ام حسين وحسين وكف يمي صاح يممه يمه -ليش خالين زهغاء

بلكنتوغ طلعوها…؟؟

-لا ابني هذا تابوب زهراء ماتت…!

باوعتله انصدم راح جيت علئ تابوت بقه يبجي صدك قهرني ويصيح

زهغاء زهغااااء اغجعي بعدنه مامكملين لعب مو اتفقنه سوه نكمل دغااسه

زهغاء اطلعي منا اهنا خنكة……

جان يحاول يفتح التابوت بس امه لزمته ويدفع بيه يكله عووفيني

عوفيني زهغاء هناا عوفيني بروح جدج عليج ابو فااضل عوفيني زهغااء …

شال التابوت ابويه وعمي ركضت عليه صحت نزلووووو عوفو اختي

عووفه وخروو اجتي مسره لزمتني اااختتتتي …!!

ض*بوها خمس ابر منومه ماكو …ماتنفع بوكتها تمنيت الموت ولاهلمنظر امي هلكد ماتعبتهم كامت تركض وتختل مخبله صارت لزمها عمي راشديات يض*ب بيه وهيه تضحك ولا يمهمه

النسوان بقت تحجي علئ عمي كالن متخاف من الله مره مصدومه شلون تض*بها

-اريد تصحه بس حسبي. الله ونعم الوكيل …صار الفجر طلعو للنجف اني بقيت مارحت ……

(اختصرت الفاتحة بسبب روح ماكدرت تحجيه حيل اتاذت)………

خلصت الفاتحة امي دخلت حاله نفسية ساكته لاتاكل ولاتشرب ولاتغمض عيونها ابد من تنام مفتوحه عيونها لحد يوم السبعة

كاعدين اجني خالاتي حتئ وحده من الفلوجه بعيده اجتي كلهن حيل متكبرات لان اثنين دكاتره وحده مهندسة …

بيبتي بس تصيح -: يااابويه يازهوه عمت عين الطبيب الضيع دواج

اجه جود بحضني كعد -اريد اشتري حباابه جوعان

-جود روح كول لبابا ياخذك يشتري الك

-ميقبل كومي انتي …گمت لبست ربطه سوده وطلعت فتحت الباب شفت ولد شاب طويل لابس نظارات سوده وملابس سود

-وخر اريد افوت

-اي فوتي قابل لااازمج استغفرلله …

مشيت بقيت ادردم عليه شبي هذا…!!!

شكد حقير ولله يالله غير واكف كبال الباب اني بيا حال وهو يستغفر رحت اشتريت رجعت شفته نفس وكفته شكد مغرور …

دخلت جوه خالتي الي من فلوجه صاحتني

كلتلي صدوك انتِ بنت اختي نوال؟؟؟

-اي اني …هيه متعرفني لان مجايه النه ابد بس اني شايفة صورته اصير التؤم مال امي بس هيه لان بعيده متجي بس ماما حيل تحبه اسولف بيه هواي …

-صلاوات علئ نبي تخبلين حبيبتي ادرسين موو لو اهنا بطلوج؟؟

-اي ادرس نجحت للسادس ابتدائي

-اي عفية شدي حيلج واذ تحتاجين شي كليلي خوش ولو هيه امج الكاطعة

بس اني ماكطع بي كتبتلي بورقه عنون ورقمه اي شي تحتاجي خابريني

عندج فلوس لو انطيج؟؟؟

-لاا ماريد بابا ينطيني من اريد اشتري

-هاج هاي 50 الف ضميهم عندج لااتنطين لاحد منهم من تحتاجيهم خوش

ولله انقهر عليج شلون طفلة حلوه عايشه عد هذوله الهمجية …

سمعته مسره صاحت -: دقيقه عيني منوو همه الهمجية؟؟

-ولله الحليم تتكفي اااشارة هههه كرصته خالتي الثانية كلتله موو وكته سلوئ

مرت عمي مسره كامت وكفت -: اشو انتِ بيتي وتحجين هيج

مااكووو غيرج الهمجية ولله

سلوئ -: لااا شنو هاي تشبهيني بيج مااارضاهه رجاء ارجعي اكعدي مو لسواد عينج جاايه هناا

نوال -:كاااافي عااد اثنيجن مااريدكم وانتِ من شوكت اذكرتي عندج اخت

هاااا اطلعي بره ماااريدج ماااريد احد بيكم اريد بس زهوره تناام …!!!

