اوغاد بشرية

الفصل الثاني

"جِرعٌةّ ګيِّمَأّئيِّةّ أّلَتي تّعطّي فيِّ أّلَوِريِّدِ لَمَرضّئ أّلََّسرطّأنِ

لَوِ َّسقِطّتّ قِطّرهِ عٌلَئ جِلَد الانسأن لَأّ أّذّأّبتهِ عٌنِ أّيِّ وِجِع أّخَر تّتّحٌدِثوِن ؟؟"

..

-گلش حلوه راح تفرح زهراء بس هو اگيد حبكم راح يبقة من تكبرون…؟

ماتعوفة بيوم موو ماتمل منه حسين؟

-لالا عوح هيه غوحي ماكدغ اتخلة بيوم عني اصدكين اذ اكلج هيه

وامي معزتهم سوه وغوح ابو فاضل الماحلف بي جذب وانتِ واخوي معزتكم سوه …

-خوش الله شگد حلو من نكبر أجي لبيتكم اكلك حسيين شغله الاغنية

ونكعد ناكل سمج نلتم احنه الثلاثة …

رجعنة للبيت شفت امي تبجي گاعده وبابا عيونه مدمعة رحتله رگض

-بابا شبيك ليش ماما تبجي…؟؟

-لج رووح زهراء بيه سرطاان مرض خبيث

اني دمعت عيني لان شفت بابا يحجي بحركة كتله يعني تموت؟

-لااا اسم الله عليه

ماما صاحت -اي يمكن تموت المرض صارله سنتين احنه محااسين بيه

وبقت تض*ب علئ ص*ره يممه عساني بلموت ولا اشوف بنتي …

خفت منه اجتي مسره مرت عمي لزمته كلتله اهدي گافي …

اجتي زهراء نزلت من فوك باوعت لماما تبجي راحت ركضتله حضنته

-ماما لييش تبجين الدكتور شكاال عليه؟؟؟

ماما مسحت دموعه -: حبيبتي كال بنتكم مثل الورد كلشي مابيه …

-هاا انتِ اجذبين عليه الدكتور حجالكم شي وانتِ عينج دمعت وجهكم صار

اصفر شبيه هاا ؟؟

-كلشي ماابيج حسااام مو كاال ورده تخبل كلشي مابيه بنوتتكم

-اي بوية كلشي مابيج

زهراء مصدكت بكلام اجتي يمي كعدت بلكاع كلتلي رورو عليج الله

كليلي شبيه اني؟؟؟

-اني ماعرف ولله

-اي جذبوو عليه كلكم جذااابين جذابين وكامت ركضت وكعت كامت تبجي راحت ماما حضنته صعدته فوك

رحت ركضت يم زهراء شفته گاعده تبجي رحت حضنتة احس نفسي اريد ابجي بس دمعتي متنزل تعاند ويايه هيه حضنتني شهكت من البجي

-روح اني راح اموت موووو ماما علمود هيج تبجي يعني بعد مابقة وياكم

كوليله لحسين احبه هواي مثل حب ليناا خلي لايزوج غيري عليج الله

-لا زهراء لاتحجين هيج عليج الله متموتين انتِ قوية راح تعيشين وجهالج

يركضون وراج

-روح اذ متت تبجين عليه عليج الله لاتخلين امنه تاخذ قراصتي

-لاا. ماتموتين ترئ ازعل عليج ولله انتِ كلشي مابيج خوش اسكتي زهراء

بهليلة حضنته ونمنه سويه اول مره متجي ماما وتفرقنه …جنت حيل خايفة

بس لا تموت مثل ريم بس هيه اختي اصغر مني ميصير تموت اني اكبر منه

لازم اني اموت …

كعدنه ثاني يوم راحو من الصبح للمستشفئ جانت مرت عمي اشواق تخبز فوك السطح من كملت نزلت كالت كلت لام حسين راح تجي من تكمل الغده

هو احنه جان بيته بصف بيتهم لزك …جنه كاعدين اني وبيبتي وامير بحضني ماحسينه اله الباب ينفتح قوي جان حسين…

جان فحطان لازم بطنه ويكول اخ بويه

اخذ نفس طويل وحجه -: حبوووبه الحكي صككد صصكد زهغاء بي

واحد خبيث ؟؟

-فشلك كون شنو واحد شنو خبيث ؟؟

-اخ بوية تعبت حبوبه غيغغ امي كلتلي بيه واحد خبيث بروح ابو فاضل احلفنج لادكليلي بيه شي ماتحمل يابويه وعلي ماتحمل …

