HERA'S
INIS kong iniwas ang tingin kay Blaze, kanina niya pa kasi ako tinatanong kung galit ba ako sa kan'ya. Baka ngayon galit na ako dahil sa pamimilit niya, sinabing tumahimik lang ako dahil mukhang mainit ang ulo niya sa nangyari kanina. Sinong matinong tao naman ang kakausap sa taong mainit ang ulo hindi ba? Minsan ang sarap kutusan ng lalaking 'to. Naturingang lawyer, eh.
“Really?” ayan nanaman siya. Ayaw magpaawat at hindi mo alam kung malakas ba ang tama o nang-aasar lang. Muli ko siyang tiningnan at inirapan. “Naiinis na ako sa'yo ngayon, Blaze.” saglit niya akong binalingan ng tingin dahil nagmamaneho siya ng sasakyan.
“Okay, I'll stop.” sa wakas ay narinig ko na rin sa kan'ya ang salitang gusto kong marinig. Minsan talaga hindi ka matutuwa kapag nang-aasar ang taong 'to. Wel