مسره -: ههههه اختج وطردتج بعد عندج كرررامة وتبقين مع الاسف

نااس قلت كرامتهم …

كامت خالتي سلوئ -: احترمي نفسج لچ موو زعطوطه جاهله مثلج

تهيني فهمتي …

اتقربت مسره لزمته من ياخه مال قميص وجرت حجابه -: منيي هااي الزعطوطه اشوفج ترددين منو الجاااهله هاااا ؟؟

صارت تملخ بينهم وحده تكتل بلثانية واني رحت ركضت ضميت الفلوس والعنوان ورجعت اباوع عماتي هم كامن وخالتي العرك زاد والصوت مالتهم زاد…!!

بس اباوع صاعده علئ قنفه امي تكمز بلنص وتصيح هلااا هلاا هههه صااارت كض اخوك لاايطيح يلله سهيله جري جري هيااا زهوره شووفي سلوئ شلون تعض وتضحك

الزلم عمامي درو هم يردونها حجه اتعاركو ويه اهل امي وصارت عركه وعياك طلعو وراح لبيوتهم وبعد حلفو ميدخلون البيتنه

فاتت الايام واجتي الاربعين ورحنه وت**رت كلوبنا ماتوقعت بيوم اشوف كبر زهوره جان صغير كلش حلو وحسين اجه ويانه بس جان مزين

شعره صفر. جان شعره اصفر وطويل كلش حلو حرمات زينه…!!!

شفته واكف علئ كبر اجه بصفي -: غووح صكد بعد ماتغجع ويانه زهغاء؟؟

-اااي حسين هيه هنا بعد ماتجي ويانه

-:غوح بس هيه وعدتني ماتعوفني بيوم ليش غاحت وعدتني والعباس…

ليش زهغاااء عفتيني چاا تحلفين باابو فاصل جذب موو معلمج الجذب حغام ليش …؟؟

دنك علئ كبره وكام يبوس بي ويبجي…

شبعت قهر اهناك …اذگرت موقف هيه بس مرتين شفته يبجي فديوم اجه الصبح…زهراء كلتلي العصر نروح نلعب طوبة مو تتاخر…

صار المغرب وحسين ماجه زهراء راحت بدلت وعاندت ماتروح ويه بعد…

اجه حسين دخل ركض وكف كبال زهراء

حسين -: زهغاء والعباس والحسين امي كتلتني تعاغكت ويه اخوي …

زهراء -: روح ولي ماجي وياك بعد

حسين -: خايبه كتلج والعبااااس وغوحه ماحلف بي جذب امي كتلتني وعاندت اله اسبح واتخاغت عليج …

زهراء -:كتلك ماااااجي روح …

هو راح لبيبي واني مشيت وره بيبيتي كلتله شبيك ضايج

حسين -: حبوبه اميره زهغاء ماتغضه تصالحني زعلانه سويلي حل

اميره -: خايب ادخله وغنيله زعلان الاسمر مايكلي مرحبا

اني رحت كعدت يم زهراء وعفتهم يحجون انفتح الباب ودخل

حسين يطك اصبح

زعلان الاسمغ مايكلي مغحبا…

وانا ماغيد غيغ كلمه مغحبا …

احنه ضحكنه عليه اجه يم زهراء وكعت دمعته كله لاتزعلين عليه ماتحمل

………للاسف بعد ماكو هيج لحظات زهراء وماتت

رجعنه امي ثبتت التحاليل تعاني ازمه نفسيه حاده واحتمال يصيبها خلل وتصير مختله…

جانت من اصعب الايام الي مرت عليه امي بس بلغرفة تدخل الحمام حتئ شغل ماتشغتل الجهال مترضعهم كله براسي اجتي المدرسة وبنات عمامي اشترو جديد واجن يشوفني يقهرن بيه …

رحت ركضت صعدت بغرفة ماما نايمه علئ جرباية زهوره …رحت يمه وكفت يم راسه

-يمه عليج الله اريد انام يمج فدوه ماريد غير شي

-منو انتِ رووحي منااا روح لا تخليني اكتلج …!!