-خايبه روح هذا شيحجي ترئ سودني شني خبيث ؟

-حبوبه يقصد علئ مرض …اي حسين زهراء مريضة بيه سرطان

-يااا خايبة انتِ ماتابشغين (ماتباشرين )بل خيغ ابد والعباس مال اكضج

وبلصونده اكتلنج حبوووبه اميره انتِ بيج الخيغ فهميني شني هذا السلطان ؟؟

اميره -:شني العب وياك انه سلطان شنهي لك سيد سرطان بيه انشالله

اطيب …

-ياابويه زهغاء والعباس **غتي ظهغي (**رتي ظهري) خغب(خرب ) حبوبه غاح تشافوه موو…

-اي انشالله

كال انشالله وراح وكض انقهر عينه دمعت خطية …جنت كاعده العب ويه امير غيرت حفاضته وخليتله بوطره كمت العب ويه تونست …

دخلت ام حسين وحسين جايبين صندوق عصير برتقال وجبس كارتونه باستني تحبني …

ام حسين -:حسين كال منروح لزهوره فارغين ايدنه لعب جوله بيه

اميره -: هوو سيد خوش وليد لو يكعد عاقل…

حسين -: شني حبووبه تتحاغشين بيه انه عااقل صدك زهغاء شلونه

وابو فاضل بس اطيب اشدله غايه(رايه) جدي …

جنت كاعده اتانيهم حيل اشتاقيتلهم بدون زهراء ضوجه ملل البيت

دخلت للهول شفت مرت عمي مسره موجوده كاعده تخابر ومنطيه ظهره

للباب …

دكول اي حبيبي اي عيني لاتزعل مني بس شسوي غير هذا شريف خانكني خنك بليل ماكدر اخابرك بلسوك باجر اجي نلتقي عود

هيه اندارت شاف*ني وجه صار اصفر كالت خوووما سمعتي شي لج

من شوكت تنصتين ؟؟

-لا عمه هسه دخلت اجيت ماسمعت شي ابد

-هاا خوش يله ولي منا تردين شي روحي اغلسي الطرمة بسرعة ؟؟

-خوش…طلعت كلت كبر لخلقته شكد اكره بقيت اغسل بيه بس بالي يم زهراء شسوي هسه كاعده نايمه دخلت جوه يم بيبتي كعدت موبايله دك

-بيبي موبايلج يددك

-شلون افتحنه ماعرف افتحي الي

-ولله ماعرف بس ادوس بل دكمات كمت اسمع الو فرحت واخيرا عرفت شلون افتحه

انطيته لبيبي بقت تحجي منهوو انت شمالك حجيك مو مفهوم استغفرلله هاج حبوبه هذا ابوج بس مافهمت شي منه

اخذته منه جانت لازمه بلمكلوبي كتله الوو

بابا كال رووح اسمعيني؟ ؟

-اي الوووو بابا

-روح حضري ملابس اختج شكم قطعه خليله وامج دشداشتين

يبقون بل مستشفئ …

-بابا بيبي دكول شكال الطبيب

- الدكتور كال سوو فايل الدخول لازم تبقه اهنا وانطو لامج الجرع وضعها يحتاج 6 جرع كيمياوي بدت بيهم من شهر الثاني تقريبا

اسمترينه وره 5 ايام داومت جنت خايفة علئ اخواني جود وامير منو يبقه يمهم ردت ابطل من المدرسة علمودهم ماداوم رحت حجيت ويه بيبي

-خايبه تولين من وجهي وعلي بهذا النعال علئ وجهج چاا انه شعندي اهنا

نسوان عمامج شيصخمن بقيهم اهنا روحي ميفيدج غير هلورقه التاخذيه

داومت وحسين ماقبل يداوم بهاي الخمسة ايام جان رياضة عدنه مالعبت رحت كعدت جوه شجره النبك ابجي هواي بجيت اجتي بنت عمي سحر اكبر مني بل سادس

-شبيج تبجين خير؟ ؟

-مابيه شي بي اشتاقيت لاختي وماما…هيه هزت ايده وراحت

رجعت للبيت جنت ضايجة حيل شفت ماما اجتي رحت حضنته هيه شويه ودفعتني رحت ذبيت جنطي ادور علئ زهراء فرحت بشوفته كالت عطشانه مي …