-لااا ماما اني هم بنتج مووو بس زهراء حسي بيه كااافي عاد مليت

-جاااان عندي اثنين بنات واثنينهم ماتو نفس اليوم بعد ماعندي بنات

انتِ ماتحسين بيه …

كعدت بل كاع -انتِ شلووون ام انانية فكري بيه باااخواني مللتيني

ربج ميررضة الدسوووي حرام علليج اني بنتج بنتتتج حسي بيه !!!

سمعت اشواق اصيحني مسحت دموعي باوعتله ماكو نفع معتبرتني ميته!!

نزلت

-عيني فرشت المداد بل طرمة روحيلهم

-ماغسل تعبت البارحه كومه غسلت

-لچ ماتجين بلعين العاديه لاتخليني اروح اكول لعمج وتحصلين الكتلة المعدله بعدج بكد القندره واجادلين بت المسودنه

حتئ ماكدرت شجاوبه؟؟؟قابل اكله امي عاقله ليش اجذب اذ هيه تعتبرني

ميته اني وخواني …

طلعت للطرمة خالتلي اربع انواع من المداد مال اهله اغسل اله كفيت دشداشتي وشديت الربطه علئ راسي يضوجني …جنت ملتهيه اغسل بيهن

دخل طاهر بقه واكف يباوعلي ماهتميتله …!

طاهر -: عمي شكال لنفسه من خلف هيج بيااض بويه كيمر عبالك

اني ضجت من كلامه كمت بسرعة رجعت دشداشتي …وركضت جوه اخاف

من عينه ماعرف شلون يباوع جنه بريعصي.…

دخل وراية بسرعة بلمطبخ سويت نفسي اشرب مي حتى بطل لزمته بلمكلوبي …دخلت امه مسره

طاهر -: يمه غرفتي وصخه نظفيه االي لو اطلبين وحده من البنات لو روح تنظفة حيل وصخه

مسره -: اي يمه تدلل البنلت ملتهيات سوده عليه بلمدرسه يصفطن بغراضهن الجدد روح روحي نظفيه لاخوج يله …

باوعتله اجيت ارفض اكله لا بس اذكرت دكل لعمي وعمي يكتلني ليش احصل الكتله اصعد انظفه …صعدت اخذت وصله ومي ويايه بلطابق الثالث ذبيته بلكاع باوعت لايدي صغيرونه وبيضه بس احس نفسي كلش جبيره …

جنت اعزل بل جرجف دخل طاهر وسد الباب ..

كملت تنظيف علئ سريع جنت گاعدة منتظره نتيجة السادس وخايفة خوف بكلبي بس اني وابويه المهتمين امي كلشي ماكوو …

جنت اغسل بل مواعين اجه بابا وكف يمي -: صلاوت بنيتي كبرانه وصارت بطولي شوكت تطلع شهادتج اريد اشوفه وافتخر كدام عمامج؟؟

-بابا حباب فدوه روح للمكتبة يطلعه الك عليك الله…راح بابا واني بس افتر بلطرمة خايفة غسلته من الخوف كلساع اعيد الغسل وبابا طول …

يمكن الكاع لو اله صوت جان صاحت روووح كافي

كافي غسل تعبت مليت منج ههه…

جنت ادردم ويه روحي اخر شي مليت خليت ربطه علئ شعري طلعت بلباب مديت راسي منا منا ماكوو طلع حسين من بيتهم شفت حييل متغير فررق وين كبران صدك هل 6 سنوات حيل كبرتنه …

جان مزين اكرع وعيونه خضر نفس معاني بس طولان شافني بقه فاتح عينه يمكن مصدوم لان صارله هواي مشايفني افترقنه من ماتت زهراء …

بل اربعين اخر شي …امنيتي اروح احجي ويه ونرجع ذكرياتنه …

بقيت اباوعله هو دنك بس عينه صارت حمره اني بقيت اباوعله صحيت علئ نفسي يااااا شكد فشله بعدني اباوع للولد حتئ هو خجل …

شفت من بعيد اجه عمي شريف يمه كلبي راد يوكف بسرعة دخلت حتئ بوري نسيته مفتوح من الخوف ودخلت كعدت بغرفة بيبتي دخل عمي يصيح

-هاي ياثوله بيجن عااايف الصونده وشارع فايض منيه بيجن …

اني خفت اكيد راح يرجع يسويه باوعت اليدي كتلهن لاتنقهرن حبيباتي احنه مو تعوودنه …

سمعت مسره تصيح هااي روح جانت بلطرمة هيه …اوف الخبيثة ف*نت عليه شكد حقيره …الله لايووفقه …

صاح روووح بنت الكلب بت المسودنه وووينج اطلعيلي اذ صدك مره انتِ يله تدرين شسوي بيج اذ ماطلعتي …

طلعتله خليت ايدي وره ظهري :- هااا عمو تريد شي مني ؟؟

-ليش عاايفة الصونده مفتوحة بلشارع شدكول علينه الناس اغ*ياء وصخين ماعدهم وحده تسده

-لا هيه اصلا جنت انظفه ليش تحجي بس عليه وبناتك اميرات موو انتم وصخين بداااخلكم ياريت الناس تعرف بيكم خارجكم شكد نظيف ع**ه …

مادري جنت احس من حجيت هيج ادري راح انكتل بس احب افووخ كلبي يمماي مي بارد علئ كللبي نزل وخااصه من حجيت بصوت عالي وجانت

ام فوزيه جيرانه عدنه اريد اذب نتيجه خوفي من الشهادة بي …

طلعت مسره من الاستقبال صوتكمم مو المره كاااعده عمي شريف مجان يدري من دره يمه عيونه صارت بل طول مو بلعرض …لا صدك جنيت علئ نفسي

رحت ركضت صعدت فوك شفت امي تباوع للسكف ومتمدده علئ جرباية زهراء… باوعتله ضحكت وهزيت ايدي هو كله منج ابقي بخبالج احسلج …

اجه عمي فتح الباب انداريت عليه -: عمو ولله مجان قصدي فدوه عليك الله عوفني …

باوعلي ويحجي ابرود :- بت المسودنه من حجيتي تردين تفضحينة موو كدأم الناس …اتقربلي كال مدي ايددج بسرعععة اريد اروح انام

-لااا عموو فدوه ولله حرام عليك احساب وراك …هو ماهتم لكلامي يخلي الجكاره بشفته ومرتاح انداريت علئ امي تباوعلي وتبتسم!!!!

رحت ركضت علئ فراشي غطيت نفسي بلبطانية وارجف اجه رفعه قوي واخذ ايدي كوه ابرود اعصاب يزرف هاي المنطقه التصير بين الاصباع بلجكاره يخلي ثواني …ويشيلهن شاغت روحي …وكمت اشهك بدون بجي لحد ماستقر بنص جف ايدي وضغط الجكاره عوجه وطفاها بيدي …وگام

-مره ثانية لاتعاندين هذا صوتج مااسمعة المره الجاية تعيديه احرك السااااانج

فهمتي؟ ؟

وطلع سد الباب قوي …اني مستمره بس اشهك باوعت ليدي اتش*هت من وره

كمت وكفت يمه بقيت اصيح كووومي كوومي حسي بينه حسيي بهذووله الاثنين المشمورين لوو بيه حسي كدددامج يكتلوني لج كوومي شنو من ام انتِ الحيوووان يحب جهاله اكثر منج …

بقيت اباوعله وهيه تباوعلي مصدومه …! لان كمت اعيط كعدت علئ ركبي بقيت ااصيح كااافي لخاطر الله مليت ولله زهراء مو اول وحده تموووت

اتقربتله ردت احضنه هيه دفعتني گامت لزمتني من شعري وطلعتني من الغرفة.…حرت شحجي ويه قااابل ابجي منين؟ ؟؟

نزلت جوه سمعت صوت بيبتي ركضت اله بقيت ابجي بحضنها واشهك هيه اصبر بيه بس احس حتئ صبر ماابقه بكللبي ياربي اخذ امااانتك …بقيت اصيح بيبي وخرتني وصعدت فوك …