رحت ركضت اجتي مسره مرت عمي لزمتني من ايدي ض*بتني راشدي

قوي

-لج وحده صغيره بعدج بكد القندره وتفضحينه بل مدرسة كدام البنات

شيكولون علينه؟ ؟

-اني ماحجيت شي ماكلت

اجتي مرت عمي اشواق -شبيج مسره ويه البنية

مسره -:لج خيه هاي فااضحتنه بل مدرسة دكلهم نسوان عمامي مينطوني اكل لا الي ولا لخواني وذابين الشغل كله براسي اني تالي عمري بنت نوال تحجي عليه

اجتي اشواق كرصتني -:صدك هل حجي ولج؟ ؟

-لاا ولله عمه جذب اني ماحجيت هيج ابد جنت ابجي علئ امي

مسره -:شكد جذابة يعني بنتي جذابة قابل عيني نووال تعاالي شوفي بنتج

اجتي امي مسره شكتله اجتي هيه ض*بتني -: معايزه الج ترئ يكفيني اختج لاسوين مشاكل ولي من وجهي…

دمعت عيني رحت اخذت مي وصعدت لزهراء

-زهراء سولفيلي شصار وياج هناك

-شوفي. اول مادخلنه للمستشفئ جنت كلش خايفة شاف*نه دكتوره عجوز اجتي يمي

وكفت بس جان شكله كلش حلو

-انتِ بيج سرطان مو؟

-اي بيه

-كالت باعي اني هم جان بيه من جنت صغيره

ورفعت الباروكة مالته شفته بدون شعر شكله صار مثل الرجال خفت منه رجعت ليوره…

ضحكت -لالا لاتخافين اني من صار بيه جنت بعمرج همين بس اني قوية حاربته للسرطان هذا عدو النه لازم نحاربه شنو رائيج تحاربينه مثلي ؟

-بس اني اخاف ماعندي سلاح احاربه

-اسلاحه سهل وعند كل شخص هو الامل والقوه امل راح تشافين والقوه

شيكلج الدكتور تسمعين كلام نصير صديقات احنه

اني فرحت هزيتله راسي حيل حبيته لزمت ايدي

- رقم خمسه روحو طابق الرابع خاص للاورام حبيبتي لاتخافين انتِ

من اشوفيهم

دخلنه جان بيه 4 بنات همين اول شي استغربت وضجت راح اكعد وياهن اجني سلمن عليه جانو يضحكوم حسيتهم حبابات…

كعدنه علئ جرباية وبابا انطه لماما ضمت غراضنه بلديلاب حديد

ماما التهت اتسولف ويانه وكل وحده بيهم سولفت قصه بنته كلمن وقصته

صدك يقهرن انقهرت عليهم واني ضايجه من حالي بس حمدلله…

ماما بجت -الله يساعدكم انتم متعذبين بجاه ام البنين يفرح كلوبكم …

لان البنية جان براسها ونازل علئ عينها وعلئ خشمها وعينها عميه وعقله صاير نص ونص كلش نقهرت عليه

تعرفت علينه كعدنه سويه

وحده كالت -: ديربالج تحجين ويه ممرضه رقيه

ترئ هيه اربعة وعشرين ساعة مطنكره واذ كتيلها علئ گيفج من تض*بج ابره تكوم تزيد …

-لا ولله غصب عليهه تسمع الكلام غير اني المريضة وهيه التداويني

ضحكن عليه وحده باوعت للخ استغربت …!!

وره شويه دخل ولد -السلام عليكم يابه نورتنا الزهراء الجديدة راح ادك قطعة اباب ردهتكم اسميها الزهرئات

ضحكنه عليه اجه يمي وكف -اني دكتور حيدر هنا اجي اجيك حالتج قبل ماتض*بين الجرعة وبعد ماتض*بيها

اني ضحكتله فتح عينه ذكرني بحسين كال -: يا اللهي رحمتك عطفت عليه اول وحده تدخل للمستشفئ تضحك ويايه…!! بقينه نسولف

-لج زهراء انتِ مرحه ع** الي يجون مطنكرين واخيرا ف*جه عليه بعد

شلعان الكلب…

-ههه ليش شبيهم ويأك أنت مامزوج…؟؟

-كئيبين محد يضحك دمروني منين يحضي محد تقبل بيه اني ماريد دكتوره

الحجي ابينه كلهم خشمهم يابس انتظرج تكبرين واخذج …

-هههه لاا أنت عمو چبير …

-خلفله عليج مقوله ترئ بعدني شاب بس الطب دمرني سواني عجوز بعد شكم يوم اجيج بلعكازه يله يااحلوو ياسمره هسه نامي واحلمي بيه خوش …