سمعت صوت امي تصيح اخذو بنتي مني عمه عووفيني بنتي فوك عفته عوفيني …مسحت دموعي وطلعت شفت بيبي اجر بيد امي ودفعت حيل بلكاع

-صاحت مااالج بعد كعده هناا بيتي مااالفي مخاابيل تعذب بنته اطلعي وللي لهلج لاتردين …

هيه صاحت عليه روح جيبي جفوفي وعبايه وجواريب رحت بسرعة وديتله هيه طلعت كتله بيبي خااف اتيه اروح اوديه لاخته

-روحي بنيتي اركضي وره المسودنه الله لاا يسااامحه …

لبست عبايتي وركضت وره هيه تندل اني امشي وره وصلت لبيت اخته رجعت بلطريق شفت بابا رحت يمه

-روح ليش انتِ اهناا وين جنتي؟

-صارت عركه وبيبي طردت امي …بابا استلمت نتيجتي

هو ضحك -اييي ولله افتخر بيج الحمدلله رب العالمين رزقني بيج طلعتي معدل 85 صدك فرحتيني

فرحت علئ فرح بابا بس شنو الفايده مراح اكمل …عمامي عشتوو عود يخافون علئ بنية ممنوع تدخل جامعه

-بابا حباب خليني اداوم بلجامعة

-اي اداومين معليه بعمامج …ردت احضنه لو مو احنه بلشارع وصلنه للبيت بيبتي صاحت علئ ابوي

رحت بشرته كالت حسااام انت بعد ماتبقه بهل بيت روح اجر الكم غير بيت

-ليش يمه اطرديني

-لا بس حجتله السالفة كلتله يمه ليش تبقي بنتك ولدك هلكد متعذبين روح اطلع

-بس يمه اني جان من زماان طلعت منا بس فلوس منين اجيب

-اني انطيك عندي فليسات ضامتهن وعندي سلفة روح اطلع لاا تبقه

هنا وت**ر بخت بنيتك يضلمونه انا ماديمتله وامه مكيره …

صددك فرحت فرحة شكبره اكثر من نجاحي الله يجي يووم واخلص منهمم افييش ياربي صدك جنه …بابا سمع كلامه وكال كبالنه للايجار رايح اساله علئ سعر هوو راح ردت اهلهل بقيت ادعي يطلع رخيص …

كمت سويت العشه وفرشت الهم كعدنه سحر سالتني -:شكد معدلج طلع اني 57

-هههه عييني اني 86

-جذاابة

-ولله 85

شريف -: لاتهتمين بنيتي قاابل هيه اطلع لوو ميه هم مداوم وانتِ حضرتج تردين تقهرينه هيه مجرد ورقه قايل شتستفاد منه

مسره -: هو حظ الزركات كااعد

صدك ضحكتني وين زركه اني …عمي لو زركه وعندي حظ جان هم ميخالف ولله اجه بابا كلهم راح اشيل كلهم رفضوو اي طبعا يرفضون وين يلكون خداامه مثلي الهم …بس بابا عاند وبيبيتي ويه وافقو …

ثاني يوم رحت الم بل ملابس صعدت بلطابق الثالث جان المخزن كبال غرفة طاهر بقيت اباوعله اذكرت قبل 6 سنوات اخر مره ادخله من جنت انظفه وهو دخل قفل الباب …

رحت ركضت للباب -طاهر افتحه الباب خلي اجيب مكنااسه

-لاا ليش تعبين نفسج بااعي روحي عدلي الجرجف مو حلو سويتي وعود افتحه

اني رحت بس جان خوف بكلبي لان قفله الباب رحت وخرت الجرجف من الجرباية ورجعت هو اجه صار ورايه هو اطول مني بهواي كعد علئ جرباية

-كوم خلي اكمله …

-تعالي اكعدي بحضني

-لا طاهر كووم …هو ماسمع مني جرني وشالني كعدني بحضنه ردت اوخر لزمني قووي …!! رفع شعري بيده وكام بيده يلزم ركبتي ماحبيت لمساته ابد مجنت اعرف شيسوي بس بقيت ادفع بي وهو يبوس ويسوي اشياء ماعرفهم ولحيته تبزز بيه واني بس دموعي تنزل …