قاس حرارتي - جيد وطلع كلش حبيته …

وطلع ضلينا لليل اجتي وحده قزمه وسمينه اسمه حميده ممرضه

وكفت كبالي -:هلا بلجديده نورتينه اني حميده وياج

اني ضحكت ماتحملت شكله جان يضحك -راح اسميج حميدوو بعد

نمت كعدوني بل 6 الصبح خلولي مغذي جانت ماما مطلعه قران بل تلفزيون

دخل دكتور فتحه باوع علئ تلفزيون -اي شنو اهناا مستشفئ لوو

حسينيه فااتحين …اجه داره طلع كارتون

اني ضجت من عنده اجانه حتئ صباح الخبر مكال راسا سحب المغذي

وجاب شي مدور شلون المغذي بس مخلي بجيس اسود حتئ ميتعرض للشمس علكه

-هذا يبقه منا لـ 6 المغرب لان يتقطر تقطير

هو راح اني لحد الساعة بل 8 الصبح حسيت شي يحركني بركبتي نزل صار بظهري وره ابطني احس كام ينهش بجسمي كمت ابجي وماما تبجي ويايه

وكلساع يجي دكتور يحاول ينسي لوجع وتضحكني وانطتني ورقه واقلام رسم نسيت كلشي وانطلقت ارسم…… بقينه 10 ايام متوقعنه هيج نضل ماما مره ثانية حلفت تجيل بهارات واكل وملابس زياده جانو ميقبلون احد يطبخ

جانت امي تتوسل بيهم الفجر تروح تسويلي شوربه لو شنو اشتهي

تسويلي صدك معاناه وتعب حيل تعبت واشتاقيت لكعده بيتنه وحسين

استمر الوضع نفس حالي يوميه لحد الجرعة الخامسة رجعنة للبيت

روح -اخ الله يساعدج شلون متحلمة …!!!

-لازم نصير اقوياء …ميصير نضعف نحاربة …

شفته كامت تباوع علئ مرايه علئ شكله

- روح اني عرفت راح يبدا شعري يوكع ههه يعني شعرج بعد راح يصير اطول مني …

دخلت امي سمعتة عرفت لطمت ع خدها

زهراء -: كلكم اطلعو اريد ابقى وحدي جيبولي حسين روح اريده

رحت بسرعة ركضت لكيته بل شارع يلعب طوبه فحطت

- حسين حسين الحك…!

-اخذي نفس شبيج غوح شصايغ زهغاء بيه شي اخ يمه والعباس كلبي وجعني شصايغ؟ ؟

-لا تريدك تعال يمه…

اجه ويايه ركض صعدنه فوك فتح الغرفة دخلنه

زهراء -: حسين راح اشتاقلك اني…

حسين -: خايبة شبيج وكفتي كلبي شصايغ زهغاء …؟؟

زهراء -: حسين اني هاي اخر مره نلعب سوه خلي نلعب…

حسين -: ليش اخغ مغه (اخر مره ) صكد وغوح ابو فاضل

غاح زعلايني منج …

زهرأء -: تعال نلعب اسكت …هو اجه يلعبون سوه وره نص ساعة كالت اطلعوو كلكم ماريد احد يبقه هنا بس روح…

حسين: بوويه اطغديني زهغاء (اطرديني )وچا وغرح ابو فاضل صكد غاح ازعل منج اي حقج صاغت عندج صويحبات بل مستشفئ متغديني بعد …

وراح طبك الباب قوي خطية انقهرت عليه زعل ماما طلعت كالتلي رووح

-تعالي الزمي الكامره الي وابد لاتحجين اي كلام واذ بجيتي اطردج…

شغلت كاميرا كدامه وهيه بدت تحجي

- هلوو… اني زهراء الحلوه السباعيه بيه مرض بس راح اصير زينه من عنده اني قويه وراح ابقى قويه وحتلو شعري… وكع اني ماهتم اصلاً واذا يلا خوش فطومه ماتنزل دمعه ابد حبابه يلا …

وبدت اجر خصلات شعره وحده وحده وتفاجت ينزل مثل المي يتكومن بحضنه واعتبرته لعبه وكامت تسحب هواي لحد ما كملت وباوعت ع المرايا شكله غريب صار !!!!…

شهكت باوعتله خلت اصبعه علئ حواجبه وتمشي خفيف حواجبيه مباشره تجمعن علئ حضنه عينه ابد مادمعت انقهرت شعره كلش طويل يوصل لركبتة……

هيه ماتفاجت بلع** - اخلص منهن هذني اذا يضلن يأذني يمكن شوفو عادي

ماكو شي يخوف حلوو كلش من تسحب شعر ويوكع اي خلصت بعد ماتتعب

ماما بلتمشيط راحت علئ رموشه تسحب بيهم وتحسبهم …

-قليلات رموشي روح …وضحكت

اخذت الكامره مني وسدته

-: ليش هيج سويتي زهراء؟ ؟

-هههه احسن هو بل حالتين راح يوكع شستفاد منه صدك روح خلي يداوم حسين كليله لاينتظرني ابدد …

-ليش زهراء…؟؟

-ماداوم بعد يله روحي اطلعي وهاج هاي علاكه بيه شعريه اتقاسموهه انتِ وحسين يحب شعري لو اذبيه بل زبالة بكيفج بس اطلعي…

اخذت علاكه منه وطلعت امي شاف*ني كالت شبيه ليش طلعتنه ؟؟

-كصت شعره وكع كله…

-يممه بنتي يمه صخام الصخمني بقت تلطم علئ خده …

طلعت ولزمت العلاكه رحت ادور علئ حسين لكيته كبال الساحة كعدت بصفه

-غوح ليش اجيتي كومي منا والعباس مالي خلك…

-حسين تدري شنو بهاي العلاكة شعره وكع…

-صكد غوح لا عليج العباس ليش وكع …اخذ العلاكة مني شاف شعره

دمعت عينه اخذ العلاكة من ايدي وكام…

-اوكف حسين انطيني اريد الي شويه

-بس هذا مالتي شعغة انطيج بس خصلة خوش بي عليج الحسين وفاطمة الزهغاء اديغبالج عليه اخذ جفيته وخلالي خصله. بيدي وراح يركض…

انقهرت عليه خطية … رجعت للبيت شفتهم ملتمين كلهم وزهراء كاعده بس خاله حجاب اميره علئ راسه كعدت بصفة اجتي مسره صاحت علئ بنته سحر اجيب المشط …

صارت اكبال زهراء فتحت شعره وبقت تمشط بي ودكول

صلاوات طولان كلش حلو صاير …

اني من يمي احترك دمي باوعت لزهراء تبتسم

زهراء -: يله اريد ااانام كللكم اطلعو ماريد واحد يمي

نوال -: ليش بنتي مو قبل شويه نمتي ابقي كاعده شوية

زهراء -: لاا اريد انام اطلعو كلت

مرت ايام ورجعو للمستشفئ بقو 10 ايام اول مارجعو نامو

وجنت حيل مشتاقة لامي كعدت هيه راحت اصلي

كملت صلاه رحت حضنته حيل هيه دفعتني

-ماما شبيج ويايه ولله تعبانة وضايجة بدونكم ارحمي بيه مشتاقه لاكلج ولله كومي سويلي بيض وطماطه

امي كامت ض*بتي كفخه كالت اني بيا حال وانتي تحجين هيج رادت تكمل الكتله

جرني بابا - وحده تمرضت الثانيه ماريد اخسرها اخذني …!

وطلعنه اني ابجييي ووجهي صاير احمرر

- شبيها زلمه حسام شو تبجي ولج احنه شتفقنه مو احنه النبجي مانبجي وضل يقنعني اسكتي بابا امج تعبانه نوب اني مسحت دموعي

- بابا فطومه شبيها مو دائما نتمرض ناخذ حبايه ونطيب ليش طولت ؟؟

مجرد ماكلتله هلكلمه ابويه خله راسه بحضني وكام يبجي بجيي ويشهك

- لج بابا اختج هاهيه بعد مالها علاج ولا حل يم الله بقت…

يبججييي بحرككه وقهرر اني ضليت مصدومه ابويه اول مره هيج يبجي صح جان تنزل دمعه بس هاي هسه اول مره رفعت راسه…