النقذني اجتي اخته الصغيره ادك الباب بسرعة دفعته وكمت لبست دشداشتي واني اشهك اجه هو كام خله ايده علئ حلكي علمود اسكت عضيت ايده قوي اخته راحت خفت لايعيده …

-عوفني اله اكول لبابا عليك

-لااا اعوفج بشرط تمسحين دموعج واذ كلتي الي صار يوميه اجيبج يمي ولله فهمتي؟؟؟هاج الف روح اشتري

-مااااريده اخذت المفتاح وركضت ……ذكرياتي بهذا البيت وحده اسوء من الثانية ولله اخذت جنطة من المخزن ونزلت الم ملابس حيل فرحانة

كملنة كلشي عمي كال اخذ المطبخ اريد اشتري جديد عود جاي اذبه بلزبالة بس يفيدك …بابا اخذه لزمت ايد اخواني وطلعت دخلت للبيت صح قديم ومابي لون اسود حيطانة بس حصيره بي بس الحمدلله …

-بابا ماما شوكت ترجع

-امج اشتريتله دوه علاجه اليوم انشالله اروح وارجعة

كمت غسلت البيت وعدلت المطبخ …فرحانة صار عدنه بيت رجعت امي

صارت تنظف وتطبخ بس من تجيه الحاله لازم ننطيه الدوه …

جنت كاعده اعلم اخوي جود الاحرف دكو الباب لبست عباتي صحت منوو

حسين -: اني غوح جبتلكم ثواب

فتحته اله اخذت جدرين من ايده وابتسمتله -: اوكف بس افرغ الجدوره واجيك

حسين -: خوش غاح اجيبلگم بعد قيمة واجي

-اي ولله شكرا دخلت جوه من اشوفه افرح احس الدنيا بخير واني بعدني صغيره فرغتهم غسلتهم طلعت فتحت الباب انتظرته اجه جان خال كاسكيته علئ راسه …

-هاي الجدوره حسين بس انتظرني اغسل هذا واجيك

رحت غسلتهم وديتهم اله ابتسمت هو هم ابتسم ودنك …

راح جاي اسد الباب شفت مسره واكفه بلباب وتباوعلي تهز باحلكة سديت الباب بسرعة …

رحت صبيتلي ماعونين اكلتهم كلش طيب …اجه بابا كعد

-اني لكيت شغل بلنجف

-اي الحمدلله شنو هيه الشغلة

-اشتريت عربانة راح اخذه هناك واودي الزوار بيه هم احصلي شكم فلس

-لاا ماتروح شنوو عربانة وين بيك حيل ادفع العااالم اني اروح اشتغل

-انتِ اسكتي اني رايح ابقة اسبوع ارجع …كام وباسني

صدك انقهرت وهذوله عمامي كل واحد ضابط وعدهم محلات ايجار تفو عليهم لله لااايوفقهم …راح بابا بقه يومين اجاني امير جوعان وجود وجه اصفر وماعدنه اكل ثلاجه فرغت وعمامي مينطونه اذ رحتلهم…وماما انطيته منوم

مجان عندي حل غير البس بوشية امي بس عيون طالعة وعباية جان اب حار كلش والدنيا ظهريه اخذت باكيت علج من بيتنه وطلعت ابيع يم التقاطع …

من جانت سياره تصيحني اموت بدمي استحي كلش …بس لخاطر خواني كمت ابيع ناس ينقهورن عليه ياخذون علج واحد وينطوني الف …

شفت بسياره مدرسي مال رياضيات يصيح عليه خفت بس لا عرفني يالله الله لاا يخلي شخص بهذا الموقف رحتله بس ماحجيت شي انطاني خمسه حتئ ماخذ علج …

فاتت سياره بيه اربع ولد طبكت صاحوني رحت بس اني خايفة

-انطيني اثنين علج

مديت ايدي انطيته لزم ايدي صاح بوويه اذ هيج ايدي ناعمه وبيضه وجهج شلونه …؟؟

جريت ايدي منه البصفه كال -: شيلي البوشية وانطيج عشره…!!