بجيت ويه -بااابا عليك الله كوم كوم لاتبجي اطيب…

-ولج رووحي روحي شسوي اختج جااي تموت مابيدي حل ماكو

شسويله زهوره راح تروح من ايدنه …

-لا بابا حباب لاتحجي هيج تعيش ويانه تبقه متموت احنه دائما نتمرض

وره نطيب لاتخاف جانت ريم دكلي هيج…

(وِلَيِّبِلَيِّ أّلَمَؤمَنِيِّنِ مَنِهِ بِلَأّء حٌَّسنِأّ أّنِ أّلَلَهِ َّسمَيِّعٌ عٌلَيِّمَ )

الله لان يحبنه هيج يسوي لاتخاف انت احنه هيج نحب ندلع عليك علمود ادللونه بس احنه مابينه شي …

-ابتسم الحمدلله علئ كل حال الله يرحمه ريم

بابا كام راح غسل وجه حيل انقهرت اجه امير يزحف بيده ربع يريد يشتري

رحت شلته وطلعنه شفت حسين مشتاقتله هو من زهراء كصت شعره وطردته بعد ابد ماجه ولايحجي وياية…

اشتريت باوعت علئ بيت ريم خفت منه عبالك اشوفه جان بيتهم اظلم وين جان كله اضويه ويخبل رفعت راسي باوعت علئ حديقتهم وصخه جانت ريم تحب تنطي مي للزرع دكلي شكد ماتنطين مي الهم يدعولج هذني …

مشيت وعفته البيت رجعت شفت مرت عمي مسره واكفه ومنطيه ظهره للباب دخلت صدفه سمعته دكول اي حبيبي من يرحون اجيك للسوق هيه اندارت شاف*ني خزرتني

-انتِ من اشوكت هنااا سمعتي شي ؟؟

-لاا ماسمعت هسه اجيت …

-اي خوش ادخلي اني جاي احجي ويه صاحبتي

ماعرف ليش جذبت مع انو سمعت حبيبي ولد …مرت ايام نجحت لصف السادس دخلنه شهر رمضان زهراء گملت الجرعة الخامسة

جنت ويه الم بل ملابس علمود يرحون للمستشفئ يكملون الجرعة السادسة الاخيرة والورم الي برجلة كام يخف فرحنه…

زهراء: روح اني حيل احبج دافعي علئ نفسج اذ رحت ديربالج خوش

روح -: زهراء ليش هيج تحجين…!!

زهراء -:حيل فرحانة اني مادري بس اريدج تنجحين وتصيرين دكتوره

بس هاا كون مو مثل هذني بل مستشفئ لاتض*بين الابره قوي تاذينه

روح -:لا ماريد اصير دكتوره اني معلمه انتِ اكبري وصيري دكتوره

خوش

هيه ابتسمت مجاوبتني مادري ليش كلبي نغزني طلعت وديت الجنطة بصندوق الت**ي وكفت بلباب اجتي زهراء حضنتني حيل وتبوس بيه …

هيه جانت طالعه بدون شفقه ولا حجاب مبينه بدون شعر درت وجهي

شفت حسين فاتح عينه ومصدوم بس يرمش يريد يعرف هاي حقيقة هيه زهراء لو لا …

صعدت بلت**ي دمعت عيني اجه حسين يركض وكف يمي

-غوح عليج العباس ابو فاضل صكد هاي مني بس لا بالي صحيح

-اي حسين هيه زهراء

بقه يباوع شكله مصدوم اجتي ماما صعدت هيه زهراء اندارت علينه

من جامه ليوره شافت حسين بصفي ابتسمت اشرت النه بيده باي…

مشت السياره واحنه صافنين لحد ما ختفت دمعت عيني خفت عليه

حسين -: غوح يعني بعد ماتغجع علئ ابو فاضل لاتبشغيني انتِ فكغ تغجع موو؟؟

روح -:لا انشالله تجي تكمل جرعة وترجع لاتخاف …

حسين -: انشالله ابخت ابو فاضل وفاطمة الزهغاء تغجعنه اني حيل

احبه وغوح جدي اموت عليه …

روح -: هيه هم تحبك كلش

حسين -: لاا غوح هيه ماتحبني لو تحبني ماتطغدني … راح يركض

دخلت جوه اني بس بهليله جان كلبي حيل يوجعني مانمت سمعت حركه

بليل طلعت من غرفة جان ياذن الفجر شفت عمامي مجتمعين

-:صاير شي بيبي شكو ؟

-مصاير شي حبوبه لاتخافين

احسان -:روح روحي بدلي وتعالي ويانه

-ليش عموو شصاير هو جان وجه اصفر جاوبني

گال -:كلشي ماكو بس زهراء تريد اشوفج…

-خوش …رحت بدلت شفت بابا كاعد علئ اخر دجه من الدرج وايده

علئ راسة رحت بسرعه كعدت يمه

-بااابا شكو شبيك؟ ؟

-ولله كلبي نااغزني بلفجرية شوكت يطلع الصبح مادري لج روحي

تعبان،

رحنه للمستشفئ اني لازمه ايد بابا وصلنه طلعت الشمس سلمت عليه زهراء جانت وجه اصفرر وعيونه مكلوبه ومتخربطه صحت امي وابوي يركضون

للدكاتره يصيحون بيهم

اجه قاس درجه حراره -حالتها كلش خطره حولوها غرفة 19

ماما جاوبته -لااا دكتوور علئ بختتك كوول غيرها

-كولي يالله ام زهراء خلي ايماانج بالله قوي

اخذو زهرأء لهذيج الغرفة بوكتها راحو وره عمامي ولدهم هواي صرنه

دخلنه يمها …سبحاان الله شكله تغيرر وين جانت صار وجه ازررق

اجه دكتور طلعنه اني جاي اطلع اندريت جانت كلش نحلانه وكعت دمعت اباوع عينها ورانه

جان تنزل دمعتها هيه …

تمنيت الله يأخذ روحي ولا هل لحظه ياربي احس كلبي دايقطع اكو شي بداخلي يريد يبجي بس مداكدر وين ااختي وينه الحلوه ام ضحكة …

رجعنه اني وبابا للبيت صعدت فوك نمت هواي

نزلت جوه وجوهم صفره كلهم سالت بابا شكو! !!.

-ولله يابوية ماادري اني نعزني كلبي

مرت عمي احسان -اختي نجمه مريضه بين الحياه والموت وتبجي

وكلهن يبجن

استغفرلله هاي منين اجتي المحبة…!!!

لا اكيد زهراء بيه شي بقيت ارجف لزمت بت عمي الصغيره نوره

-اكلج انطيج جكليت هوواي بس كليلي زهراء هيه المريضة؟ ؟

-اي زهراء مريضة وراح تموت بس اهلي كالو لحد يكول روح وعمو حسام

…احس كلبي يتقطع الله لاا يشوف هذاك اليوم لبشر حرت وين اروح بقيت الوب…

اريد اشوف الله اريد احااجي وادعي صعدت بلسطح جنت رمضان والكاع تجوي جوي تموز نمت علئ كاع وابجي واشهك

-ياااربي اخذ عمري وانطي اله ياربي ولله مو مال تموت بعدها طفله ضليت ادعي وادعي واصبر بروحي رغم صغري بس افتهم جنت ذكية واخاف من الموت …

اخر شي نزلت بابا صاحني بسرعة تعالي رحت ركض

-هاي زهوره تحجي وياج تريدج …!

اخذ تليفون كلتلي روح كون محد يمج ماريد احد يسمع …!

اني بسرعة كمت ورحت بلمطبخ..

-ولله يابوية ماادري اني نعزني كلبي

مرت عمي احسان -اختي نجمه مريضه بين الحياه والموت وتبجي

وكلهن يبجن

استغفرلله هاي منين اجتي المحبة…!!!

لا اكيد زهراء بيه شي بقيت ارجف لزمت بت عمي الصغيره نوره

-اكلج انطيج جكليت هوواي بس كليلي زهراء هيه المريضة؟ ؟

-اي زهراء مريضة وراح تموت بس اهلي كالو لحد يكول روح وعمو حسام

…احس كلبي يتقطع الله لاا يشوف هذاك اليوم لبشر حرت وين اروح بقيت الوب…

اريد اشوف الله اريد احااجي وادعي صعدت بلسطح جنت رمضان والكاع تجوي جوي تموز نمت علئ كاع وابجي واشهك

-ياااربي اخذ عمري وانطي اله ياربي ولله مو مال تموت بعدها طفله ضليت ادعي وادعي واصبر بروحي رغم صغري بس افتهم جنت ذكية واخاف من الموت …

اخر شي نزلت بابا صاحني بسرعة تعالي رحت ركض

-هاي زهوره تحجي وياج تريدج …!

اخذ تليفون كلتلي روح كون محد يمج ماريد احد يسمع …!

اني بسرعة كمت ورحت بلمطبخ ..